HVAR ER EIGINLEGA ÞETTA MIKLA ÁLAG?

Ef maður þarf að hitta kennara og kemur eftir kl 14:00 á daginn, þá er varla nokkur kjaftur eftir í skólanum.  Væntanlega eru allir kennararnir farnir heim til sín að fara yfir verkefni.  Ég var í kennslu í tvö ár, reyndar kenndi ég í framhaldsskóla og aldrei varð ég var við þetta mikla álag. Fyrst og fremst er þetta kannski spurning um að skipuleggja tímann í skólanum.  Ég þurfti aldri að fara með nein verkefni og próf heim, til að fara yfir ég hafði nógan tíma til þess á skólatíma, samt sem áður þurftu nemendur aldrei að bíða meira en tvo daga eftir niðurstöðu prófa.  Þannig að þegar ég fór heim eftir skólatíma þá var allt frá.  Vinnuaðstaðan hefði svo sem getað verið betri en hún var allt í lagi.  Það var töluvert frelsi í kennslunni og stuttur vinnutími, gerði það að verkum að það var hægt að sinna ýmsum erindum eins og í banka og þessháttar.  Þegar ég svo fór í vinnu frá 9:00-17:00 voru það þó nokkur viðbrigði og er ég ekki alveg viss um að ungir kennarar geri sér alveg grein fyrir þessu, þegar þeir tala um að þeir geti alveg farið í aðra vinnu.  Það er nefnilega þannig að á flestum vinnustöðum er viðverskylda.

„Þetta gengur ekkert upp“