ERU "BRANDARAKARLAR" HEPPILEGIR SEM FJÁRMÁLARÁÐHERRAR?

Það kemur hver hagfræðingurinn á fætur öðum og segir það algjört glapræði að tengja gengi krónu við evru, fyrir það fyrsta séu ENGIN líkindi með hagkerfunum og því væri hugmyndin algjört óráð.  Myntráð væri álíka slappur kostur, illskásti kosturinn væri að tengja krónuna við Kanadadollar eða Norska krónu en þar væru hagkerfin líkari því Íslenska.  En besti kosturinn væri núverandi fyrirkomulag.  Fyrstur til að bregðast við bullinu í fjármálaráðherra Íslands, var hagfræðingurinn og gjaldmiðlsérfræðingurinn Mohammad A. El-Erian og í Fréttablaðinu í dag skrifar Danski hagfræðingurinn Lars Christensen (sá sami og einn núverandi ráðherra Viðreisnar vildi senda í endurmenntun fyrir hrun), ágæta grein um málið og tekur undir orð Mohammed A. El-Erian.  Eftir þetta þá hlýtur að vakna sú spurning hvort þessi maður valdi því nokkuð að vera Fjármálaráherra landsins?

„Þurfa gengisfestingu eins og þorskur þarf hjól“

Athugasemdir

[Hrossabrestur, 5.4.2017 kl. 15:29]

Maður fer nú bara að efast um greind og andlegt atgerfi Fjármálaráðherrans.

[Jóhann Elíasson, 5.4.2017 kl. 15:46]

Ég efast stórlega um manninn og ég treysti honum EKKI fyrir horn.....

[Guðbjörg Snót Jónsdóttir (IP-tala skráð) 5.4.2017 kl. 16:25]

Maðurinn er gjörsamlega glataður hreint. Ég stórefast um hæfni hans til þess að gegna þessu embætti, og stærðfræðikunnáttu hans líka, þegar hann segir aðra eins vitleysu eins og að ólík viðhorf þeirra frændanna í þessum málum sýni, "að Sjálfstæðisflokkurinn sé ekki hluti af Viðreisn eða viðhengi hans."(!) Á þetta að vera einn brandarinn, eða hvers lags rugl er þetta eiginlega? Hvernig getur rúmlega 100 ára gamall flokkur, sem alltaf mælist í kringum 30% í skoðanakönnunum verið hluti af flokksbrotinu Viðreisn, sem mælist aldrei nú orðið nema með 10% í mesta lagi? Annaðhvort hefur Bensi mismælt sig svona gífurlega þarna, eða hann er ekki meiri hagfræðingur og stærðfræðingur en þetta. Hann gæti svo sagt á endanum eins og Jón sterki í Útilegumönnunum: "Ja, miklir menn erum vér, Sveinki." - Nei, svei mér þá, sem það er í lagi með manninn. Mér hefur líka alltaf fundist hann vera með alltof mikið stórmennskubrjálæði, eftir að hann sigraði í kosningunum í vetur. Svoleiðis fólk veit greinilega ekkert, hvað það er að segja, og heldur, að það geti sagt hvað sem er, hvenær sem er. Ég held ég segi eins og Styrmir sagði í bloggi sínu um daginn: "Ætli þetta séu endalokin á stjórnarsamstarfinu?" - Það skyldi þó ekki vera! Haldið það sé nú!