Hvað næst?

Ég var að horfa á sjónvapsfréttirnar á RÚV í kvöld og þar var meðal annars frétt um það að dýravinir í Noregi hefðu kært "sjónvarpskokk" vegna slæmrar meðferðar á dýrum, en hann setti lifandi krabba í sjóðandi vatn.  Mér brá töluvert við að sjá þessa frétt, því ég bjó í Noregi í rúm tvö ár og þetta er eina aðferðin sem ég lærði og veit um við að sjóða krabba.  Og svo er annað.  Er fólk komið svo langt frá náttúrunni að það megi ekki sjást að við borðum eitthvað sem hefur lifað?  Heldur fólk að uppruni matvæla sé í neytendaumbúðum?  Við þurfum að gera okkur grein fyrir því að við lifum á gæðum náttúrunnar og verðum að gera það í fullri sátt við náttúruna.

Að lokum ætla ég að deila með ykkur uppskrift af krabba:       Reikna skal með einum krabba á mann.  Krabbinn er settur lifandi í pott með sjóðandi vatni þegar hann hættir að banka í lokið er hann tilbúinn.  Berist fram með salati og fetaosti, gott er að hafa hvítvín með og ef fólk vill ekki hvítvín er mælt með "sítrónuvatni".                                                                    

Athugasemdir

[Brynja Hjaltadóttir, 19.6.2007 kl. 00:59]

Hvar fær maður bankandi krabba? En

[Brynja Hjaltadóttir, 19.6.2007 kl. 01:00]

...af hverju eru krabbarnir soðnir lifandi? Greyin...

[Jóhann Elíasson, 19.6.2007 kl. 11:26]

Mér hefur ekki tekist að fá krabba eftir að ég kom heim, en úti í Noregi keypti ég krabba á útimarkaði og þá var ég með þá í matinn 2-3 í viku, hefði verið með þá oftar, þeir voru svo góðir, en stráknum mínum, sem var bara 6 ára þá,  fannst svo mikið vesen að borða þá.  Ég hef aldrei heyrt um aðra aðferð við að elda þá, en það verður að passa rosalega vel uppá að ofelda þá ekki.  Ef einhvers staðar er hægt að fá krabba þá vinsamlega látið mig vita.

[Hafsteinn Viðar Ásgeirsson, 19.6.2007 kl. 14:31]

Ertu að tala um kóngakrabba? Nei andskotinn. þeir hafa verið að flytja þetta inn frá Ameríku og örugglega er hægt að fá skepnuna einhversstaðar.

[Jóhann Elíasson, 19.6.2007 kl. 16:19]

Ég nenni ekki að fá einhverja steindauða andskota sem eru búnir að lyggja í rotvarnarlegi í sex mánuði.