En getum við ekki lifað ÁN AGS??????

Það er nokkuð ljóst að það yrði erfitt en væri það ekki tilraunarinnar virði og vera þá um leið laus undan þeim þvingunum sem ESB beitir okkur í gegnum AGS, með því myndum við slá eitt aðalvopnið úr höndum ESB.  Ég fer samt ekkert ofan af því að umsókn um aðild að ESB eru STÆRSTU mistök þjóðarinnar en úr því sem komið er verður að sætta sig við þessi ósköp.
mbl.is Stjórnvöld halda í vonina
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 identicon

Þér finnst greinilega í lagi að leika sér í einhverjum háskatilraunum með heila þjóð! Veistu ekki maður, að fólk mun flýja þetta land í hrönnum ef við ætlum að hlýða þínu kalli og annarra öskurapa. Sjálfum bíður mér við að heima í landi sem ber fyrirltningu til allra þjóða og finnst ekkert mál að hlaupa frá sínum skuldbindingum. Af því þú ert nú stýrimaður meðal margs annars: Hefðurðu ekki hugleitt að leggjast í sjórán eins og jafningjar þínir í Sómalíu; ræna útlensk skip sem eiga leið hér hjá? Ég mundi halda að það væru viðskiptahættir sem höfðuðu til þín. Þú gerðir þjóðinni best með að hætta að bera út boskap þinn á þessum síðum - kynda undir hatri og neikvæðri manneskjusýn

Kári (IP-tala skráð) 31.7.2009 kl. 13:07

2 identicon

Þetta snýst nú ekki bara um AGS heldur eru öll erlend lán til Íslands háð því að sjóðurinn veiti okkur heilbrigðisvottorð. Það vill nefnilega þannig til að allur fjármálaheimurinn er sammála um að við eigum að greiða Icesave og neitar að lána okkur krónu fyrr en við höfum tekið til í okkar ranni -- og hver getur láð þeim það. Það er ósköp ódýrt að bera sig mannalega á bloggi, og mér heyrist jafnvel að fólk trúi því virkilega að Íslendingar njóti almennrar samúðar í löndunum í kringum okkur -- það þurfi bara að tala um fyrir þeim. Því miður verð ég að hryggja fólk með því að svo er ekki. Það er lítið á þessa Ísland sem bananalýðveldi þar sem spilltir stjórnmálamenn létu eins og ekkert væri þegar fjármálamenn ruddust eins og naut í flagi um alla Evrópu og misnotuðu sér það frelsi sem EES samningurinn veitti þeim. Og ef við ætlum nú að bæta gráu ofan á svart og þykjast ekkert hafa með þetta gera, þá verðum við að gjöra svo vel að súpa seyðið af þeirri ákvörðun.

Gylfi (IP-tala skráð) 31.7.2009 kl. 13:10

3 Smámynd: Jóhann Elíasson

Er ekki verið að leika sér í einhverjum háskatilraunum með þjóðina núna Kári?  Ef þú getur fundið út úr skrifum mínum að ég sé að kynda undir hatri og neikvæðri manneskjusýn veitir þér ekki af því að fara til sálfræðings og fara í ærlega naflaskoðun.

Jóhann Elíasson, 31.7.2009 kl. 13:13

4 Smámynd: Jóhann Elíasson

Eins og fram kemur í máli þínu Gylfi var það EES samningurinn sem var upphafið að því hvernig allt fór á annan endann há okkur fjárhagslega séð nú á að bæta um betur og ganga skrefið til fulls með því að ganga í ESB.  En eitt hefur EKKI verið í umræðunni, ég hef mikið velt ástæðunni fyrir mér en alls ekki getað komist að niðurstöðu, þegar EES samningurinn var gerður var þar um MUN meira afsal á sjálfstæði okkar að ræða heldur en með aðild að ESB, það er mikið talað um að það þurfi að breyta stjórnarskránni áður en við göngum inn í ESB en þegar EES samningurinn var gerður get ég ekki með nokkru móti munað eftir því að þetta atriði hafi komið til tals, hvers vegna veit ég ekki og enginn hefur getað svarað því.

Jóhann Elíasson, 31.7.2009 kl. 13:50

5 identicon

Í stuttu máli, nei, við getum ekki lifað án AGS. Án AGS mun ekkert fjármagn koma til Íslands og þá verða engin viðskipti við útlönd. Án viðskipta við útlönd er Ísland dauðadæmt. Það eina sem við gætum lifað á væri innlend framleiðsla, en landið getur ekki haldið uppi 320.000 manns án erlends fjármagns. Það hefur það allavega aldrei áður gert.

Helgi Hrafn Gunnarsson (IP-tala skráð) 31.7.2009 kl. 13:57

6 Smámynd: Jóhann Elíasson

Kom ekkert fjármagn inn í landið áður en AGS kom til Helgi, eru engin viðskipti fyrirhuguð við útlönd án þess að AGS verði þar með puttana?  Að þú skulir láta svona vitleysu fara frá þér er með ólíkindum.  Þetta er spurning um hagstjórn og að halda það að AGS stjórni fjármagnsflæðinu til landsins, er eins og að halda því fram að vatn sé ekki blautt.

Jóhann Elíasson, 31.7.2009 kl. 14:18

7 identicon

Ööö, félagi, misstirðu af því að Ísland er gjaldþrota? Það var engin þörf á AGS þegar krónan var einhvers virði og lánstraust Íslands var ágætt, en þá þurfti samt sem áður gott lánstraust til þess að við kæmumst í...

...erlent fjármagn.

AGS stjórnar ekki fjármagnsflæðinu til Íslands. Það bara fjárfestir enginn heilvita maður í landi sem getur ekki borgað skuldirnar sínar, og án AGS gætum við ekki borgað skuldirnar okkar. Við þurfum AGS vegna þess að við, eins og allar aðrar þjóðir í heiminum, verðum að standa undir bankakerfinu sem við komum upp. Ef við gerum það ekki, þá fjárfestir enginn heilvita maður í nokkrum sköpuðum hlut á Íslandi. Við fengum gjörvallan efnahaginn að láni og nú þarf að borga hann til baka en gettu hvað... það er ekkert fjármagn til þess og íslenska krónan er einskis virði, reyndar eru menn nánast algerlega hættir að versla með hana yfirhöfuð erlendis.

Þetta er ekki spurning um að einhverjir gæjar úti í bæ ákveði hvort það komi fjármagn til landsins. Þetta er spurning um hvort nokkrum manni detti í hug að versla við okkur ef við þykjumst geta fengið allan efnahaginn að láni og svo bara neitað að borga. Það er ekki á neinn hátt frábrugðið því að hanga á lúxushóteli í mánuð og fara svo bara án þess að borga. Það myndi enginn hýsa mann.

Ef við hefðum ekki AGS, þá væri augljóst að við gætum ekki borgað skuldirnar, sem myndi þýða að ekkert fjármagn kæmi inn í landið, nokkuð augljóslega líka

Helgi Hrafn Gunnarsson (IP-tala skráð) 31.7.2009 kl. 14:37

8 Smámynd: Jóhann Elíasson

Ekki gef ég nú mikið fyrir hagfræðikunnáttu þína Helgi, ef þú ferð inná vef Seðlabankans þá sérðu að landið er ekki gjaldþrota því eignir eru TÖLUVERTumfram skuldir en það er skortur á lausafé sem hrjáir landið sem er ekki það sama og gjaldþrot þetta er spurning um fjármálastjórnum og það er ekki von á því að hún sé í góðu lagi þegar kálfar eins og dýralæknar og jarðfræðingar "stjórna" þeim málaflokki.  Það eru engar horfur á því að erlendar fjárfestingar til landsins stöðvist eins og þú heldur fram og er einhver kominn til með að segja að við getum ekki staðið undir bankakerfinu án AGS?

Jóhann Elíasson, 31.7.2009 kl. 14:51

9 Smámynd: Kolbrún Hilmars

Að ég best veit var AGS lánið aldrei ætlað til þess að greiða skuldir þjóðarbúsins og ætla rétt að vona að það fái að standa óhreyft inni á bankareikningnum okkar  í New York.

Jákvæður viðskiptajöfnuður er aftur á móti ætlaður til þess að standa undir greiðslu skuldanna - eftir sem áður.  Þjóðin þarf almennt að spara við sig, og það gildir jafnt um utanlandsflandur sem hina margumtöluðu flatskjái (sem munu að sögn hafa valdið hruninu).  Það þýðir ekkert að taka endalaus lán og búa að auki til nýja skuldabagga á borð við milljarðaviðræðukostnað  um ESB aðild, að ógleymdu ESB félagsgjaldinu - sem skiptir einnig milljörðum. 

Fátæktin mun einangra okkur hér norður frá, og því breytir ekki innganga um hið gullna hlið ESB.  Ja, nema fyrir þá útvöldu sem komast á ESB spenann - og það vita viðkomandi!

Kolbrún Hilmars, 31.7.2009 kl. 15:01

10 identicon

Það er alveg sama hvað þú berð þig mannalega Jóhann, staðreyndirnar tala sínu máli. Íslendingar fá ekki lán á viðráðanlegum kjörum nema með milligöngu AGS og þess vegna leituðum við til sjóðsins. Ein ástæða þess að aðkoma AGS skiptir svo miklu er sú að lánveitendur treysta ekki Íslendingum til að koma sínum málum á þurrt, en með skilyrðum AGS eru meiri likur á að jafnvægi komist á ríkisbúskapinn. Það er því miður svo að erlendar fjárfestingar hafa stöðvast á Íslandi, og reyndar eiga ríkisfyrirtæki eins og Landsvirkjun í erfiðleikum með að fá lán þótt hún hafi alltaf staðið í skilum sökum vantrúar á íslenskri fjármálastjórn. Þetta eru sorglegar staðreyndir, en staðreyndir engu að síður.

PS. í upptalningu yfir "kálfana" gleymdir þú heimskasta nautinu, þ.e. lögfræðingnum sem stjórnaði Seðlabankanum. Sem betur fer er búið að senda hann á eftirlaun!

Gylfi (IP-tala skráð) 31.7.2009 kl. 15:03

11 Smámynd: Jóhann Elíasson

Gylfi, lögfræðingurinn í Seðlabankanum var EMBÆTTISMAÐUR og tæknilega átti hann að vera undirmaður Forsætisráðherra og sá ekki um "stjórn" efnahags landsins aðrar athugasemdir þínar eru svo útí bláinn að þær eru ekki svaraverðar.

Jóhann Elíasson, 31.7.2009 kl. 15:14

12 Smámynd: Hafsteinn Viðar Ásgeirsson

Mér sýnist engu þurfa að bæta á þig núna félagi, hér hefur flest verið talið til gegn þínum málflutningi um að við getum haldið uppi einangrunarstefnu hér norður í hundsballarhafi......skítblankir og skítugir....

Hafsteinn Viðar Ásgeirsson, 1.8.2009 kl. 10:03

13 Smámynd: Jóhann Elíasson

Hafsteinn á ég virkilega að trúa því, að bara til þess að þjóna hugsjónum Samfylkingarinnar, sértu tilbúinn til þess að gera "besta fiskveiðistjórnunarkerfi í heimi" enn verra en það er í dag?

Jóhann Elíasson, 2.8.2009 kl. 00:06

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband