EF MENN KALLA ÞAÐ "JÁKVÆTT" AÐ MEGA ÞAKKA FYRIR AÐ VINNA MOLDÓVU, ER MARKIÐ EKKI SETT HÁTT....

Sannleikurinn er sá að eiginlega má segja að aðeins tveir menn hafi verið með fullri meðvitund í þessum leik, það voru Birkir Bjarnason og Mikael Anderson, aðrir í liðinu létu Moldóvana "draga" sig niður á þeirra plan.  Sérstaklega eftir að Moldóvarnir "fengu jöfnunarmarkið að gjöf" fóru þeir að spila "rúgby", sem dómarinn lét að mestu leyti óátalið.  Eftir að Ísland komst aftur yfir lagaðist leikurinn aðeins, hvað gróf brot varðaði (reyndar var leikurinn í heildina svo grófur að það hefði átt að banna hann innan 18 ára).  En Gylfi Þór fór svo alveg með því að KLÚÐRA vítaspyrnunni.  Þetta er önnur vítaspyrnan á stuttum tíma sem hann klúðrar vítaspyrnu og spurning hvort hann þurfi  ekki að fara að æfa sig í að taka vítaspyrnur, það er að segja ef hann á að taka þær á annað borð í framtíðinni........


mbl.is Jákvæður endir á undankeppninni
Tilkynna um óviðeigandi tengingu við frétt

AÐEINS FARIÐ AÐ "FALLA Á" SILFRIÐ

Ég setti mig í stellingar til að fara nú að sjá þátt sem virkilega myndi nú "kryfja" til mergjar, það eða þau mál sem hvíla á þjóðinni um þessar mundir.  Eins og við var að búast var aðeins EITT mál í umræðunni og jók það vissulega á væntingarnar, því það ætti nú að vera hægt að komast að einhverri vitrænni niðurstöðu á tæpum klukkutíma.  En viti menn, þarna kom saman hópur af fólki með mismunandi skoðanir og vitsmuni til að koma þeim á framfæri og allur tíminn fór í að karpa um einhver smáatriði, sem í stóra samhenginu komu málinu ekkert við, þannig að úr varð samhengislaust kjaftæði og lítið dæmi má nefna að einum þátttakendunum, í þessum "panelumræðum" fannst það alveg tilvalið að bera saman laun leikskólakennara og forstjóra og eins af eigendum Samherja.  Svo eins og venjulega var "drottningarviðtal" í þættinum við Þorstein Pálsson (reyndar var líka sýndur bútur af viðtali við þennan Norska Seðlabankstjóra, sem Jóhanna og Gunnarsstaða Móri fluttu hingað, til að taka við af Davíð Oddssyni og ég man bara ekki hvað heitir, en ég get ekki skilið hvað það átti að þýða því viðtalið var bæði stutt og ómerkilegt).  En Þorsteinn fór að tala um hversu nauðsynlegt það væri að kvótakerfið skilaði sem MESTU til þjóðarinnar með því að handhafar kvótans greiddu markaðsverð fyrir kvótann.  Þetta fannst mér mjög merkilegt að heyra hann segja, því það var HANN sem heimilaði VEÐSETNINGU KVÓTANS.  Hann stuðlaði að því, ásamt fleirum, að kvótinn var festur í sessi með því að afnema það að kvótinn yrði aðeins til eins árs í senn.  Þannig má segja að hann sé GUÐFAÐIR KVÓTANS EINS OG HANN ER Í DAG.  Þó að menn séu í svona "drottningarviðtölum" og það ætti að vera einfalt að fá það fram sem leitað er eftir, þá eru menn bara það "klókir" að þeir fara bara að tala um eitthvað annað og þáttastjórnandinn er bara svo illa að sér í málinu að hinn sleppur með skrekkinn.  Í framtíðinni verður það ekkert forgangsmál að horfa á "SILFRIÐ".......


mbl.is Ekki í mínum höndum að krefjast frystingar
Tilkynna um óviðeigandi tengingu við frétt

Bloggfærslur 17. nóvember 2019

Innskráning

Ath. Vinsamlegast kveikið á Javascript til að hefja innskráningu.

Hafðu samband