BALLIÐ ER BARA STRAX BYRJAÐ!!!!!!!!!!!!!!!

Og nú er bara að koma haust.  Hvernig á þetta eftir að verða í vetur og ekki  bætti úr skák fréttin um aurkeiluna, sem hafði myndast við ósa Markarfljóts, austan við höfnina í Landeyjum.  Það er nokkuð ljóst að það þarf að drífa í samningum við Þorlákshafnarhöfn, sem varahöfn fyrir Herjólf.  Kannski endar með því að Þorlákshöfn verði aðalhöfn fyrir Herjólf og það verði kannski hægt að nota Landeyjahöfn, sem smábátahöfn í einhvern tíma????

Ferðir Herjólfs falla niður

Athugasemdir

[Níels A. Ársælsson., 4.9.2010 kl. 13:03]

Sæll Jóhann.

Landeyjarhöfn er ekki tilbúin enn, það veistu.

Þar á eftir að dýpka og margt, margt fleira.

En ég er sammála þér með aðstöðu fyrir smábáta, það verður mikil lyftistöng fyrir marga enda fengsæl fiskimið steinsnar undan.

Bestu kveðjur. Nilli.

[Jóhann Elíasson, 4.9.2010 kl. 13:27]

Þó að höfnin sé ekki tilbúin, þá breytast veðurfarslegar aðstæður ekki og straumar og sandburður verða enn til staðar.  Og hvenær verður búið að dýpka?????

[Níels A. Ársælsson., 4.9.2010 kl. 16:07]

Hér koma skýringar á þessu minn kæri vin: http://sigling.is/Pages/114?NewsID=1455

[Jóhann Elíasson, 5.9.2010 kl. 14:33]

Nilli, ég hef séð það á blogginu  þínu og annars staðar í athugasemdum frá þér að þú ert mjög gagnrýninn á margt og það er, að mínu viti alltaf gott þegar menn geta horft á málin út frá mörgum sjónarhornum, þess vegna kemur mér það mikið á óvart að þú skulir taka allt sem Siglingamálastofnun segir og skrifar um þessa framkvæmd, sem þeir hafa algjörlega staðið að frá rannsóknum vegna verksins og allt að framkvæmd, sem heilögum sannleik.  Málið er og ég held að þú vitir það alveg að höfn á þessum stað getur ekki staðist ágang sjávar og strauma til lengdar.  Eitt sinn sá ég á blogginu þínu að þú varst að tala um að höfn á Landeyjasandi ætti alveg jafnt að geta gengið eins og höfnin í Hirtsals, Báðar séu þær móti opnu hafi og báðar byggðar á sandi.  En veðurfarsleg skilyrði  og straumar eru engan veginn samanburðarhæf í þessum tveimur höfnum, mjög lítil hreyfing er á sandi við höfnina í Hirtsals en því er ekki að fagna við Landeyjahöfn.  Það sagði mér stýrimaður á ferju sem gengur milli Kristiansand og Hirtsals að höfnin í Hirtsals væri það stór að nægt pláss væri til þess að athafna sig á stóru skipi, bæði á ytri höfninni og þeirri innri og ekki væri fyrir að fara "sterkum straumum" sem hefðu áhrif á stjórnun skipsins það þarf ekki annað en að skoða myndir af Landeyjahöfn til að sjá að þetta á ekki við þar.  Margt fleira gæti ég tínt til en ég eiginlega nenni því ekki en fyrst þessi framkvæmd er orðin að veruleika gengur ekki annað en að vona það besta.