ÞEIR SEM BOÐUÐU "OPNA OG MÁLEFNALEGA UMRÆÐU" VILJA FARA MEÐ UMRÆÐUNA UNDIR BORÐIÐ OG RITSKOÐA HANA Í LEIÐINNI

Framganga Pírata, á yfirstandandi þingi og gjörðir, sýna það bara svart á hvítu að þessu liði er ekki treystandi fyrir horn............

Illdeilur á hópspjalli Pírata

Athugasemdir

[Ómar Gíslason, 28.12.2015 kl. 12:09]

Hver er þetta opna ferli hjá Pírötum ef það á síðan að vera ritskoðun á því. Fratflokkur

[Margrét (IP-tala skráð) 28.12.2015 kl. 13:27]

Hahahaha Jóhann hverjum var ekki treystandi á yfirstandandi þingi

[Jóhann Elíasson, 28.12.2015 kl. 14:19]

Margrét, voru Píratar kannski þeir sem komu best út?  Þú ættir kannski að fara yfir allt sem stjórnarflokkarnir ætluðu að gera á kjörtímabilinu og þar er skuldaleiðréttingin sem er búin en fyrri ríkisstjórn gafst þar upp og gaf það út að ekki yrði um meiri aðstoð við heimilin að ræða.  Afnám gjaldeyrishafta er hafin en fyrri ríkisstjórn treysti sér engan veginn til að takast á við það verkefni.  Nú er allt útlit fyrir stórkostlega lausn á því máli en að sjálfsögðu reyna Vinstri menn að gera lítið úr því eins og öðru góðu sem þessi ríkisstjórn hefur gert og staðið fyrir.  Núverandi ríkisstjórn hefur lyft Grettistaki í því að rétta heilbrigðiskerfið við, sem Vinstri menn voru komnir langleiðina með að rústa algjörlega og svona mætti lengi telja. 

[Gissur Örn, 28.12.2015 kl. 16:28]

Sælir.

Pírataspjallið er enn opið og ekkert hefur breyst frá stofnun þess nema að það er orðið að stærsta pólitíska samræðuvettvangi á íslandi og fólk er eins og gengur og gerist ósammála. Stundum þreytist fólk á öðru fólki og skoðunum þess. Spjallið er engu að síður jafn opið öllum í dag og það var daginn sem það var stofnað. Endilega kíktu við. Það er öllum hleypt inn sem sækja um aðgang.

Hvað núverandi stjórnarflokka eða aðrar fyrri ríkisstjórnir varðar þá sjást verkin þeirra langar leiðir. Núverandi stjórn er búin að lækka skatta á ríkasta 1% í landinu um og yfir 20 milljarða árlega, eða einum landsspítala á kjörtímabili. Flestar leiðréttingar og flestir plúsar sem núverandi ríkisstjórn hefur sýnt fram á hafa verið bókhaldstrikk sem gagnast hvorki þér né mér nokkuð og munu það aldrei. Viðreisn heilbrigðiskerfisins hefur algerlega farið framhjá öllum í því. Nema auðvitað þeim sem bíða eftir einkavæðingu þess. Það mun ekki gera lífið þitt eða lífið mitt neitt betra þegar við eldumst eða ef við veikjumst.  Mig grunar að ef þau áform haldast í þeim farvegi sem horfir í þá muntu finna vel fyrir því hvernig er að verða gjaldþrota vegna veikinda á næstu tuttugu árum. Það er öll endurreisnin.

Gjaldeyrishöftin mega þeir eiga. Þó grunar mig að sama hver væri við stjórnvölinn þá væri það mál að leysast á einn eða annan hátt með svipuðum árangri.

Ég hlakka til 2018. Þá verður komin ný stjórnarskrá þar sem auðlindirnar okkar verða orðnar öruggar og mannlegara kerfi tekið við af gömlu vinapólitíkinni. Þá kannski lærið þið sem hangið í íhaldinu eins og það sé fótboltalið sem maður verður að halda með alla ævi að það er allt í lagi að skipta um skoðun og það er í lagi að hafa rangt fyrir sér svo lengi sem maður lærir af reynslunni. Það er einmitt það hugarfar sem mun skila Pírötum alla leið. 

[Jóhann Elíasson, 28.12.2015 kl. 17:29]

Gissur Örn, þú verður nú að færa skárri rök fyrir máli þínu en einhverjar "klisjur" frá Árna Páli og Katrínu Jakobsdóttur.  Og svo hefur ekkert verið fjallað um hvort "spjallsvæði" Pírata sé opið eða ekki, flestum er nú bara nokkuð sama um það.

[Anna Sigríður Guðmundsdóttir, 29.12.2015 kl. 00:01]

Um leið og koma upp svona baktjaldahönnuð skelfilega mannskæð eyðileggingar-sundrungaröfl í öllum flokkum, þá veit það á að banka/sjóðaráns-risaútgerðir eru að hanna skemmdarverk á einstaklingum og almenningsréttindum.

Það er ekki ný baktjaldastjórnunar valdníðingasaga hér á jörðinni, heldur ný blekkingarútfærsla á skepnugangi illra andanna ofurafla-kúgaranna!

Almættið algóða hjálpi öllu þessu varnarlausa, svikna, valdaníðinganotaða og blekkta fólki út um alla flokka, á jörðinni. Það getur ekkert annað afl en raunsæja sanna bænarinnar kærleiksaflið hjálpað. Það er vissulega alveg nýtt fyrir sumum. Og halda sumir jafnvel að sá kærleikur sé svona eins og nokkurskonar kaupsýslu-samningur. En raunverulegur kærleikur snýst hvorki um kaupmennsku, samninga, né endurgreiðslu af nokkru tagi.

Þetta er flóknasta verkefnið hér á jörðinni.

Ef ég hef rangt fyrir mér, þá reikna ég með að verða heiðarlega leiðrétt af æðstu"biskupum" valdabaktjalda-karlaheimsins á jörðinni. Þeir segjast allir vera þjónar Almættisins, (með ýmsum útfærslum), og ættu ekki að vera í vandræðum með að boða beint frá kærleiksorkunni?

M.b.kv.