MAÐUR AÐ MEIRI.........

Burtséð frá því hvað fólki finnst um þessi ummæli, þá sýnir Kári stóran og mikinn "karakter" (eins og er svo vinsælt að segja í íþróttunum), með því að biðjast afsökunar á þeim.

„Þessi skítur er á minni ábyrgð“

Athugasemdir

[Sindri Karl Sigurðsson, 6.2.2016 kl. 17:46]

Jóhann ég byrjaði á allt öðru en auðvitað eru alvöru menn með þannkaganginn í lagi og þora að afsaka sig, þar með taka þeir afleiðingunum. Ég hreint og beint sakna þess úr pólitíkinni, að fólk þori að segja það sem það meinar. Hvað ertu að hugsa? Segðu það þá! Þú verður betri maður eftir svarið...

[Jóhann Elíasson, 6.2.2016 kl. 17:58]

Ég er algjörlega sammála þessu hjá þér, Sindri.  Þakka þér kærlega fyrir stórkostlega athugasemd og vonandi fáum við menn í pólitík og annað, sem þora að vera þeir sjálfir og taka afleiðingunum.

[Erla Magna Alexandersdóttir, 6.2.2016 kl. 18:22]

Eg hef skömm á persónum sem nota peninga eða aðra aðstöðu til að berast á.

 KÁRI STEFÁNSSON ER MAÐUR SEM ER RAUNSÆR OG HUGSAR UM ÞÁ SEM SJÚKIR ERU- hann er serstök persóna í þessu já nei samfálgi-

[Sindri Karl Sigurðsson, 6.2.2016 kl. 20:29]

Kári segir margt og í raun er allt rétt. Þá er bara að hefjast handa og rekja upp. Í upphafi skal endinn skoða, segir máltækið.

[Anna Sigríður Guðmundsdóttir, 6.2.2016 kl. 22:40]

Kári Stefánsson er bara einn af mörgum hlekkjum kerfisins sem fær að tjá sig innan afmarkaðs áróðursviðs, með ritskoðuðu leyfi fjölmiðlaeigenda. Kári er hvorki betri né verri en aðrir.

Geta allir beðist afsökunar og sagt það sem þeim finnst í pólitíkinni á Íslandi? Hvað gerist ef sumir kúgaðir segja eitthvað, sem kostar skelfilegar hefndaraðgerðir af hálfu mafíu-spillingar-valdaaflanna lögvörðu og dómstólaútskúfandi?

Það virðist vera einhvers konar blind blekking í gangi um að valdakúgaðir pólitíkusar hafi raunverulegt málfrelsi á Íslandi? Það er þagað yfir því að þeir verði jafnvel gerðir atvinnulausir og eitthvað enn verra, ef þeir hlýða ekki kúgandi baktjaldavaldinu?

Hvers vegna þegja svo margir yfir þessari vel þekktu óverjandi lögmanna/dómstólavörðu kúgun?

Getur verið að stór hluti almennings á Íslandi viti ekki hvernig lögmannavarðar kúganir dómaravaldaklíkunnar virka í raun og veru hér á Íslandinu banka/lífeyrissjóða-stýrða?

M.b.kv.

[Jóhann Elíasson, 7.2.2016 kl. 00:54]

Ég er nú ekki á því að Kári Stefánsson hugsi sérstaklega mikið um þá sem sjúkir eru.  Kannski mætti benda honum á að það ætti að hvetja til þess að það fjármagn sem nú þegar er sett í heilbrigðiskerfið, sé betur notað og menn ættu að spyrja sig að því hvort allt það fjármagn sem sett er í heilbrigðiskerfið nýtist þar?

[Jónas Ómar Snorrason, 7.2.2016 kl. 10:15]

Sæll Jóhann, KS er búinn að vera "opinber persóna" allt síðan hann setti ÍE á stofn, hvernig svo sem það hefur síðan braggast. Hitt er, ég held að honum sé umhugað um gæði íslenska heilbrigðskerfisins, sem hefur hrakað verulega, og sér ekki fyrir endan á þeim hörmungum. Hvað KS segjir um SDG er kannski ekki í lagi, þar sem hver hugsar fyrir sig, og óþarfi að setja á torg, en það mikilvæga er, að fólk fari vonandi að huga að því, hvaða flokkar setja þetta mál í fyrsta sæti því þetta mál, því miður snertir alla, og á að vera óháð efnahag hvers og eins. 

[Jóhann Elíasson, 7.2.2016 kl. 10:58]

Það er allt annað hvort Kári Stefánsson, sé opinber persóna eða hvort honum sé eitthvað umhugað um heilsu almennings, sem ég held að hann missi ekki svefn vegna.  Að vera umhugað um heilbrigðiskerfið ítreka ég það sem ég sagði í athugasemd númer 6.  Ég veit ekki til að flokkarnir sem sátu í síðustu ríkisstjórn og HOLUÐU heilbrigðiskerfið að innan, hafi frekar sett heilbrigðismálin í forgang.  Finnst mönnum virkilega ekki vera svolítið "holur" hljómur í þessu mjálmi hjá formanni VG núna?

[Jónas Ómar Snorrason, 7.2.2016 kl. 12:14]

Raunverulega fjallar málið ekki um "holan" hljóm formanns VG, eða annara formanna. Málið fjallar einfaldlega um stöðuna í dag. Það er það sem ég held að KS sé að tala um, sem ég er sammála. Þetta er þjónusta sem all flestir þurfa ÞVÍ MIÐUR að hafa aðgang að, án þess að þurfa að borga hvítuna úr augum sínum. Í sjálfu sér er þetta ekki nýtt vandamál, búið að vera viðloðandi síðustu amk 2 áratugi. Spurðu bara sjálfan sig og svaraðu, hverjir hafa verið við stjórn þann tíma? Get nánast fullyrt, að 80% íslendinga vilja hafa þessi mál í fullkomnu lagi, fullkomnu lagi Jóhann!

[Jóhann Elíasson, 7.2.2016 kl. 12:59]

Auðvitað TENGIST þetta allt saman Jónas Ómar, það er auðvelt þegar fólk er í stjórnarandstöðu að heimta meiri pening í hitt og þetta. eins og stjórnarandstaðan núverandi gerir allt fyrir "popúlisma" og í þeirri von að fólk sé búið að gleyma síðasta kjörtímabili.

[Elle_, 7.2.2016 kl. 14:22]

Getur fólk verið svo visst um að Kári hafi orðið "maður að meiri" fyrir að biðjast afskökunar á skítkasti í Sigmund?