EF MENN HALDA AÐ ÞETTA SÉ ÞAÐ SEM KJÓSENDUR VORU AÐ SEGJA Í KOSNINGUNUM ÆTTU ÞEIR BARA AÐ HÆTTA Í PÓLITÍK

Að menn skuli leyfa sér svona vinnubrögð er ekkert annað en vanvirðing við kjósendur og bara allan almenning í landinu.  Það er byrjað á því að raða niður í ráðherrastólana og eftir það er farið í að athuga hvort einhver grundvöllur er fyrir þessa flokka að starfa saman á málefnalegum grundvelli.  Og þessi leið er farin eingöngu vegna þess að formaður Framsóknaflokksins VILL EKKI vinna að EINA SKYNSAMLEGA ríkisstjórnarsamstarfinu, sem er í kortunum, vegna PERSÓNULEGS ÁGREININGS við Sigmund Davíð Gunnlaugsson.  Sigurður Ingi verður að fara í ærlega naflaskoðun og ef hann getur ekki brotið odd af oflæti sínu er ekkert annað fyrir hann að gera en að taka pokann sinn og Lilja Dögg Alfreðsdóttir taki við formennskunni í Framsóknarflokknum.  EN NÚ DUGA ENGIN VETTLINGATÖK EF EKKI Á AÐ VERÐA PÓLITÍSKT STÓRSLYS HÉR Á LANDI....

Sætta sig við Katrínu í forsæti

Athugasemdir

[Sigurður Kristján Hjaltested, 11.11.2017 kl. 11:36]

Djöfull er ég sammála þér. Það var aldrei verið að biðja um VG í stjórn.

Þessi þöngulhaus Sigurður Ingi þarf virkilega að sætta sig við það að

hann er lúser fyrir Sigmundi Davíð og það er hann sem verður að hætta

þessu persónulega kjaftæði og hugsa fyrir heildina en ekki vera í

þessu sandkassastríði. 

[Jóhann Elíasson, 11.11.2017 kl. 11:48]

Þakka þér fyrir Sigurður, svona lýtur málið út fyrir mér og ég er örugglega ekki einn um þessa skoðun, í það minnsta erum við tveir.....

[Guðbjörg Snót Jónsdóttir (IP-tala skráð) 11.11.2017 kl. 12:50]

 Það segirðu satt. Þetta er alveg óskiljanlegt, líka í ljósi þess, sem nú er að koma fram, og sumir í VG geti alls ekki hugsað sér að hafa Bjarna innanborðs í stjórninni, eins og nýjustu fréttir herma. Hvernig dettur þessu fólki í hug, að það sé hægt? Þarna er komið eineltið, sem Páli Vilhjálmssyni hefur orðið tíðrætt um í pistlum sínum. Það á ábyggilega eftir að koma til uppgjörs í Framsókn fyrr en seinna varðandi Sigurð Inga. Hins vegar var ég hissa að hlusta á þá Jón Kristinn og Ingva Hrafn í Hrafnaþinginu í gær, þegar þeir voru sammála um, að þetta væri það skársta a.m.k. í bili, og þessir flokkar, sem snúast um eina persónu, væru varla tækir, og myndu detta upp fyrir áður en lyki. Það má kannske til sanns vegar færa, og minnir okkur á flokka Hannibals forðum tíð. Þeir gáfu nú lítið fyrir Ingu, en töluðu ekkert sérstaklega um Sigmund, enda held ég líka, að hann muni nú lifa af með sinn flokk, nema sameining eigi einhvern tíma eftir að verða milli Framsóknar og hans, þegar Sigurður Ingi er farinn úr formannsstól. Aldrei að vita. Pólitíkin er skrýtin tík, eins og Kiljan lét biskupinn í Kristnihaldinu segja. Það getur líka allt gerst í íslenskum stjórnmálum greinilega. Það er alltaf verið að segja, að það þurfi að koma hér stjórn, sem getur verið til friðs og fólk geti sætt sig við. Ég veit ekki, hvort nokkur mundi hafa á móti þeirri ríkisstjórn, sem við höfum mælt sem mest við, - nema þá Rúvarar og félagar þeirra á Stöð2. Þeir eru sífellt að kalla eftir VG í stjórn landsins. Þess vegna hef ég alltaf verið að spyrja, hver ráði eiginlega hérna á landinu, því að mér finnst Rúv eins og ríki í ríkinu. Þeir spila sig a.m.k. eins og eitthvað allsherjarvald yfir Íslandi, sem geta ráðskast með allt og alla. Til hvers líka að kjósa, ef enginn tekur mark á okkur kjósendunum og okkar vilja? Það er til lítils, held ég. Nei, ég held, að Sigurður Ingi verði látinn hirða pokann sinn og Lilja sett í forsætið, ef hann ætlar að fara að gera sig svona breiðan, og vill ekki vinna með hverjum sem er. Það er ekki hægt að hafa slíkan formann. Það er vitað mál. En þessi vandræði með VG er engin ný bóla. Þetta hefur sést mörgum sinnum áður. Þetta eru og hafa löngum verið vandræðagemlingar, ekki bara í þessum flokki heldur líka forvera hans, Alþýðubandalaginu. Fátt kemur mér því á óvart, þar sem þetta fólk er annars vegar. Við verðum bara að vona það besta úr þessu, enda þetta viðsjárverðir tímar, og ómögulegt að vita, hvað kemur næst. Bara að við getum losnað við vinstri stjórn - óskastjórn Rúvara. Það er heila málið. Bjarni verður að fara að tala við þá Sigmund og Sigurð, eins og óþekka stráka, ef óskastjórn okkar á að geta komist hér að völdum, en mikil held ég að verði lætin í Rúvurum þá. Það þyrfti eiginlega að uppræta þann þjóðflokk, áður en nokkuð gerist annað. Það gengur ekki lengur að hafa svona fjölmiðil starfandi lengur í nafni þjóðarinnar. Það er hneyksli vægast sagt. Sjáum, hvað kemur út úr þessu á endanum.