ENDA EINS FÁRÁNLEGA AÐ ÞESSUM VEIÐIGJÖLDUM STAÐIÐ EINS OG HÆGT ER...

Það hlýtur hver heilvita maður að sjá það, að þetta gengur ekki svona.  Það að gjaldið fyrir fiskveiðiauðlindina skuli vera byggt á tveggja ára gamalli afkomu greinarinnar er eins galið og hægt er.  Það ætti nú ekki að vera flókið mál að koma upp kerfi, sem bæði væri einfalt og gagnsætt og flestir ættu að geta sætt sig við, við innheimtu veiðigjaldanna.  En ekki einhverja "samansuðu" sem fáir eð jafnvel engir skilja og byggir ekki á einhverjum eldgömlum úreltum gögnum.  Og það er ekki eingöngu veiðigjaldið sem þarf að endurskoða heldur einnig kvótakerfið í heild sinni......

Veiðigjöldin eru orðin töluverð byrði

Athugasemdir

[Jóhannes Laxdal Baldvinsson, 11.12.2017 kl. 15:23]

Útgerðin vill ekki annað kerfi Jóhann. Með þessu kerfi er hægt að viðhalda ógagnsæinu sem þeir hafa komið á í sambandi við kostnað og tekjur af útgerð og vinnslu. Og með velþóknun stjórnmálamanna er séð til þess að alltaf eru skilyrði til að hræra í þessum sýndararði þjóðarinnar.

Það sem þarf að gera er þrennt.

1.Aðskilja útgerð og vinnslu. Þannig að um aðskildar rekstrareiningar sé að ræða og engar tilfærslur mögulegar á rekstrartengdum tekjum og gjöldum.

2.Þegar veiðar og vinnsla hafa verið aðskilin með lögskipun þarf að skylda útgerðir til að selja allan afla á uppboðsmarkaði sem háður verði löggildingu Fiskistofu. Uppboðskerfið getur bæði séð um verðmyndun og miðlun á afla milli svæða þannig að sem hagkvæmastir flutningar séu tryggðir.

3. Með fyrirkomulagi fiskveiða eins og lýst er í tölulið 1 og 2 þá kemur til framkvæmda ný að ferð við innheimtu veiðigjalda sem reiknast sem ákveðin prósenta af uppboðsverði per kíló og verði dregið af uppgjöri til seljanda og skilað í þennan auðlindasjóð sem til stendur að setja á stofn. Þetta afgjald nefnist hráefnisgjald og verður alltaf rekjanlegt í bókhaldi útgerðanna undir kostnaðarlið við rekstur. Líkt og veiðarfæri eða olía eða laun.

Hver þessi prósenta á að vera ætti að vera einfalt að reikna út þegar rekstur útgerðarinnar hefur verið gerður arðbær aftur með banni við leigu á úthlutuðum aflaheimildum.  Hins vegar verði heimilað að selja heimildir milli óskyldra aðila enda verði greiddur 40% auðlindaskattur af andvirðinu.