SENDI REYKVÍKINGUM SAMÚÐARKVEÐJUR - SÉ EITTHVAÐ AÐ MARKA ÞESSA KÖNNUN

En sem betur fer virðist frekar lítið að marka þetta því eina könnunin sem skiptir máli, en það eru kosningarnar 26. maí og þá kemur í ljós hvort reykvíkingar þjáist af "Stokkhólmsheilkenninu" (Reykjavíkurheilkenninu)......

Fulltrúar 8 framboða ná kjöri

Athugasemdir

[Guðbjörg Snót Jónsdóttir (IP-tala skráð) 23.5.2018 kl. 21:38]

Takk fyrir það, en ég tek ekkert mark á þessarri skoðanakönnun frekar en öðrum, sem frá Baldri Þórhallssyni og kó kemur, því að hann vill helst hafa Samfó efsta alls staðar og í öllum stjórnarstólum á landinu, sem til eru, og Dag svo borgarstjóra til sjötugs og lengur, ef hægt væri, okkur til hrellingar og óhæginda. Við hljótum að einblína á þann stóra hóp, sem er óákveðinn eða neitar að svara. Hvað munu þeir kjósa í kjörklefanum? Ég tek undir það, sem Sigmundur Davíð segir í grein sinni í Mogganum í morgun, að það ber ekki vott um mikla stjórnvisku að bjóða upp á sömu loforðin kjörtímabil eftir kjörtímabil, enda takmörk fyrir því sett, hversu oft er hægt að flagga sömu loforðunum, enda geri fólk það ekki, sem hefur vitið meira. Ég segi líka eins og Staksteinar í sama blaði, þegar þar var verið að fjalla um auglýsinguna með Degi og Miklubraut í stokk: Réttið upp hönd sem trúið því, að Miklubrautin verði komin í stokk eftir fjögur ár. Ég verð líka að segja eins og er, að ég skil ekki það fólk, sem vill sífellt vera að kjósa þetta, og velti fyrir mér, hvað geti legið þar til grundvallar. Ég á líka ákaflega erfitt með að trúa því, að þetta verði raunin, þegar upp verður staðið á sunnudaginn, og öll atkvæði talin. Hins vegar heyri ég á fólki, að það er mishrifið af Eyþóri og finnst hann hálfgerður lúser, og ekki nógu góður til þess að leiða heilt borgarsamfélag, en ég spyr þá á móti, hvort Dagur hafi verið það í þessi átta ár, sem við höfum þurft að sitja uppi með hann. Sannleikurinn er eiginlega sá, sem er löngu orðinn ljós öllum, að það er foringjakreppa í öllum flokkum. Vandamálið hér í borginni er líka þessi mikli fjöldi framboða, sem gerir mönnum erfitt fyrir. Ég minnist þess að hafa lesið um finnskar kosningar, þar sem komu fram 18 framboð, og það þótti ríkisstjórninni fullmikið af svo góðu, svo að hún færði það í lög, að ekki mættu vera fleiri framboð en tíu framvegis, og það hefur staðið síðan. Svoleiðis þyrfti það að vera hér á landi líka, því að svona mörg framboð eru tómt rugl, og verður engum til góðs. Þetta verða spennandi kosningar, því að þá kemur í ljós, hvort fólk vill virkilega hafa þessa jólasveina og álfa út úr hól áfram við stjórnvölinn hér í Reykjavík. Ég er ekki svo viss um það, enda heyrist mér líka á þeim, sem ég hef talað við, að þeir geti ekki hugsað sér að hafa þá Dag og Holu-Hjálmar áfram við stjórnvölinn eftir þessar kosningar. Við skulum vona, að fólk láti ekki þessar misvísandi skoðanakannanir ráða ferðinni, og við horfum fram til nýrra tíma og betri borgarstjórnar á sunnudaginn. Mál er að borgarstjórn Dags og kó fari að enda sinn ferill, og aðrir taki við, sem hafa vitið meira, þó að kjósendur virðist vera hin mestu ólíkindatól, en við skulum vona, að þeir óákveðnu hafi vitið meira og kjósi Dag og kó frá völdum á laugardaginn, enda kominn tími til þess og meira en það. Vonum það besta.