BÆÐI LJÓSIR OG DÖKKIR PUNKTAR Í ÞESSUM ÚRSLITUM - EN ÞEIR LJÓSU ERU FLEIRI

Stærsti ljósi punkturinn er að sjálfsögðu gott gengi Flokks Fólksins en aukinn þingstyrkur getur ekki þýtt neitt annað en það að meira tillit verði til flokksins og málefna hans á komandi þingi.  Svo gat ég ekki betur séð, í kosningabaráttunni, en að flestir flokkarnir á þingi hafi tekið upp málin þeirra þannig að róðurinn við að koma stefnumálum flokksins "Í GEGN" ætti að verða léttur.  Þannig að aldraðir og öryrkjar ættu að sjá fram á bjartari tíma.  Annar ljós punktur er fylgishrun VG, en að mínum dómi var ástæða þess tvíþætt; Fyrir það fyrsta held ég, að "kjósendur flokksins" hafi verið að lýsa yfir óánægju sinni með ríkisstjórnarsamstarfið með Sjálfstæðisflokknum og að VG hafi náð þar fremur litlu fram og svo að þessi ofuráhersla á loftslagsmálin séu kannski einum of mikil.  En ég tel það nokkuð víst að Kata litla veri EKKI Forsætisráðherra í næstu ríkisstjórn.  Þá var ánægjulegt að sjá "hrun" Samfylkingarinnar, sem sýnir að miðað  við málflutninginn virðist eiga frekar lítið erindi og höfði fremur lítið til almennings.  Þá kom í ljós að "sértrúarsöfnuðinn" í Viðreisn virtist EKKI eiga upp á pallborðið hjá landanum, enda fáir sem eru eftir af þeim sem  vilja binda "trúss sitt við" ESB og binda gengið við evru, en það viðast vera helstu  og einu baráttumál þessa "sértrúarsafnaðar".  En það sem gladdi mig einna mest í þessum úrslitum, var þjóðin skyldi með öllu hafna Sósíalistaflokknum og siðblindingjanum Gunnari Smára Egilssyni.  Ef hann hefði komist á þing hefðu Píratarnir orðið eins og hreinustu englar og þeir hefðu kannski aukið fylgi  sitt jafnt og þétt allt kjörtímabilið og ég þori ekki að hugsa þá hugsun til enda hvernig þau ósköp hefðu endað.  Enn einn ljós punktur við þessi úrslit er sá að "bakborðsslagsíðan" varð ekki eins mikil og óttast var. En ein af dökku hliðunum var og sú stærsta var slakt gengi Miðflokksins og sú staðreynd að  Frjálslyndi Lýðræðisflokkurinn skyldi ekki fá meira fylgi, því þessir flokkar hafa margt fram að færa en kannski er fólk ekki alveg að ná málflutningi þeirra......

Beint: Talið upp úr kjörkössunum

Athugasemdir

[Helga Kristjánsdóttir, 26.9.2021 kl. 18:16]

Ég tók eftir að í frjálsum pólitískum spám um væntanlegt gengi fokkanna,var oft sneytt framhjá Miðflokknum,það er skrýtið að gleymi svo ognadi flokki.

[Helga Kristjánsdóttir, 26.9.2021 kl. 18:19]

span vegna eftirlits leiðrétti;ógnandi á það að vera