VILJUM VIÐ FORSETA SEM ÞARF SVONA LÍTIÐ TIL AÐ KOMA ÚR JAFNVÆGI???

Og sýnir það svona vel eins og núverandi forseti gerði í þessum þætti?  Svo fór nú ekkert á milli mál, í þessum þætti, með hvorum frambjóðandanum hjarta þáttastjórnenda sló þó svo að Heimir Már Pétursson væri mun augljósari í þeim efnum.  Annars var það alveg á hreinu, eftir þennan þátt, hvor þeirra fær EKKI mitt atkvæði í forsetakosningunum.....

Sakaði Guðna um ódrengilega kosningabaráttu

Athugasemdir

[Guðmundur Ásgeirsson, 11.6.2020 kl. 21:10]

Sá sem kom langverst út úr þessum kappræðum var Heimir Már Pétursson. Hann skuldar Elínu Margréti Böðvarsdóttur afsökunarbeiðni fyrir öll skiptin sem hann greip fram í fyrir henni.

[Jóhann Elíasson, 11.6.2020 kl. 21:30]

Þar er ég alveg sammála þér Guðmundur og reyndar þykir mér ekki ósennilegt að staða hans innan fyrirtækisins fari í rækilega endurskoðun.....

[Helga Kristjánsdóttir, 11.6.2020 kl. 21:42]

Heimir finnur sig æðri trúi ég vegna aldurs og reynslu í vinnu á RÚV.Þó held ég að Elín hafi rétt hlut Guðmundar í einu augljósu dæmi.- -- Ég verð að segja að maður þarf að sjá þetta aftur eða hafa -- VAR --eins og dómarar kíkja á í fótboltanum.Mkv. 

[Jóhann Elíasson, 11.6.2020 kl. 21:51]

Já Helga, það er alveg rétt hjá þér; það er betra að hafa VAR ann á sér......

[Guðbjörg Snót Jónsdóttir (IP-tala skráð) 12.6.2020 kl. 00:05]

 Ég segi það sama og þið, þó að ég hafi nú ekki nennt að hlusta mikið á þetta fjas þeirra og mas. Mér finnast svokallaðar umræður og viðtöl í sjónvarpi og útvarpi orðið meira mas og fjas út af málunum heldur en beinlínis samtöl eða viðræður. Það er alveg sama, hvort það er þessi Heimir eða leiðindaskjóðurnar á Rúv. Framkoma þeirra gagnvart viðmælendum sínum, hverjir sem þeir eru nú, finnst mér vera fyrir neðan allar hellur, svo ekki sé meira sagt. Þessi árátta og tilhneyging til að grípa sífellt fram í fyrir fólki er þvílík hneisa, að það hálfa væri nóg. Ég skil nú bara ekkert í þessu. Það er líkt og þáttarstjórnendur vilji helst hlusta bara á sjálfa sig, slá fram einhverjum kenningum og sínum hugmyndum, og ætla viðmælendunum að játa þeim eða neita, helst ekki segja orð meira en það. Þessir þáttastjórnendur telja sig hafa eitthvað skotleyfi á viðmælendurna oft á tíðum með rætnum eða nánast dónalegum athugasemdum um viðmælendurna, og vilja helst ekki fá nein viðbrögð af þeirra hálfu. Fólk skal bara verða að finna sig í því að fá svoleiðis dembur yfir sig án þess að mega verja sig. Einhvern tíma hefði þetta nú ekki þótt góð viðræðutækni eða heiðarleg eða kurteis framkoma við fólk, segi ég nú bara. Það var önnur öldin þegar Magnús Bjarnfreðsson, Eiður Guðnason og aðrir gamlir og reyndir fréttamenn voru að taka fólk tali. Siðferðinu hefur hrakað til muna síðan þykir mér. Mér dettur líka í hug Matthildingar, þegar þeir voru að taka viðtöl, sem voru eitthvað í þessa áttina, sem Heimir og fleiri iðka í dag. Varðandi Guðna, þá hef ég aldrei haft trú á honum í þetta æðsta embætti þjóðarinnar, og kaus hann ekki og mun aldrei kjósa hann, því að mér finnst hann ekki rétti maðurinn í þetta embætti, auk þess hvað hann er leiðinlegur. En hafiði ekki tekið eftir þessum skoðanakönnunum, sem hafa verið að birtast, og hversu skoðanamyndandi þær eru? Þetta virðast vera heimatilbúnar skoðanakannanir fyrir Rúv og til að þóknast þeim og þeirra hugmyndum og vilja varðandi útkomuna úr kösningunum. Það er ekki einleikið, hvað Sovétfréttastofa Rúv er gjörn á að vilja stjórna öllum kosningum hér á landi og hafa áhrif á kjósendur og ráðsgast með það, hvað við kjósendur komum til með að kjósa í öllum kosningum. Við eigum bara að kjósa það, sem þeir vilja, að við kjósum. Ég ætti nú ekki annað eftir, segi ég nú bara. Ég mun kjósa Guðmund, og Rúvmenn fá engu að ráða um það. En það er eins og þeir haldi, að þeir geti stjórnað þjóðinni, og haga sér miklu fremur eins og þeir séu deild í stjórnarráðinu og stjórnkerfi landsins fremur en óháð þjónustustofnun. sem er ekki í tengslum við stjórnkerfið á Íslandi. Þetta fer að minna á Rússland og Kína frekar en vestræn lýðræðisríki. Svei mér þá alla daga. Þetta getur ekki gengið svona lengur, finnst mér. Ég get ekki sagt annað.

[Guðbjörg Snót Jónsdóttir (IP-tala skráð) 12.6.2020 kl. 23:22]

Ég vil líka bæta því við um Guðna, að ég vil ekkert með þann mann hafa í forsetaembætti, sem talar illa um blessaða sjómennina okkar og níðir þá niður, gerir lítið úr störfum þeirra og talar svona um landhelgisstríðin, eins og Guðni gerir. Sjómennirnir, karlar föður míns og mín, eiga allt það besta skilið, og hafa haldið þjóðarbúinu gangandi áratugum saman, og sá maður, sem talar illa um þá og níðir af þeim skóinn, og talar eins og Guðni gerir, fær aldrei mitt atkvæði. Fljótsagt. Guðni má skammast sín að tala eins og hann hefur gert um sjómennina og það þrekvirki, sem þeir hafa í gegnum aldirnar gert, og um landhelgisdeildurnar líka, þótt hann hafi reynt að fela það. Þess vegna verður hann aldrei minn forseti. Það er alveg öruggt mál.