HRÆÐSLUÁRÓÐURINN TRÖLLRÍÐUR ÖLLU OG KOSNINGABARÁTTAN HEFUR ALFARIÐ EINKENNST AF HONUM

Og hafa ESB-sinnar verið sérstaklega harðir við þetta þó svo að eitthvað hafi borið á hræðsluáróðri frá úrsagnarsinnum þá er sá áróður bara "barnaskítur" miðað við hina sem vilja vera áfram.  Það hefur til dæmis ekki verið vísað í nein gögn eða útreikninga þegar fullyrt er:

• Lífskjör Breta muni versna um 30% við útgöngu
• Að atvinnuleysi verði mikið ef til útgöngu komi
• Að utanríkisviðskipti verði nánast engin komi til útgöngu
• Að Breska pundið gæti fallið um allt að 15% við útgöngu
• Að vöruverð hækki mikið komi til útgöngu

Og margt fleira hefur verið talað um, sem allt á það sameiginlegt að vera illa rökstutt eða jafnvel algjörlega órökstutt.  En hefur ekkert verið hugsað um það SÉ SITTHVAÐ SEM BRETAR LEGGJA ESB TIL. HVAÐ VERÐUR UM ESB EF BRETAR VELJA ÚTGÖNGU.  Það verður ekki betur séð en að vandræðin hrannist upp innan ESB og það sé raunveruleg hætta á að það liðist endanlega í sundur ef Bretar kjósa að ganga út.

Brexit: Kosið eftir tvo daga

Athugasemdir

[Kolbrún Hilmars, 21.6.2016 kl. 16:14]

Ég sakna þess að sjá engar fréttir um afstöðu franskra.  Á sínum tíma stóðu þeir í vegi fyrir aðild breta að EU, eða allt til áranna 1974-5.  Ætli þeir hafi skipt um skoðun?

[Tómas Ibsen Halldórsson, 21.6.2016 kl. 16:48]

Við könnumst við svona áróður og hótanir sem dunið hafa á breskum kjósendum undanfarið.  Hótanir eins og Bretar verða nú fyrir fengum við að upplifa eftir hrun og þær komu ekki eingöngu erlendis frá, heldur var háskólaelítan íslenska þar fremst í flokki ásamt stjórnmálamönnum sem áttu að standa vörð um land og þjóð.  Við, landsmenn, kjósendur þurftum að hafa vit fyrir þeim. 

Obama Bandaríkjaforseti gerði sér sérstaka ferð til Englands og virtist aðaltilgangur ferðarinnar vera sá að hóta bresku þjóðinni vogaði hún sér að fara ekki að vilja hans, en hann er þekktur fyrir að hóta andstæðingum sínum öllu illu.

ESB-elítan reynir auðvitað eins og hún mögulega getur að hræða breska kjósendur frá því að velja útgöngu, vitandi að það kemur verst niður á ESB-ferlíkinu sjálfu þar sem Breskir skattgreiðendur leggja ógrynni fjár til að halda eurokrötunum uppi.  Gangi Bretar út geta þeir notað þá fjármuni sem annars fara í ESB-hítina til að laga til hjá sjálfum sér.

[Jóhann Elíasson, 21.6.2016 kl. 18:10]

Mér finnst aðferðin óþægilega lík því þegar hræðsluáróðurinn var mestur vegna Ices(L)ave, ég man ekki betur en að Ísland ætti að verða "Kúba Norðursins" ef samningurinn yrði ekki samþykktur og landið færi alla leið aftur til ísaldar, í efnahagslegu tilliti.  Ég fæ ekki betur séð en að þarna sé sama takrík notuð.

[Jóhann Elíasson, 21.6.2016 kl. 18:15]

Tómas Ibsen, það er einmitt málið, ég held að Bretar geti tekið mjög vel til hjá sér, fyrir það fjármagn sem fer í ESB hítina OG KANNSKI EINHVERJIR FARI AÐ HUGSA: "FYRIR HVAÐ VAR VERIÐ AÐ BORGA"????