Föstudagsgrín

LÖGGAN: "Hvert ert þú að fara, svona valtur á fótunum"?
GUNNI: "Ég er að fara á fyrirlestur".
LÖGGAN: "Og hver í veröldinni ætlar að fara að halda fyrirlestur klukkan fimm á nýjársdagsmorgun"?
GUNNI:" Konan mín"..

 

 

 

 

Ég óska öllum gleðilegs árs og farsældar á nýu ári ásamt þökkum fyrir árið sem var að kveðja (þótt farið hafi nú fé betra), en við setjum traust okkar á að árið sem er að byrja verði betra en það sem er að kveðja........

Athugasemdir

[Gunnar Heiðarsson, 1.1.2021 kl. 07:33]

Gleðilegt nýtt ár Jóhann og takk fyrir skrifin á því gamla

[Jóhann Elíasson, 1.1.2021 kl. 10:43]

Þakka þér sömuleiðis Gunnar og gleðilegt ár og takk fyrir það gamla.  Ég les alltaf skrif þín á blogginu en ég viðurkenni að ég er ekki nógu og duglegur að "kommentera" en það er eitt af áramótaheitunum að bæta úr því, á öllum vígstöðvum, svo er bara að sjá hvernig mér gengur að uppfylla áramótaheitin......

[Sigurður I B Guðmundsson, 1.1.2021 kl. 11:49]

Berdsen kaupmaður á Skagaströnd sagði í ávítunartón við bónda einn, sem hafði lagt inn smjör hjá honum: "Það var lús í smjörinu frá þér". "Já, en blessaður!" svaraði bóndi. "Það er engin vigt í henni".

Hjón nokkur voru á skemmtigöngu hér í borg. Þau mættu stúlku, og heilsaði bóndinn henni, en konan þekkti hana ekki. "Hvaða kvenmaður er þetta?" spyr konan. Þetta er stúlka, sem ég þekkti dálítið, áður en við kynntumst, sagði hann. Nú, já, svaraði konan þá. Svo að þú hefur verið farinn að vera mér ótrúr, áður en við kynntumst. Síðar hittu þau aðra stúlku sem heilsaði bóndanum. Þá spurði konan hvaða stúlka þetta væri. Þá sagði karlinn: Æ, hættu þessu kona, það verður nógu erfitt fyrir mig að útskýra fyrir henni hver þú ert!

Svo er KN: Við Lauga Erlendsson:

Sorgum firrtur sit og skrafa,

sífellt yrkjandi,

alltaf þyrfti ég helst að hafa 

hjartastyrkjandi.

Gestgjafinn: Ég hef eflaust átt við fant

eða versta dóna,

tekið hefir hann í pant

húfuna mína og skóna.

Prestur vestan hafs barnaði telpu, er gekk til spurninga til hans, og missti hempuna fyrir vikið. Þá kvað K N vísu þessa:

Séra Jónas skellti á skeið,

skákaði öllum hinum,

óklyfbærri ösnu reið

út úr söfnuðinum.

Og að lokum "gráa svæðið" sem verður Ljósgrátt út af Jólunum.

Dívaninn er þarfa-þing,

þreyttum værðir gefur.

Efni í margan Íslending

í hann fallið hefur.

Kjartan hanann djarfur drap

og dró hann út úr bænum,

af því hann reið í asnaskap

annarra manna hænum.

Fyrir girnd og gáleysi

gildnar margur svanni

tapar viljans taumhaldi

til að þóknast manni.

Grobbnum valdsmanni gerð upp orðin:

Mín að telja afrek öll

ekki er nokkur vegur.

Ég hef ístru, ég hef böll

ég er guðdóomlegur.

Jæja, Jóhann þakka öll bloggin þín á árinu sem var að ljúka og vona að þú haldir ótrauður áfram. Gleðileg ár. 

[Jóhann Elíasson, 1.1.2021 kl. 21:30]

ALVEG ER ÞETTA ÓBORGANLEGT HJÁ ÞÉR SIGURÐUR OG ÞÁ ERU VÍSURNAR Í SÉRSTÖKU UPPÁHALDI HJÁ MÉR.Bloggin þín hafa ekki verið mjög mörg á árinu en það er EKKI alltaf magnið sem telur heldur GÆÐIN og það hefur ekkert vantað upp á þau og bloggin þín á árinu eru mér sérstaklega minnisstæð og þá sérstaklega vísnaþættirnir þínir.Einnig vona ég að þú haldir ótrauður áfram á blogginu.GLEÐILEGT ÁR OG BESTU ÞAKKIR FYRIR ÞAÐ GAMLA.....