Hvert tækifæri notað til að verja vitleysuna!!!!!!!

Alveg er þetta stórkostlegt, hjá Friðriki J. og LÍÚ, að fara að tala um "réttinn" til að stjórna veiðum.  Hann (Friðrik J. Arngrímsson) er eins og rispuð grammófónsplata, hann notar hvert tækifæri sem býðst til þess að réttlæta "besta fiskveiðistjórnunarkerfi í heimi".  Auðvitað snýst þetta ekki um réttinn til að stjórna fiskveiðum okkar heldur er farið fram á að framleiðendur vörunnar skili vissum vottorðum,  það er ekki gert og því er þetta gert.  Ég er þess fullviss að þetta er ekkert sem kom upp bara fyrir nokkrum dögum heldur hefur þetta átt langan aðdraganda og menn hafa haft "nægan" tíma til þess að bregðast við.  En það er svolítið langsótt að blanda stjórn fiskveiða saman við þetta eins og Friðrik Jón Arngrímsson og hans meðreiðarsveinar vilja gera.

Tekist á um réttinn til að stýra fiskveiðunum

Athugasemdir

[Ásthildur Cesil Þórðardóttir, 12.8.2008 kl. 11:45]

Já þetta er með ólíkindum.  Og vælið í þessum herrum.  L.Í.Ú hefur þrjá af fimm stjórnarmönnum a.m.k. á sínum snærum eftir því sem ég hef heyrt.  Svo þeir hafa þetta allt í sinni örlaga krumlu.  Og nú er markmiðið að murka lífið úr þeim einyrkjum sem eftir eru, svo þeir geti selt allt draslið til útlanda.  'Utgerðin í dag er rekinn með miljarða króna halla.  Held að þessir háu herrar ættu að hafa vit á að þegja.

[Prófessor Mambó (IP-tala skráð) 12.8.2008 kl. 23:22]

Mæltu manna heilastur. Að venju ert þú skarpskyggn, gáfaður og réttsýnn. Alveg er ótrúlegt að heyra í Frikka. Hann var gapandi af undrun yfir hárbeittum málflutningi Grétars Mars.

Þið Grétar eruð að flestra mati þeir sem mest vit hafa á þessum málum. Maður heyrir víða menn spyrja afhverju Grétar Mar er ekki sjávarútvegsráðherra og þú aðstoðamaður hans? Eða kannski öfugt ha? Það væri nú aldeilis gott fyrir sjávarútveginn.

[Jóhann Elíasson, 13.8.2008 kl. 12:41]

Prófessor Mambó, ef þú villt vita álit virkilegs sérfræðings í sjávarútvegsmálum, þá vil ég hvetja þig til að lesa "blogg" Guðbjörns Jónssonar slóðin er: http://gudbjornj.blog.is/blog/bubbi/ þessi maður er þvílíkur hafsjór affróðleik og ég efa það stórlega að nokkur hafi jafn mikla þekkingu á okkar "arfavitlausa" kvótakerfi og hann er með.  Ég nýt þeirra forréttinda að vera bloggvinur Guðbjarnar og á hans bloggi er hver færslan annarri betri og talandi um Sjávarútvegsráðherra, að mínu mati, væri í þeim stól enginn hæfari en Guðbjörn Jónsson.