Hvert er þá svarið?

Óskaplega er þetta "Syoalattélið" og "Náttúruverndar-Ayatollar" þreytt lið.  Alltaf ef eitthvað stendur til er það að mótmæla en það kemur aldrei með neinar hugmyndir að neinum lausnum.  Það heldur kannski að LAUSNIN sé að setja upp kaffihús á Ströndum.

Hvalárvirkjun ekki svarið

Athugasemdir

[Ólafur Sveinn Jóhannesson (IP-tala skráð) 1.9.2008 kl. 16:01]

Sæll Jóhann,

Það sem Framtíðarlandið er einfaldlega að benda á er að rekstraröryggi raforku á Vestfjörðum verður ekki bætt í fjórðungnum með Hvalárvirkjun. Það væri hinsvegar vel hægt gera slíkt með endurnýjun Vesturlínu að hluta.

Einnig má finna svæði á Vestfjörðum þar sem jarðvarmi kæmi vel til greina sem húshitunar kostur t.d.  á Tálknafirði, Reykhólasveitum og í Arnarfirði

Undirritaður þykist vita það, eftir 25 ára búsetu á Tálknafirði, að orka frá Hvalárvirkjun myndi veita Vestfirðingum samkeppnishæfi á orkumarkaði. Það má þó ekki líta framhjá vandanum sem verður ekki leystur með þeim hætti sem Iðnaðarráðherra talar um.

Ég tel það kjánaskap að klára ekki að gera fyrirtækjum og heimilum kleift að standa jafnfætis öðrum íbúum landsins í raforkukaupum, áður en ráðist verður í þetta verk.  

Ég hvet þig til þess að draga þessi ummæli þín til baka, enda eru þau greinilega byggð á rangtúlkun af þinni hálfu.

Með bestu kveðjum og von um jákvæðar undirtektir.

Ólafur Sveinn Jóhannesson, Framkvæmdastjóri - Framtíðarlandsins 

[Jóhann Elíasson, 1.9.2008 kl. 16:49]

Ólafur, hvað var eiginlega út í kaffinu þínu áðan?  Ég hef fullt málfrelsi og segi það sem mér dettur í hug og er í takt við það sem mér finnst rétt.