Föstudagsgrín

Þennan fékk ég frá dyggum lesanda og kann ég honum bestu þakkir fyrir.

 

Tvær vinkonur voru saman í golfi þegar önnur varð fyrir því óhappi að hitta kúluna illa í upphafshöggi og horfði með skelfingu á eftir kúlunni fór inn miðjan hóp karlmanna.

Einn maðurinn hné til jarðar haldandi báðum höndum á milli fótanna, greinilega sárþjáður.

Konan var miður sín og bauðst til að aðstoða manninn, en hann hafnaði allri aðstoð enda myndi þetta allt jafna sig.
... ...
Vinkonan gafst ekkert upp og sagðist vera sjúkraþjálfari og vildi fá að þreifa aðeins á manninum.

Maðurinn lét tilleiðast, konar tók hendurnar hans úr klofinu, renndi niður buxnaklaufinn og byrjaði að nudda hann.

Þegar hún var búinn að nudda hann í nokkurn tíma og manninum virtist vera farið að líða betur spurði hún hann hvernig honum þætti þetta.

Maðurinn svarar “Þetta er mjög gott, en ég er ennþá að drepast í þumalputtanum!”

Athugasemdir

[Sigurður I B Guðmundsson, 16.10.2020 kl. 10:16]

Hljómleikar og aðrar skemmtanir eru oft auglýstar "í síðasta sinn" eins og kunnugt er, til þess að lokka almenning til að sækja þær, enda þótt ætlast sé til, að þær verði haldnar oftar. Ingimundur var það ærlegri en aðrir, að hann auglýsti, að hann héldi "fiðluhljómleika í síðasta sinn fyrst um simn"

Piltur út Iðnskólanum í Reykjavík hafði lent á fylliríi með kunningja sínum. Hann missti af félaga sínum, slagraði út á götu og lenti síðan á bænasamkomu, sezt þar á bekk og blundar. Bráðlega hrekkur hann upp við það, að maður klappar á öxlina á honum og segir: "Hefur þú fundið Krist?" Pilturinn sprettur upp með andfælum og svarar: "Er hann nú týndur líka?"

Svo að lokum er það "gráa svæðið".

Talið er, að Leirulækjar-Fúsi hafði eitt sinn kveðið þessa vísu við systur sína í barnsnauð:

Æptu ekki svona, elskan góð,

ósköp þessi hryggja mig.

Þú hafðir ekki þessi hljóð,

þegar hann var að liggja þig.

------

Alltaf kem ég inn til þín

ef mér bregðast veiðar.

Þú er alltaf, Þóra mín,

þægileg til reiðar.

----------

Jósep aldrei finnur frið

fyrir kvenseminni,

í gröfinni mun hann gugta við

götin á líkkistunni.

--------

Eftir giftinguna.

Háum kofa herrans í 

hörð var ofin snara.

Ég hef lofað aldrei í 

annað klof að fara.

Þessar eru bara létt gráar þú lætur bara vita ef þær mega vera alvöru gráar?

[Jóhann Elíasson, 16.10.2020 kl. 11:16]

Alltaf eru skemmtilegar vísurnar, sem þ´kemur með og velti ég fyrir mér hvar þú kemst í svona mikið góðgæti???

[Guðmundur Ásgeirsson, 16.10.2020 kl. 23:45]

Stundum koma góðir brandarar úr raunveruleikanum. Segja ræningjann hafa sprittað sig fyrir ránið - Vísir

Þar sem ræninginn var svo virkur í sóttvörnum sem af er látið, hefur þetta varla verið grímulaus þjófnaður?

[Jóhann Elíasson, 17.10.2020 kl. 07:54]

Sennilega ekki Guðmundur, en skyldi hann hafa náðst á öryggismyndavél??????

[Sigurður I B Guðmundsson, 17.10.2020 kl. 09:51]

Top secret, but there are plenty more where that came from!! 

[Sigurður I B Guðmundsson, 17.10.2020 kl. 10:21]

Apokryfar (leynilegar) vísur.