VAR DÓMUR HÉRAÐSDÓMS BYGGÐUR Á "FÖLSUÐUM" GÖGNUM?????

Kannski finnst meirihluta borgarstjórnar í Reykjavík allt í lagi að belta hvaða meðulum sem er til að losna við þessa flugbraut?  Því ef brautin verður áfram þarf borgin sennilega að greiða háar skaðabætur og borgarsjóður er víst ekki alveg í stakk búinn til þess..............

Reikna ekki með bremsuskilyrðum

ÞETTA VERÐUR AUÐVELT NÆSTA ÁR!

Það semur einhver svolítið "drungalegt lag" við texta um hvernig Danir "SELDU" okkur (á okurverði) maðkað mjöl og undirokuðu okkur á allan hátt.  Svo er hægt að láta einhvern semja alveg ömurlegt lag og hægt að "skreyta" það með texta um MÓÐUHARÐINDIN, það er svosem nóg af hörmungum sem hafa dunið yfir þjóðina til dæmis mætti gera lag við texta um ríkisstjórn Jóhönnu Sigurðardóttur og svona mætti lengi telja.  Þess má geta að Matti Matt  söng um Eyjafjalljökul hérna um árið en það má kannski segja að hann hafi verið langt á undan sinni samtíð?  Svo er bara spurningin hversu mikið langar fólk til að vinna?

Vilt þú vinna Eurovision?

OG FYRSTI HOLLENDINGURINN TIL AÐ VINNA FORMÚLU 1 KEPPNI

Menn áttu ekki til orð til að lýsa hrifningu sinni á akstri Max Verstappen í dag.  Það segir sitt um hann að þrátt fyrir þennan gífurlega þrýsting, sem var á honum, frá Raikkonen síðustu 15 hringina, þá gerði hann engin mistök allan tíman, nema ein smámistök í tíundu beygju á síðasta hring en þau mistök voru svo smávægileg að Raikkonen náði ekki að nýta sér þau.  En það má ekki gleyma því að óhappið á fyrsta hrin þar sem Rosberg og Hamilton keyrðu hvorn annan út úr keppninni, gerði það að verkum að við fengum að sjá einn skemmtilegasta kaappakstur sem verið hefur í mörg ár.  Það segir sitt um hversu Ferrari og Red Bull bílarnir eru lang næst bestir að þrátt fyrir að springi dekk hjá Daniel Ricciardo í lokin, náði hann inn á þjónustusvæðið og fékk ný dekk og kláraði samt í fjórða sæti.  En það er nokkuð ljóst að Mercedes-menn ætla sér stóra hluti í Mónakó eftir hálfan mánuð og verður örugglega fróðlegt að fylgjast með þá.  En það fór ekki á milli mála að Max Verstappen átti daginn í dag alveg skuldlausan og er þetta sjálfsagt einhver besta byrjun nokkurs manns hja nýju liði.

18 ára strákur sigrar

STILLTI Á BBC1 OG VAR ALVEG LAUS VIÐ GÍSLA MARTEIN.

En að Ukraina skyldi vinna var bara staðfesting á því hversu "pólitísk" þessi keppni er orðin.  Lagið sjálft var hvorki fugl eða fiskur, það eina sem þetta framlag hafði var textinn og Evrópa "spilaði með".  Næsta ár verður örugglega undirlagt af "þjóðarharmleikjum", spurningin er bara hvrjum tekst best upp í að ná athyglinni?

Úkraínskur sigur í Eurovision

MAX VERSTAPPEN KLÁRLEGA MAÐUR DAGSINS

Það var ótrúlegt að sjá aksturinn hjá drengnum í dag í tímatökunni,  Fyrir lokatörnina var hann ANNAR á eftir Rosberg og á UNDAN Hamilton og alveg þar til í lokatörninni í tímatöku þrjú var hann hraðari en Daniel Ricciardo.  Hann ætlar sér greinilega að nota þetta óvænta tækifæri, sem hann fékk hjá aðalliði Red Bull vel.  Það var heldur betur óvænt að Massa skyldi ekki komast í lokaumferð tímatökunnar, það er alveg mögulegt að fara framúr á þessari braut en ég man ekki til þess að sigurvegari í keppni hafi verið aftar en í fimmta sæti á ráröð.  En það verður fróðlegt að horfa á keppnina á morgun og er ég nokkuð viss um að Max Verstappen á eftir að velgja nokkrum vel undir uggum.

Hamilton á ráspól

Föstudagsgrín

80 ára maður fer í sína árlegu læknisskoðun og læknirinn segir: „Þú ert í besta líkamlega ástandi sem nokkur maður á þínum aldri getur verið í“

Gamli maðurinn svarar: „Já, því er að þakka að ég hef lifað trúarlegu lífi alla mína ævi.“

Læknirinn spyr: „Og hvað kemur það málinu við?“

Og gamli félaginn svarar: „Sjáðu til. Ef að ég myndi ekki lifa trúarlegu lífi, þá myndi guð ekki kveikja ljósið á baðherberginu í hvert skipti sem ég fer þangað á nóttunni.“

En lækninum var brugðið og spurði: „Meinarðu að þú farir á klósettið á nóttunni og sjálfur guð kveiki ljósið fyrir þig?“

„Já,“ svarar sá gamli. „Í hvert einasta skipti sem ég fer inn á bað þá kveikir guð ljósið fyrir mig.“

Læknirinn varð alveg orðlaus, en skömmu síðar kemur kona mannsins inn í skoðun. Læknirinn sér sig knúinn til að segja henni að maðurinn hennar sé í mjög góðu líkamlegu ástandi, en er hræddur um að andlegt ástand hans sé ekki eins gott: „Hann sagði mér að guð kveikti ljósið fyrir sig þegar hann færi á klósettið á nóttunni.“

„Aha!!!“ segir konan. „Það er þá hann sem hefur pissað í ísskápinn!“

SKÝRINGIN Á HÁUM VÖXTUM HÉR Á LANDI ER FREMUR EINFÖLD........

Og hún er aðallega su að þeir "hagfræðingar" sem skipa peningastefnunefnd eru af kynslóð hinna svokölluðu "ný-klassísku hagfræðinga", sem í sjálfu sér er ekkert athugavert við, en það virðist vera svo að þeir álíta að það sem þeir lærðu í hagfræði fyrir 20 - 30 árum sé hinn eini sanni sannleikur og engin þörf sé á að uppfæra þá þekkingu að nokkru einasta leiti.  En sem betur fer þá hafa orðið framfarir í hagfræði eins og öðrum greinum og nú seinni árin hafa komið fram vísbendingar og verið sýnt fram á það með óyggjandi hætti,  að tengsl stýrivaxta og verðbólgu eru EKKI eins og áður hefur verið haldið fram og í litlum hagkerfum, eins og á Íslandi, séu þau vart merkjanleg.  Svo er annar þáttur, sem Marinó G. Njálsson hefur bent á að á Íslandi, er eina landið sem reiknar húsnæðisverð inn í neysluvísitöluna og sé hin svokallaða Taylor-formúla notuð við verðbólguútreikningana (sem ný-klassísku hagfræðingarnir nota alfarið við sína útreikninga), VÆRI VAXTASTIGIÐ 2,35- 2,5% LÆGRA EN ÞAÐ ER Í DAG.

Hvers vegna eru vextir hærri hér?

GUÐI SÉ LOF AÐ HAFA AÐGANG AÐ EUROVSION ANNARS STAÐAR EN Á RÚV.

Sjaldan hef ég verið jafn þakklátur fyrir að hafa aðgang að mörgum sjónvarsstöðvum eins og í kvöld.  Ég viðurkenni það alveg að ég horfi á Eurovision og hef bara lúmskt gaman af.  En í ár hvíldi skuggi yfir keppninni, sá skuggi heitir Gísli Marteinn Baldursson og fyrstu mínúturnar, gerði hann alveg útaf við keppnina með blaðrinu í sér og aulafyndninni, sem er einkennandi fyrir hann.  En þá var mér bent á lausnina KEPPNIN VAR LÍKA SÝND Á BBC FOUR OG NÁTTÚRULEGA Á HINUM NORRÆNU STÖÐVUNUM.  Ég var fljótur að skipta yfir á BBC four og þar með var kvöldinu reddað.

Ísland komst ekki áfram

ÞAÐ ER LÍKA BANNAÐ AÐ "SVÍKJA LIT" Í SPILUM........

Ég veit ekki alveg í hvaða veruleika Birgitta Jónsdóttir lífir?  Við erum í alþjóðlegu umhverfi og menn geta verið með félög og fyrirtæki skráð hvar sem er í heiminum.  Það er ekki HÆGT að banna svoleiðis lagað, en það er hægt að koma í veg fyrir skattaundanskot með meira upplýsingaflæði milli landa og þrengja þannig að skattaskjólslöndunum.  Á sama tíma og Birgitta vill banna svokölluð aflandsfélög, vill hún halda verndarhendi yfir glæpamönnum eins Edward Snowden en svo vill hún líka banna að fólk hafi aðgang að skattaálagningunni.  Það er eitthvað í þessum málflutningi sem passar ekki alveg. 

„Það er bannað að svíkja undan skatti“

EKKI NÝTT VANDAMÁL

Þarna úir og grúir af alls konar "starfsemi" og virðist ekki vera nokkur einasta stjórn á því hvað fer þarna fram, ég veit ekki til að það sé bátur í einu einasta skýli þarna en hins vegar eru víst einver bifreiðaverkstæði og þessháttar starfsemi þarna og ýmislegt fleira sem alls ekki á heima á svona stað.  Hvernig ætli það sé, skyldi ekki vera neitt eftirlit með þeirri "starfsemi" sem þarna fer fram? Þetta lón (drullupollur) og umhverfi þess hefur lengi verið til vandræða í Hafnarfirði.  Það var lengi vel viss sjarmi að hafa þessi "bátaskýli" þarna en núna þegar nánast er um að ræða "ruslahaugahverfi" er kannski mál til komið að láta þetta hverfa.

Hneyksluð á ömurlegri umgengni