Ekkert skrítið við það þó fólk forðist VAXTAOKRIÐ!!!

Bankamenn og fleiri "sérfræðingar" gera mikið úr að "gengisáhættan" sé svo mikil,þegar tekin eru lán í erlendum gjaldeyri, en ég spyr á móti: Er "gengisáhættan" ekki til staðar ef tekið er verðtryggt lán í Íslenskum krónum?  Hvert er hlutverk vísitölutryggingarinnar?  Það þýðir ekkert fyrir "blaðursfulltrúa" bankanna að koma með einhverjar "aulalegar" útskýringar, þess efnis að fólk hafi slegið fjárfestingum á frest vegna aðstæðna í efnahagslífinu, en svo blasi mótsögnin við lántökur í erlendri mynt aukast en Íslensk, verðtryggð skuldabréfalán dragast saman.  Heildarlántökur Íslendinga eru mjög svipaðar og verið hefur.

Heimilin hætta að taka almenn verðtryggð lán

Athugasemdir

[Ásthildur Cesil Þórðardóttir, 6.3.2008 kl. 13:34]

Hef ekki beint vit á þessu, en ég skil að ástandið er komið niður undir hættumörk, það sýnir umræðan í þjóðfélaginu.

[Guðbjörn Jónsson, 6.3.2008 kl. 14:25]

Ástæðurnar fyrir grátkór "sérfræðinga" í bankagreiranum, sem vara við erlendum lánum er skiljanlegar á tvennan veg. Annars vegar er það gífurlegt tekjutap fyrir bankana ef fólk færi almennt að taka lánin sín í erlendri mynt, því þá virkuðu hvorki okurvextirnir þeirra né hin svokallaða verðtrygging. Á hinn bóginn eru þeir skíthræddir við gengislækkun, því þá munu ekki einungis lán viðskiptavinanna þurfa að greiðast með fleiri krónum, heldur einnig þau lán sem bankarnir sjálfir hafa tekið að láni erlendis.  Þegar þetta er lesið saman, lækkandi tekjur bankanna vegna aukinnar erlendrar lántöku viðskiptamanna og hins vegar hætta af þurfa að greiða erlendu lánin með fleiri krónum (sem verða að koma til með auknum tekjum) er ótti þeirra skiljanlegur. Umhyggjan er þarna að sjálfsögðu ekki fyrir viðskiptavininum, heldur eigin vandræðum bankanna.

Ég þarf á hverju ári að kaupa ensk pund vegna þýðingarsamnings.  Í ársbyrjun 2007 greiddi ég 131,23 fyrir pundið, en núna á sama tíma ári síðar, greiddi ég 129,92 fyrir pundið.  það varð því engin gengisáhætta á nýliðnu ári, hvað sem framtíðin ber í skauti sér.

[Jóhann Elíasson, 6.3.2008 kl. 15:49]

Guðbjörn við erum sko alveg samstíga þarna, ég trúi ekki öðru en að það séu fleiri sammála okkur.

[Hallgrímur Guðmundsson, 8.3.2008 kl. 10:33]

Ég er sammála ykkur.

[Hafsteinn Viðar Ásgeirsson, 8.3.2008 kl. 21:43]

Laukrétt.