EKKI ERU NÚ RÖKIN, SEM HANN TILTEKUR MEÐ ÞESSU STERK...............

Hvernig í ósköpunum kemst hann að þeirri niðurstöðu, að fé sem aflað er með vegtollum, skili sér frekar til samgöngumála en núverandi fyrirkomulag????  Það er vitað mál að vegtollar myndu skila mjög litlu nema á suðvesturhorni landsins, þ.e Reykjanesi, nágrenni Reykjavíkur, austur að Selfossi og að Akranesi.  Ruglið í þessum manni er svo með ólíkindum og það er alveg furðulegt hvað fjölmiðlar eru tilbúnir að "éta" upp vitleysuna sem hann lætur frá sér fara.  Kannski væri nær að fjölmiðlarnir kæmu sér upp einhverju "brandarahorni" og settu þar ummæli frá honum, svo ekki færi á milli mála hvað um væri að vera................

Ríkið lækki bensínskatta

Athugasemdir

[Bjarne Örn Hansen (IP-tala skráð) 23.4.2011 kl. 17:48]

Að öllum líkindum sjá þeir fyrir minnkandi samgöngur, vegna of hás bensín verðs.  En ríkið hefur í langa tíð lifað feitt á kostnað bensíns, en sér nú fyrir sér þá tíð að olíu auðlindir þrjóta, og þar með einnig þessi tekjustofn.  Óvitað er um hvað tekur við, og því er farið að spekúlera í að nýta sér reynslu úr Kína, um að afla tekna á þennan hátt.

Menn eru orðnir vanir að lifa feitt ... erfitt að hugsa sér að þurfa að lifa snautt.

[Gunnar Heiðarsson, 23.4.2011 kl. 20:23]

Þessi hugmynd Vilhjálms er eins rugluð og hann sjálfur. Það á að nota þá skatta sem lagðir eru á eldsneyti til vegakerfisins og ekkert annað. Með því móti væri hægt að lækka þessa skatta um meira en helming.

Staðreyndin er að stjórnvöld eru að nota þennan tekjustofn til annara óskyldra nota. Þá er með ólíkindum að það skuli viðgangast að virðisaukaskatturinn, sem er nú nálægt 50 kr á líter, skuli vera lagður á skattstofn ríkisins. Að hægt skuli vera að skattleggja skattaálögur er með ólíkindum. Bara þessi hluti er að skila ríkinu nærri 20 kr af hverjum líter!

Vegtollar munu aldrei geta komið í stað eldsneytisskatta, enda hefur sú umræða aldrei verið raunveruleg. Þegar talað er um vegtolla er verið að tala um aukaskatt, til viðbótar því sem fyrir er.

Megin reglan á að vera sú að skattleggja á hvern hlut eða verknað samkvæmt því sem hann kostar ríkið, þar sem því verður við komið. Annað, eins og grunnþjónustuna, á að fjármagna með jafnri skattlagningu allra þegna landsins. Hvort einhverjar tilslakanir af þeirri skattlagningu til þeirra sem lægstir standa í þjóðfélaginu er pólitísk ákvörðun. Það er spurning hvort þörf væri á því ef skattkerfið sjálft væri eðlilegt. Það myndi að sjálf sögðu laga stöðu fyrirtækja og launafólks. Fyrirtækin gætu þá borgað hærri laun svo ekki er víst að þörf sé á sérstökum aðgerðum fyrir þá lægst launuðu. Hugsanlega væru laun þeirra þá bara ágæt.

Ef þessari reglu væri fylgt, væri verð á eldsneyti hér á landi sennilega nálægt 150 kr líterinn í dag!

[Sigmar Þór Sveinbjörnsson, 23.4.2011 kl. 22:40]

Heill og sæll Jóhann, þarna er ég þér innilega sammála. Er þetta ekki bara einn af þeim sem þessir sem öllu ráða hafa í vasanum, ég held það.

kær kveðja