Jóhann Elíasson

Ég er fæddur, síðasta laugardag maí mánaðar 1959  í Hafnarfirði.  Þegar ég var tveggja ára gamall flutti ég, ásamt foreldrum mínum, til Þórshafnar á Langanesi.  Faðir minn drukknaði árið 1963 ásamt öðrum manni er vélbáturinn Magni fórst 9 Apríl.  Móðir mín giftist aftur 15 Nóvember 1973.  Sumarið 1974 réði ég mig í fyrsta skipti til sjós, á handfæri á bát frá Þórshöfn.  Þá um haustið fór ég í héraðsskólann í Reykholti, sá tími er mér sérstaklega minnisstæður því þar kynntist ég því fyrst hvernig er að hafa ekki mömmu til þess að sjá um alla hluti fyrir mann og svo var þar mikið af stórkostlegu fólki, bæði kennarar og samnemendur og við margt þetta fólk er ég í sambandi enn þann dag í dag.  Árið 1977 flutti svo öll fjölskyldan í Hafnarfjörð.  Ég fór í stýrimannaskólann um haustið 1980 og tók þann vetur svokallaðan "fiskimann" og starfaði ég sem stýrimaður á togurum til 16 ágúst 1986 en þá hóf ég nám í Iðnrekstrarfræði við Tækniskóla Íslands en ég útskrifaðist úr því námi vorið 1988. Árið 1989 fór ég til Kristiansand í Noregi og hóf Rekstrarfræðinám í Agder Distriktsthögskole, því námi lauk ég seinni part árs 1991.  Flutti þá fjölskyldan þá aftur í Hafnarfjörð þar sem við höfum verið að mestu leiti síðan.  Æ ég var næstum búinn að gleyma því ég kvæntist 1983 og skildi síðan annaðhvort 1997 eða 1998.  Ég á tvo stórkostlega syni (enda ekki við öðru að búast en þeir séu stórkostlegir), sá eldri býr hjá mér en sá yngri er hjá mömmu sinni.

Ábyrgðarmaður skv. Þjóðskrá: Jóhann Magnús Elíasson

Innskráning

Ath. Vinsamlegast kveikið á Javascript til að hefja innskráningu.

Hafðu samband