ER HÆTT AÐ GERA INNGÖNGUKRÖFUR Í STÝRIMANNASKÓLANN??????

Hér áður fyrr varð að vera með minnst TVEGGJA ÁRA sjóferðatíma (sem fullgildur háseti) og það sem þá hét gagnfræðapróf (ekki er ég alveg með á hreinu hvað er sambærileg menntun í dag).  Það er ekki nokkur möguleiki að 16 ára unglingur sé kominn með þann tíma í dag.  En eins og fram kemur í fréttinni er hann aðeins 16 ára þetta þýðir að ef hann er á fyrsta ári þá á hann eitt ár eftir í það að ná sér í réttindi sem stýrimaður.  Er ekki eitthvað furðulegt í gangi þarna???????

Stálu vespu og skemmdu

Athugasemdir

[Stefán Júlíusson (IP-tala skráð) 9.9.2011 kl. 22:47]

Það er enginn stýrimannaskóli lengur til.  Sem betur fer voru gefnar út bækur þar sem hægt er að sjá hver útskrifaðist í denn.  Spurning hvað hann er að læra í tækniskólanum;)

[Sigmar Þór Sveinbjörnsson, 9.9.2011 kl. 23:12]

Heill og sæll Jóhann, það er rétt hjá Stefáni að það má ekki nefna skólann sínu rétta nafni. Það er einnig rétt hjá þér að hér áður fyr urðu menn að hafa siglingatíma í tvö ár og vinur okkar Guðjón Ármann var harður á því að eftir þeirri reglu yrði farið. Ég held að nú sé það aftur á móti þannig að þú getur lært til skipstjórnar 15 ára eða jafnvel yngri en færð ekki réttindin fyr en þú hefur verið á sjó í einhvern vissan tíma ( svo eru náttúrulega undanþágurnar endalausu) . Ég held að við ættum að vera ánægðir Jóhann minn að einhver ungur maður vilji nú læra til skipstjórnar. Það er búið að klúðra þessum málum eins og svo mörgu sem tengist sjómennsku. Það er staðreynd að ungt fólk lítur ekki á sjómennsku sem eftirsókarverða framtíðarvinnu, ekki einu sinni skólastjórnendur Stýrimannaskólans, fyrirgefðu að ég kalla skólann sínu rétta nafni

Kær kveðja

[Samúel Guðmundur Sigurjónsson (IP-tala skráð) 10.9.2011 kl. 04:57]

Stýrmannaskólinn og vélskólinn voruu sameinaðir uppúr 2000 þegar tekið  var upp einingakerfi  í styrimannaskólanum og bekkjakerfið lagt niður.  Þá var hætt að gera sjótíma að inngönguskilyrði. Einnig  þótti nafnið sjómannaskóli ekki nógu fínt og var talið að þetta tvennt  fældi ungafólkið frá skólanum. Hann fékk að mig minnir nafnið, Verkmenntaskóli atvinnulífssins  til að byrja með þar til  iðnskólinn, einhver flugskóli og tækniskólinn sameinuðust honum í,  Fjöltækniskólinn.

Mikill vilji var innan ''menntasnoppsliðsins'' á þessum tíma, að leggja sjómannaskólahúsið undir Kennaraháskólann  og flytja sjómannaskólann uppá höfða. Sumir töldu að lagfæringarnar sem gerðar voru á húsinu á þessum tíma væru gerðar með það í huga.

kv. af Sporðagrunni