HELSTA VON GRIKKJA TIL AÐ VERÐA SJÁLFBÆR ÞJÓÐ Á NÝ............

Þegar Grikkir höfðu Drökmuna var hún aðlöguð að mjög svo viðkvæmu hagkerfi landsins, eftir að henni var kastað og evran tekin upp, fór allt niður á við enda hafði verðlag í Grikklandi afskaplega lítið að gera með hagstærðir í Þýskalandi og Frakklandi og ferðaiðnaðurinn, sem löngum hefur verið aðalatvinnuvegur Grikkja, hrundi eins og spilaborg.  Fleiri evrulönd ættu að íhuga þennan möguleika því þeir eru orðnir ansi fáir, fyrir utan Heilaga Jóhönnu, Össur, Gunnarsstaða Móra og Árna Þór, sem líta á evruna sem einhvern bjargvætt og að erfiðleikarnir á evrusvæðinu séu eitthvað tímabundnir................

90% líkur að Grikkir segi skilið við evru

Athugasemdir

[Ásthildur Cesil Þórðardóttir, 26.7.2012 kl. 15:36]

Sammála, þeir eiga ekki að hugsa sig um lengur, heldur hætta í þessu evrusamstarfi og fara að vinna að sínum eigin málum, til að byrja með lýsa sig gjaldþrota til að losna við allann skuldaklafann.

[Ingibjörg Guðrún Magnúsdóttir, 26.7.2012 kl. 15:44]

Já það er ekki laust við að ég sé sammála. Ég held að eina vonin þeirra til þess að standa í lappirnar sé að hafa sjálfstæðan gjaldmiðil og eigin hagkerfi sem er sniðið að þeirra eigin þörfum...

En þurfa þeir ekki að losa sig við ESB til að svo geti orðið...

[Ívar Pálsson, 26.7.2012 kl. 23:33]

Skuldir Grikkja eru varanlegar og ósjálfbærar um alla framtíð. Nú liggur fyrir að nýi "björgunar"- peningur Grikkja (sem fór að mestu í bankana)verður aldrei greiddur og er því tapað fé. Eina lausnin er að skera á böndin, skipta yfir í Drökmu sem verður um 50% lægri og slá öllum greiðslum til útlanda á frest. Sala ríkiseigna gæti mun frekar verið til Kínverja frekar en í skuldasúpu bankanna. Grikkir hafa hvort eð er ekkert aðgengi að fjármagni í dag nema hjá ESB, sem ætlar að láta þeim blæða út.

En Jóhanna heldur bara að þetta séu tímabundin vandræði, jafnvel þegar mótmæli eiga sér stað í 80 borgum Grikklands!

[Ívar Pálsson, 26.7.2012 kl. 23:35]

Afsakið, 80 borga- mótmælin voru á Spáni, en Grikkir mótmæla sannarlega á götunum.