STÓRKOSTLEG KEPPNI - Á EINNI SKEMMTILEGUSTU BRAUT MÓTARAÐARINNAR......

Þó svo að byrjunin hafi ekki verið neitt til að hrópa húrra yfir.  Þetta byrjaði allt með einhverju augljósasta þjófstarti sem nokkurn tíma hefur sést, hjá Maldonado og kraðakið í fyrstu beygju skrifast alfarið á Grosjean, það var ekki hægt að sjá nokkra einustu glóru í því hjá honum að beygja ýmist í bak og stjór, án þess að hafa hugmynd um staðsetningu annarra ökumanna í kring.  Því eins og sagt er þú vinnur ekki keppnina í fyrstu beygju en þú getur bundið enda á hana þar.  Skítt með það þó hann hefði einn dottið út en það voru engar smá kanónur sem duttu út líka; Alonso, Hamilton og Perez.  Í sinni 300 keppni var Schumacher hreint og beint frábær og er langt síðan hann hefur sýnt viðlíka frammistöðu.  Alveg þar til tíu hringir voru eftir af keppninni barðist hann um sæti á verðlaunapalli en þá neyddist hann til að fara í dekkjaskipti.  Fljótlega eftir að hann kom út aftur missti hann sjötta gírinn og taldist bara góður að ná sjöunda sæti.  En það var nokkuð athyglisvert viðtal, sem Eddie Jordan átti við Bernie Ecclestone, en þar gaf Ecclestone það sterklega í skyn að Schumacher myndi enda sinn formúluferil þegar þessari vertíð lýkur.  Hvort sem þetta er rétt eða ekki, þá verður ekki borið á móti því að Schumacher á stærstan þátt í því að gera formúluna að því sem hún er í dag.  Það er ekki hægt að hætta að skrifa um keppnina í dag án þess að minnast á frammistöðu Vettels.  Hann var alveg ótrúlegur í dag.  Hann byrjaði í ellefta sæti í rásröðinni og keyrði sig upp í annað sæti og að sjá keyrsluna há drengnum var algjör draumur.  Í rauninni var þetta nokkuð merkilegur dagur fyrir Button, þetta var 50 keppnin hans fyrir McLaren, fyrsti ráspóllinn hans fyrir McLaren og fyrsti sigur hans á Spa svo það má búast við því að það verði mikið fagnað hjá honum í kvöld..........

Button sigrar loks í Spa

Athugasemdir

[Davíð (IP-tala skráð) 2.9.2012 kl. 19:28]

Já ég verða að segja að þetta var stórskemmtileg keppni þó svo að engin keppni hafi verið um fyrsta sætið. En hörð keppni hins vegar um öll önnur!!  Alonso var stálheppinn að fá bíl Lotusinn hreinlega ekki beint í hausinn, þetta var rosalegt og var klárlega Grosejan aðalsökudólgurinn eeen það má ekki gleyma að Lewis Hamilton er rosalega ákveðinn í að troða sér áfram og hann á að mínu mati smá þátt í að svona fór þar sem hann fór alveg upp við veggin að reyna að komast fram úr Grosejan.

Button var hreinlega í sérflokki bæði í dag og í gær.

Já Vettel átti stóð sig frábærlega í dag og var gaman að fylgjast með honum. Sérstaklega fannst mér gaman að sjá hann og Schumacher berjast, báðir rosalega ákveðnir og gefa ekkert eftir og höfðu greinilega báðir mjög gaman af.

Það var gaman að sjá Schumacher í dag, loksins að fá bíl sem virkar eitthvað, og karlinn stóð sig rosalega vel en því miður einsog oft áður virðist Benzinn fara verr með dekkin en flestir aðrir bílar og missti hann því miður hugsanlega verðlaunasæti frá sér í dag vegna þess þarna í restina. Ekki bætti úr svo með gírkassann. Vona innilega að hann haldi áfram í formúlunni eftir þetta tímabil og þeir geti gert bílinn samkeppnishæfan í öllum mótum ársins.

Hlakka til næstu keppni klárlega!