ÞAÐ ÞARF ALLSHERJAR UPPSTOKKUN Á ÖLLU MENNTAKERFINU........

Hætta þessum fjandans bútasaumi og skoða heildina ekki bara einstaka hluta.  Alveg frá því að menn læra lesa og grunninn í stærðfræði, skrift og fleira er hægt að segja að þeir læri ekkert nýtt þar til í níunda bekk, þá er farið að undirbúa nemendur undir framhaldsskólanám.  Ef þessi tími væri nýttur betur væri minnsta mál í heimi að stytta nám í framhaldsskólunum en málið er bara það að nemendur eiga að uppfylla ákveðnar námskröfur til að geta útskrifast úr framhaldsskóla og sé það þannig að engu af þessu er sinnt fyrr en nemendur koma í framhaldsskólana, verður erfitt að stytta námið.  Grein Ársæls Guðmundssonar, skólastjóra Iðnskólans í Hafnarfirði í Morgunblaðinu í gær, var mjög góð og tók hún töluvert á því hversu framhaldsskólakerfið er orðið staðnað og morkið.  Það þarf að taka á ÖLLU kerfinu kannski var Ársæll full harðorður þegar hann sagði: "Kennsla þarf að hætta að snúast um hvernig eigi að borga laun kennara og fara að snúast um nám nemendanna".  Það felst kannski einhver sannleikur í þessu en oft má satt kyrrt liggja.

Mun stytta nám til stúdentsprófs