Ætlar þessi hörmungarsaga engan enda að taka?

Ekki nóg með að það sé "púkkað" fleiri hundruð milljónum upp á þetta skrifli heldur er ekki einu sinni hægt að koma þessu drasli í "drift".  Enginn hefur enn þá þurft að gangast við því að vera ábyrgur fyrir þessari "lönguvitleysu" - eða er ekki búið að ákveða hver eigi að sitja uppi með "Svarta-Pétur"?  Á kannski að treysta á "GULLFISKAMINNI" þjóðarinnar og vonast til að þetta klúður gleymist bara?

Hefur siglingar í fyrrihluta apríl

Athugasemdir

[Hafsteinn Viðar Ásgeirsson, 20.3.2008 kl. 19:44]

Það er auðvitað alveg ljóst hver á þessa andskotans klessu og auðvitað er það ástæða þess að allir grjóthald kjafti. Sturla Böðvarsson háttvirtur forseti á þennan skít, sjálfsagt í bland við heimamenn einhverja, en auðvitað heldur öll hjörðin kjafti, það eru allir í því að verja hvern annan þarna.

Það sem þó skiftir höfuð máli er að þrátt fyrir alla skömmina í kringum þennan bömmer þá kemur þarna gott skip inn sem er nánast eins og nýtt og það var jú alltaf planið...?

[Helgi Þór Gunnarsson, 20.3.2008 kl. 22:59]

Sæll Jóhann, ég er sammála þér, þetta mál er þvílík skömm fyrir stjórnkerfið hvað þá fyrrverandi samgönguráðherra. Hafsteinn Viðar, er ekki allaf betra að byggja nýtt heldur en að endurnýja gamalt? Eftir tíu ár eða svo þá er komið að annarri skveringu eða skipið ónítt, gamalt skip er alltaf gamalt þó að í skveringu sé sett, það er allavega mín reynsla til sjós og í sambandi við Herjólf. Kær kveðja frá Eyjum. 

[Hafsteinn Viðar Ásgeirsson, 22.3.2008 kl. 08:56]

Það er alveg hárrétt Helgi, en þetta skip endar þó ekki nema í sem svarar hálfvirði við nýtt og er, að mér skilst, eitthvað álíka endurnýjað svo skaðinn er kannski ekki alger. Nema fyrir stjórnkerfið sem ber ábyrgð á sóuninni. Auðvitað átti bara að laga Baldur til og setja hann þarna inn, það fannst meira að segja heimamönnum fullnægjandi. Enda mjög lítið um bílaflutninga, aðallega fiskur og fólk, neysluvörur út.