Aðgerðaleysi og úrræðaleysi einkenna "stjórn/stjórnleysi" efnahagsmála á landinu.

Það þurfti nú engan utanaðkomandi sérfræðing til að segja okkur það.  Hins vegar "hraunar" hann svo yfir ríkisstjórnina og Seðlabankann og þá vill hann að Seðlabankinn hverfi frá "verðbólgumarkmiðum" sínum, það þurfi að lækka gengi krónunnar hið snarasta, til þess að lækka viðskiptahallann, því ekkert hagkerfi geti gengið til lengdar með svona mikinn viðskiptahalla eins og sé hér á landi.  Hann telur það óráðlegt að taka upp evru eða nokkurn annan erlendan gjaldmiðil, án þess að nefna rök fyrir máli sínu.  En eitt ber að skoða en svo virðist að VERÐBÓLGA HAFI VAXIÐ, MEÐ HÆKKUN STÝRIVAXTA það er engu líkara en "hryðjuverkamennirnir" í Seðlabankanum hafi þar óafvitandi (eða maður verður að vona það) unnið á móti "verðbólgumarkmiðinu".   Það hefur verið bent á það að vegna þess hve við erum í alþjóðlegu umhverfi, séu vaxtabreytingar ekki lengur það "vopn". sem þeir voru fyrir alþjóðavæðinguna, en samt sem  áður eru þeir það eina sem "hryðjuverkamönnunum" í Seðlabankanum dettur í hug að nota.  Þetta er bara eitt dæmi um það hversu þessir menn valda starfi sínu illa, kannski þarf að hækka laun þeirra meira svo þeir fari að vinna?  Það er ekki óþekkt að bankastjórar fái NOKKUR HUNDRUÐ MILLJÓNA fyrir að fara í vinnu.  Aðgerðir/aðgerðaleysi ríkisstjórnarinnar er orðið svo algert að jafnvel utanaðkomandi blöskrar, um daginn sagði Forsætisráðherra að innan ríkisstjórnarinnar væri verið að vinna baki brotnu að aðgerðum í efnahagsmálum.  Ég verð nú bara að segja að þá sjaldan, sem meðlimir ríkisstjórnarinnar eru til staðar hér á landi, get ég ekki séð nokkra einustu misfellu á bakinu á þeim.

Bankaáhlaup hafið?

Athugasemdir

[Haraldur Haraldsson, 6.5.2008 kl. 15:32]

Þarna erum við algjörlega sammála Jóhann /þetta er að leiða þjóðina i ógöngur/Kveðja Halli gamli

[Ásthildur Cesil Þórðardóttir, 7.5.2008 kl. 00:33]

Sá sem stýrir Seðlabankanum í dag, hefur svo sannarlega séð sjálfum sér farborða á okkar kostnað, svo það er ekkert um það að ræða að hækka launin við hann.  Sjaldan launar kálfur ofeldið.  Það ætti frekar að reka hann og taka af honum allar sporslurnar sem hann er búin að sanka að sér, og láta hann svara til saka um glöp sín i starfi, bæði efnahagslega og svo líka stjórnmálalega, til dæmis fyrir stuðning við innrásina í Írak,ég vona svo sannarlega að þessi maður fái að gjalda þess hvernig hann hefur farið með vald sitt.  Ég eiginlega legg það á og mæli um, að svo muni verða miklu fyrr en seinna.