ÞEIR ERU SPAUGARAR HJÁ HAFRÓ........

En það er nú alveg óþarfi að bera svona algjöra þvælu fyrir landsmenn eins og þeir gera þarna.  Ef við höldum okkur við að ráðlegt sé að veiða 20% af stofninum, þá er stofnstærðin ekki nema um 200.000 tonn en af þessum 200.000 tonnum telja snillingarnir hjá HAFRÓ að 80.000 tonn af síld drepist vegna sýkingarinnar en það má aðeins veiða 40.000 tonn.  Þessa hundalógík get ég ekki með nokkru móti skilið.  Ef við gefum okkur að 50% þeirrar síldar sem veiðist á vertíðinni verði ósýkt, VERÐA ÞAРUM 60.000 TONN AF SÍLD SEM DREPST og verður engum til gagns, hún bara drepst og sýkingin á, að öllum líkindum, greiðari aðgang að ósýktri síld.  Hvað er eiginlega í gangi þarna í glerbúrinu við Skúlagötuna?

40.000 tonna síldarkvóti

Athugasemdir

[Fannar frá Rifi, 6.11.2009 kl. 23:12]

þegar maður les eitthvað eftir hafró, þá hugsa ég alltaf til þess þegar síldin gekk fyrst inn í Grundarfjörð. þá sögðu þeir "nei" það væri ekki svona mikil síld til á öllum íslands miðum, hvað þá samankomna á einum stað.

[Sindri Karl Sigurðsson, 6.11.2009 kl. 23:49]

Það má gagnrýna allt og ekkert, lítið vandamál að gagnrýna Hafró sem samkvæmt mörgum veður villu og svima.

Aftur á móti þá er þetta samt sem áður einfaldur hlutfallareikningur. Ef 40% drepast þá drepast 40% burt séð frá veiðum og stofnstærð. Þessi 80 þúsund tonn sem þú nefnir og eiga að drepast eru ekki 40 þúsund tonnin sem eiga að veiðast. Það eru "einungis" 10 þúsund tonn af þessum 40 sem eiga að drepast.

Þ.a.l. skiptir að sjálfsögðu hve mikið er veitt því það er ekki eingöngu verið að veiða síld sem drepst.

Þetta er fyrsta staðreyndin.

Önnur staðreyndin er öllu meiri og betri fyrir stofninn, því að það er ekki svo öruggt að dauðinn sé óumflýjanlegur.