Hvernig í ósköpunum?

......gat læknirinn komist að þeirri niðurstöðu að það væri allt í lagi með hann?

Bush hefur tekið aftur við völdum eftir læknisskoðun

Þrátt fyrirminnkandi afla er gert ráð fyrir hagvexti...........

Þessi hagvöxtur sem er áætlaður kemur til vegna álframleiðslu..  Liðið í "saving Iceland" mótmælir því sjálfsagt.

Kaupþing: gífurleg óvissa í íslensku efnahagslífi

Var von á öðru?????

Ætli það sé eitthvað til í sögum þess efnis, að Ingibjörg Sólrún Gísladóttir, hafi í huga að "sprengja" ríkisstjórnina eftir tvö ár til að stofna til vinstri-stjórnar, þar sem hún yrði forsætisráðherra?

Jóhanna Sigurðardóttir býst við að sitja fjögur ár í ríkisstjórn

Hver er fréttin?

Hvað ætli þessi sjávarútvegsfyrirtæki sem, eiga að fá aðstoð, þurfi að vera mikið skuldsett til að fá aðstoð?  Er bara ekki tilgangurinn að lengja í "hengingarólinni" og blekkja fólk með því að kalla þetta aðstoð?

Ríkisstjórnin léttir skuldir Byggðastofnunar

Óvænt happ!!!!

Upplagt að skella sér í hvalaskoðun.

Lifandi hval rak á land

Enn er til fólk með "stórt og mikið hjarta"......

Þetta er stórkostleg frétt og hlýtur að ylja mörgum um hjartaræturnar.

32 km að baki í „Emmusundi"

Hugrekki eða undirlægjuháttur??

Þann 06.07.07 ákvað sjávarútvegsráðherra að fara alfarið að tillögu HAFRÓ, að þorskafli næsta fiskveiðiárs yrði 130 þúsund tonn.  Þessa dags verður fyrst og fremst mynnst, sem þess dags er ákveðið var hvar á landinu ætti að vera byggð og hvar ekki.Forsætisráðherra sagði að sjávarútvegsráðherra hafi sýnt mikið hugrekki með þessari ákvörðun sinni.  Fyrirgefið en mér dettur nú allt annað í hug en hugrekki þegar þessi ákvörðun er skoðuð.  Það hefði sýnt hugrekki ef hann hefði ekki farið eftir ráðgjöf HAFRÓ, því það var búið að sýna fram á það svo engum blöðum var um að fletta, að aðferðafræði HAFRÓ í fiskirannsóknum sínum var alveg út úr kortinu, svo ekki verði nú fastar að orði kveðið.  Nei í staðinn fyrir að sýna af sér smá manndóm ákveður sjárútvegsráðherra að vera með algjöran undirlægjuhátt og fer að ráðum HAFRÓ.  Nú spyr sá sem ekki veit:  Var þarna um að ræða vel undirbúið “plott”?  Eins og Grímur Atlason, bæjarstjóri í Bolungarvík, spurði að í sjónvarpsfréttum í kvöld (08.07.07). Þá er komið að “brandaranum” fyrirgefið mótvægisaðgerðum ríkisstjórnarinnar:

• Efla hafrannsóknir.  - Eiga hafrannsóknir að halda áfram á sömu braut og þær hafa verið?   - Á kannski að koma upp veiðarfæralager fyrir HAFRÓ, svo ekki þurfi að fara á “ruslahaugana” til þess að fá veiðarfærin í hið svokallaða “togararall”, sem farið er í á hverju ári og HAFRÓ byggir niðurstöður sínar á?  - Er allt í einu til fjármagn til að sóa í “gæluverkefni”, sem bitur reynsla er fyrir að skili engu?  HAFRÓ hefur stundað hið svokallaða “togararall” í rúm tuttugu ár alltaf hefur verið veitt á sömu “slóðum”, með samskonar veiðarfærum (til þess að endurnýja þessi veiðarfæri þarf að fara á ruslahaugana).  Á þeim bæ er ekki verið að taka tillit til breytinga á hitastigi í hafinu og breyttum straumum.  Það er ekki að furða að HAFRÓ “týni” heilu árgöngunum af fiski og fisum í hafinu fækki að þeirra mati.
• Samgöngubætur og háhraðatengingar.  – Samgöngubætur eru ekki hristar fram úr erminni og gagnast mjög svo takmarkað.  – En mér finnst einhvern veginn að ég hafi heyrt þetta  áður í öðru samhengi.  – Hvers vegna ættu menn að halda að meira verði um efndir núna?  - Nýjasta dæmið um samgöngubætur eru nýlegar tilraunir til samninga um aukaferðir Herjólfs til Vestmannaeyja.  – Eða eru samgöngubæturnar hugsaðar til að auðvelda fólki að flytja úr sjávarplássunum  Þegar eignir þess eru orðnar verðlausar?  Ef íbúum sjávarplássanna verða tryggðar háhraðatengingar mjög fljótlega, geta þeir fylgst með fiskverðunum á “mörkuðunum” og lesið Moggann á “netinu” áður en þeir verða að flytja í burtu á nýju vegunum.
• Auka menntun.  Það verður náttúrulega að kenna þessu fólki,sem missir lífsviðurværi sitt og eignir, eitthvað annað en að vinna fisk, þetta fólk getur auðvitað farið að selja verðbréf.  Það er fjármálageirinn sem býr til tekjur þjóðarinnar í dag.
• Fella niður veiðileyfagjald.  Þetta var eina tillagan sem var fullmótuð og kemur strax til framkvæmda.  –Er það vegna þess að LÍÚ hefur lengi verið á móti þessu gjaldi og er bara verið að koma til móts við kröfur þeirra?  - Hvað verður næst?
• Bæta sveitarfélögum, sem verða illa úti, skerðinguna.  – Hvað er illa?  Ég hef ekki heyrt neina skilgreiningu á þessu enda sagði fjármálaráðherra að enginn “verðmiði” væri kominn á þessar mótvægisaðgerðir.

 Ég vona að ég hafi ekki gleymt neinum af hinum svokölluðu mótvægisaðgerðum ríkisstjórnarinnar, en eins og sést þá eru þessar mótvægisaðgerðir svo almennt orðaðar (eins og stjórnarsáttmálinn) að það ekki er mark á þeim takandi.  

Hugrekki eða eitthvað annað????

...Mikið óskaplega vorkenndi ég Einari K. Guðfinnssyni að þurfa að taka þessa ákvörðun um niðurskurð á aflaheimildum.  Þessi ákvörðun hans hefur í för með sér sjávarbyggðir landsins leggjast af og kvótasvindlið verður enn meira en áður.  Mótvægisaðgerðirnar sem á að fara útí eru svo almennt orðaðar (eins og stjórnarsáttmálinn) nema það að það á að fara að kröfu LÍÚ og leggja niður "veiðigjaldið", sem þrátt fyrir allt var mjög lágt, en þetta gjald hefur alltaf verið þyrnir í augum LÍÚ-manna.  En nú er LÍÚ búið að fá sitt í gegn.  En LÍÚ vill meira, þeir vilja hverfa aftur til þeirra tíma þegar þeir gátu "pantað" gengisfellingu.  Nú kemur "málpípa" LÍÚ fram í fjölmiðlum og á sinn hugljúfa máta heimtar hann gengisfellingu til þess að tekjur útgerðarmanna af minnkun aflaheimilda verði nú sem minnstar.

Ekki ríður nú vitleysan við einteyming

Þá er LÍÚ búið að ákveða þorskvótann næsta ár.

Þorskkvótinn verður 130 þúsund tonn

Fótbolti fyrir alla...

Fjaðrafokið, sem orðið hefur út af þessu atviki í fótboltaleik ÍA og Keflavíkur, er með ólíkindum.  Nú er ég bara "sófaáhugamaður" en ég tel mig nú samt geta haft skoðun á svona löguðu.  Þarna get ég ekki betur séð en að Keflvíkingar séu að sópa mjög svo alvarlegum mistökum markmanns síns undir teppið og reyna að koma sökinni á Bjarna Guðjónsson. Fyrir það fyrsta, þá myndi enginn heilvita maður reyna skot af svona löngu færi til þess að skora.  Það er ekki mikið mál að vera markmaður og halda "hreinu" þegar ekki er skotið á markið en loksins þegar skotið er á markið og það langt utan af velli og geta þá ekki varið.  Segir það ekki nokkuð um getu viðkomandi markmanns?  Þessi maður ætti bara að fara að æfa sig betur og liðsfélagar hans ættu nú bara að fara að lýta í eigin barm og fara að athuga hver hinn eiginlegi sökudólgur í þessu máli er?