ER ÞARNA KOMIN ÁSTÆÐAN FYRIR UMFJÖLLUN KASTLJÓSSINS?????

Þurfti bara að fá leyfi til innflutnings á eggjum, var kannski ekki svo fráleitt sem Vigdís Hauksdóttir var að segja???  Svo er eins gott að það komi fram að félag eggjaframleiðenda segir að ENGINN eggjaskortur verði vegna þessa máls.....

Hætti að hindra innflutning á eggjum

ER EKKI BARA VERIÐ UNDIRBÚA ÞAÐ AÐ NÚVERANDI STJÓRN VERÐI TIL VORSINS OG ÞÁ VERÐI KOSIÐ????

ÞÁ ER EINA VITIÐ AÐ KJÓSA AFTUR Í VOR OG LÁTA ÞÁ STARFSSTJÓRN, SEM ER NÚNA STARFA ÞANGAÐ TIL.  Persónulega held ég að það sé bara verið að undirbúa jarðveginn fyrir þetta.  Og kannski fólk verði þá búið að átta sig á alvöru málsins og láti ekki einhver "grínsamtök" sem hafa engin málefni fram að færa og vilja alls ekki og geta ekki borið neina ábyrgð á einu eða neinu, í té atkvæði sitt og pólitíska landslagið fær þá aðeins að jafna sig.  En mikið eru það ánægjulegar fréttir fyrir þjóðina að "Vinstri Hjörðin" skyldi springa í loft upp, kannski var það líka fyrirséð að þetta lið gæti aldrei komið sér saman um eitt eða neitt.  Núna er ekkert eftir nema einhverjar misgáfulegar málamiðlanir og því ekki um neitt annað að ræða en að kjósa aftur í vor og vona að fólk hafi lært af þessu "floppi" núna í haust....

Benedikt afþakkaði boð Bjarna

OG VG VILL AUKA SKATTBYRÐINA ENN MEIRA - FINNST GREINILEGA EKKI NÓG

Og svo hjó ég eftir annarri meinlegri "villu" í þessu; "LEIÐRÉTTING VEGNA LÍFEYRISRÉTTINDA", það er kominn tími til að fólk vakni til meðvitundar um það AÐ Í DAG ERU GREIÐSLUR Í LÍFEYRISSJÓÐI AÐ HLUTA TIL EKKERT ANNAÐ EN LÖGLEGUR ÞJÓFNAÐUR.   Ef horft er til þess að greidd eru 12% í lífeyrissjóð, launamaður, sem hefur ágætis laun um 700.000 þá fara um 84.000 í lífeyrissjóð. en hver skyldu réttindi mannsins vera þegar upp er staðið?  Fær hann núvirði þessara 84.00 króna þegar hann kemst á lífeyrisaldur?  Nei ekki aldeilis, , ég er ekki með nákvæma tölu á því en talan er á bilinu 4-6% fer efti hvaða lífeyrissjóður á í hlut.  Jú það er alltaf verið að skerða réttindin en á sama tíma berast fréttir af því að lífeyrissjóðirnir eigi svo mikið að þeir eru að kaupa upp stóran hluta Íslensks atvinnulífs og eitthvað kostar rekstur lífeyrissjóðanna og þar eru ekki borguð nein hungurlaun og ekki eru forstjórajepparnir neitt af lakara taginu.

Skattbyrði á Íslandi sú þriðja mesta

HVENÆR TEKUR GRÓÐAHYGGJAN YFIR SKYNSEMI OG UMHYGGJU?

Sjaldan hef ég orðið vitni að jafn slæmum aðbúnaði hjá nokkrum dýrum eins og hjá "Frjálsu ,Hamingjusömu Hænunum" hjá Brúneggi á Teigi í Mosfellsdal og Stafholtsveggjum í Borgarfirði.  Þegar ég var gutti, fyrir löngu síðan, var ég í sveit á bæ í næsta nágrenni við Stafholtsveggi, þá var þar myndarbúskapur og ég veit að ef hann Árni sem bjó þá á Stafholtsveggjum, vissi um þessa meðferð, myndi hann snúa sér marga hringi í gröfinni, því aldrei hefði hann liðið svona lagað.  En tímarnir breytast og mennirnir með.  En það sem mér fannst alvarlegast við þessa umfjöllun er hversu lengi þetta fékk að viðgangast án þess að eitthvað væri gert og að fyrirtækið komst upp með að BLEKKJA neytendur með því að selja þessi egg á TÆPLEGA 40% HÆRRA VERÐI Í MÖRG ÁR án þess að NOKKUÐ VÆRI Á BAK VIÐ ÞESSA VERÐLAGNINGU. Auðvitað keyptu neytendur þessi egg í góðri trú en ábyrgðin á þessum blekkingum er að sjálfsögðu fyrst og fremst hjá fyrirtækinu.  Það er mín skoðun að það eigi að svipta þetta fyrirtæki starfsleyfinu og rekstraraðilana ætti að dæma til refsingar fyrir dýraníð og sjá til þess að þeir komi aldrei nálægt svona rekstri aftur.

Aldrei verið vistvæn framleiðsla

ÞAÐ ER EKKERT SEM BENDIR TIL AÐ FJÖLSKYLDUNNI SÉ ÓGNAÐ Á EINN EÐA ANNAN HÁTT Í HEIMALANDINU...

En aftur á móti er það gagnrýnivert að þau skuli hafa verið svona lengi á landinu án þess að tekið hafi verið á þeirra málum.  Og það verður ekki séð að "einhver" eigi að skipta um skoðun í þessu máli.  Þó svo að einhverjir hælisleitendur eignist börn meðan þau dvelja hér á landi, eru börnin ekki sjálfkrafa Íslenskir ríkisborgara, eins og margir virðast halda þó svo að þeir "flaggi" lögfræðimenntun.

Réttarstaða fjölskyldunnar óbreytt

EN HVAR ERU ALLIR SEM KUSU PÍRATA Í HAUST?????

Það er svolítið skrítið til þess að hugsa að hreyfing, sem kennir sig við sjóræningja og utangáttalið, sé að tala um lýðræði og opna stjórnsýslu um leið fer fram kjör á netinu um hvort eigi að veita AFSLÁTT af helsta baráttumáli hreyfingarinnar fyrir kosningar í haust, sem Birgitta Jónsdóttir og co VORU ÞEGAR BÚIN AÐ VEITA AFSLÁTT AF Í STJÓRNARMYNDUNARVIÐRÆÐUM "VINSTRI HJARÐARINNAR" OG VIÐREISNAR. Það er einnig svolítið merkilegt að  244 aðilar skyldu nenna að taka þátt í þessum "sýndarlýðræðisleik" ÞVÍ ÞAÐ VISSU ÞAÐ ALLIR AÐ ÞAÐ VAR ÞEGAR BÚIÐ AÐ TAKA ÁKVÖRÐUN UM MÁLIÐ..............

Bannið nú bundið við Pírata

ÞAÐ TÓKST!!!!

Þrátt fyrir að Lewis Hamilton, gerði allt sem hann mögulega gat til þess að Nico Rosberg næði ekki heimsmeistaratitlinum.  Yfirmönnum Mercedes-liðsins var farið að blöskra svo framganga Hamiltons, að þeir skipuðu honum að hleypa Rosberg framúr sér, sem hann gerði ekki og  er spurningin hvernig liðið komi til með að taka á því.  Í það minnsta var Eddie Jordan ekki mjög hrifinn og í viðtali sem hann átti við Toto Wolff stjórnanda Mersedes-liðsins, sem hann tók fyrir channel4, spurði hann hreint út hvað yrði gert Toto vildi ekki gefa svar við spurningunni, en það er ljóst að einhver rekistefna verður.  Enn einu sinni sýndi Max Verstappen að hann er framtíðarmeistari og þrátt fyrir það að hann lennti í óhappi í ræsingunni og bíllinn snérist og hann lenti þá í síðasta sæti, vann hann sig upp og endaði í fjórða sæti sem verður að teljast MJÖÖÖÖG vel gert..................

Rosberg heimsmeistari

ÞARNA ER ÞAÐ BARA Á HREINU GLÆPAMENN GETA EKKI REIKNAÐ MEÐ AÐ NJÓTA VERNDAR!!!!

En það er alveg með ólíkindum hvað fólk  innan vissra hópa reynir að halda hlífiskildi yfir þessum glæpamanni.  Þessir sömu aðilar virðast eiga í einhverjum erfiðleikum með að átta sig á því að þegar hann tók gögnin frá NSA ÓFRJÁLSRI HENDI GERÐIST HANN SEKUR UM ÞJÓFNAÐ OG ÞJÓFNAÐUR ER GLÆPUR, það er ekkert hægt að réttlæta þjófnað með því að þetta hafi verið gert í almannaþágu.  Þá er alveg eins hægt að réttlæta bankarán með því að það hafi átt að gefa peningana til fjölskylduhjálparinnar þ.e.a.s ef bankaránið kemst upp og fer fyrir dóm.

Hafna beiðni Snowden um framsalsvernd

ÞEIR BÍTA HAUSINN AF SKÖMMINNI MEÐ ÞVÍ AÐ "RANGFEÐRA" MANNINN.

Vonandi les mamma hans Friðleifs Einarssonar skipstjóra á Ásbirni, Ekki þessa frétt því sennilega myndi hún berja blaðamanninn , sem skrifaði hana.  En ég veit að hún er hin vænsta manneskja og héldi sennilega aftur af sér.  En svona "subbufréttamennska" er alveg fyrir neðan allar hellur og er algjört lágmark að hann Leifur og allt hans fólk verði beðið afsökunar þessu glappaskoti.

Búnir með karfann og reyna við þorsk

ERU ÞESSIR "STJÓRNMÁLAFRÆÐINGAR" BARA Í SÖGUSKOÐUN????

Þeir segja aldrei nokkurn skapaðan hlut af viti um það sem þeir eru spurðir um en vísa bara í samskonar aðstæður fyrr á tímum.  Nú skilst mér að fjárhagur flestra  fjölmiðla sé  nú frekar slakur svo þeir geta með góðri samvisku sparað sér það að fá stjórnmálafræðinga til skrafs og ráðagerða, því ekki koma þeir fram með ALLA sína visku frítt..

„Snjallt útspil hjá forsetanum“