Snilldarleikur!!!!!!

Þegar okkar menn spila svona geta þeir unnið hvaða lið sem er.  Ég ætla að leyfa mér að segja að þeir fari alla leið í úrslitaleikinn.  Það er kannski of snemmt að fara að tala um það en það er allt í lagi að láta sig dreyma.  Þá vil ég minna alla á styrktarsíma HSÍ 907-2800mér finnst að strákarnir verðskuldi það margfalt að við styrkjum HSÍ því þetta er virkilega dýrt dæmi og það munar um hverja krónu, þá vil ég hvetja fyrirtækin í landinu til þess að sýna nú stuðning í verki.

Ísland í undanúrslit á ÓL

Að þessi spotti skuli vera kallaður HEILT Drangeyjarsund er barasta hneysa og ekkert annað!

Í Grettissögu er greint frá því að eldurinn hafi "kulnað" og því hafi Grettir orðið að synda í land eftir eldi og þá sér það hver heilvita maður að hann syndi frá Drangey og til lands og síðan frá landi út í Drangey með eldinn og þannig ætti Drangeyjarsund að vera, nema það mætti sleppa eldinum.  Svo eru menn að hreykja sér af því að komast á sundi út í Drangey, menn eru með bát fullan af aðstoðarfólki, mat og drykk og ég veit ekki hvað og svo geta þeir leyft sér að fá "þursabit" á leiðinni, þá eru þeir bara dregnir upp í bátinn og allt í lagi, kallgreyið hann Grettir hefði bara sokkið og enginn hefði vitað neitt.  Og svo finnst mönnum það mikið afrek að komast þetta spottakorn frá Reykjum yfir í Drangey, menn verða að gera sér grein fyrir því að Grettir fór fram og til baka hérna í denn ÞAÐ VAR HEILT DRANGEYJARSUND.

Hætti við Drangeyjarsund

Rússar setja riðilinn í alvarlegt uppnám!!!!

..... og Danirnir verða bara að eiga "virkilega" góðan dag til að þeir komist í úrslit.  Það er eiginlega útilokað að þeir fái Svíana, þá sömu og dæmdu Íslendingaleikinn, kannski þurfa þeir bara að vinna leikinn án utanaðkomandi hjálpar og það getur reynst þrautin þyngri.

Rússar unnu stórsigur á Suður Kóreu

Máttum bara þakka fyrir jafnteflið!

Þetta var tvímælalaust slakasti leikur okkar manna á ólimpíuleikunum, það er bara vonandi að slöku leikirnir verði ekki fleiri, það er bara vonandi að það hafi orðið spennufall hjá "strákunum" þegar þeir voru búnir að tryggja sig áfram.  En það má kannski benda mönnum á að það er betra að vakna FYRIR leikina.

Aftur gerði Ísland jafntefli

Sanngjarnt!!!

Danski þjálfarinn var ekkert að tala um alla dómana sem voru þeim hagstæðir í þessum leik (sem voru, að margra mati óeðlilega margir) og þá nefni ég sérstaklega "rauða spjaldið" sem Logi fékk en nokkru síðar varð svipað atvik hinu megin á vellinum, bara mikið grófara, þá fékk Daninn, sem átti í hlut, einungis tvær mínútur, kannski ætti nú líka að bera saman bera saman "brottvísanirnar" svona mætti telja upp mörg tilvik.  Þegar yfir heildina er litið þá voru þessi úrslit bara "sanngjörn".

Ótrúleg seigla í íslenska liðinu

Slæmur dagur!!!!

Vörnin var mjög góð hjá okkar mönnum, markvarslan var góð og strákarnir náðu sér ekki almennilega á strik í sókninni, það verður bara lagað fyrir næsta leik.  Hingað til hefur árangurinn hjá þeim verið framar björtustu vonum þannig að eitt tap slær þá nú ekki út af laginu.  Reiknaði einhver með því að þeir færu taplausir í gegnum riðilinn?

Ísland tapaði með einu marki fyrir Suður-Kóreu

Ótrúlegt!!!!!!!!

Ég verð nú að viðurkenna það að mér fannst þetta ekki raunhæf "spá" hjá Aroni Kristjánssyni, þegar hann spáði 3 marka Íslenskum sigri á Þjóðverjum, en vissulega féll allt með okar mönnum og það var vendipunkturinn þegar Heinz (ekki tómatsósan) varð að yfirgefa völlinn meiddur.  En sigurinn var sætur á ríkjandi heimsmeisturum.

Ísland fór hamförum gegn Þjóðverjum

Spánverjar Evrópumeistarar í fótbolta!

Og að sjálfsögðu var það LIVERPOOL- maðurinn Torres sem reddaði þessu fyrir Spánverjana.

Spánn Evrópumeistari

Rosalega flottur leikur hjá stelpunum!

Karlaliðið ætti að mæta á æfingu hjá þeim til þess að læra.  Stelpurnar hafa nú sýnt það að þær eiga fullt erindi á EM.

Yfirburðasigur á Grikkjum, 7:0

Það væri löngu búið að láta einhverja "fara" með svona árangur.

Hvað er eiginlega í gangi?  Það er verið að púkka upp á handónýtan þjálfara, sem er bara næs gaur það er tími til kominn að maðurinn sé látinn "taka pokann sinn" og einhver með bein í nefinu taki við t.d Helena Ólafsdóttir sem hefur náð mjög góðum árangri með þau lið sem hún hefur þjálfað.  Því ekki að verða fyrst til að ráða kvenþjálfara fyrir karlalandsliðið, ekki bara kvenmann heldur virkilega hæfan kvenmann.  Hún myndi líka alveg örugglega blása lífi í landsliðið okkar (ekki veitir af).  Persónulega finnst mér Eyjólfur Sverrisson vera búinn að fá mikið meira en nógan tíma til að sýna hve vanmáttugur hann er sem þjálfari.

Eyjólfur: Ég er ekki kominn í þrot með þetta lið