ÞAÐ HEFUR ÞÁ VERIÐ SMÁVEGIS ÞARNA UPPI HJÁ HONUM..........................................

Ekki hélt ég að það ætti fyrir mér að liggja að bera í bætifláka fyrir "dýralækninn" en með þessum "litlu" skrifum sínum hefur hann sýnt mun meira af sér en "jarðfræðingurinn", sem nú er fjámálaráðherra hefur sýnt af sér ALLAN þann tíma sem hann hefur setið á ráðherrastóli.

Ekkert að marka það sem þessi maður segir

Athugasemdir

[Árni Gunnarsson, 12.4.2010 kl. 17:52]

Þetta finnst mér ómaklega mælt og lítið á bak við. Erum við ekki að tala um fordæmalaus stjórnsýsluglöp þar sem umræddur dýralæknir var í einu af lykilhlutverkum.

En þú kýst að bera á hann lof til að geta nítt þann stjórnmálamann sem á þeim tíma þorði að standa einn á móti fjöldanum og segja þjóðinni berum orðum á hverju hún ætti von ef farin væri sú leið í svonefndri uppbyggingu hagkerfisins sem í ljós kom að braut niður fjölskyldur og lagði einstaklinga að velli í beinum skilningi.

Segðu mér: Hvað finnst þér sæmandi að ganga langt í þessa átt?

Skiptir það eitt máli að viðurkenna aldrei að pólitískir andstæðingar hafi rétt fyrir sér?

Af starfandi pólitíkusum er Steingrímur J. sá eini sem í dag getur borið höfuðið hátt þegar skýrslan er í umfjöllun, og reyndar fleiri í hans flokki. Því verður ekki hnekkt með heimskulegri öfund.

Verðið þið aldrei þreyttir í höndunum sem hangið alla daga í halanum á flokksforystu ykkar?

[Jóhann Elíasson, 12.4.2010 kl. 22:28]

Nú skulum við hafa eitt á hreinu Árni að ég er ekki sjálfstæðismaður og ekki lít ég á "jarðfræðinginn" sem pólitískan andstæðing.   Þú rökstyður það ekki á nokkurn hátt hvað það er sem veldur því að Steingrímur J geti borið höfuðið hátt, því ég get ekki með nokkru móti komið auga á neitt í fyrri orðum hans eða gjörðum sem gætu valdið því og enn síður í gjörðum/aðgerðarleysi eftir að hann varð ráðherra.

[Árni Gunnarsson, 13.4.2010 kl. 19:53]

Mér finnst það skipta afar miklu máli núna þegar reynt er að greina ástæðurnar fyrir fordæmalausum efnahagshamförum vestræns ríkis hverjir stóðu vaktina sína og hverjir svikust um. Ég leit svo á að skýrsla rannsóknarnefndarinnar ætti að leiða það í ljós. Og ég sé ekki annað eða heyri að það sé rétt hjá mér.

Þegar deilt var um þær efnahagsráðstafanir sem nú eru taldar hafa orðið orsök allrar ógæfunnar ásamt vankunnáttu á öllum sviðum stóð Steingrímur J. einn uppi gegn því að bankarnir væru einkavæddir á þann hátt sem raunin varð. Hann stóð einn gegn þeirri brjálsemisfirru að reisa þessa virkjun fyrir austan og hann stóð gegn hækkun húsnæðislánanna við þær aðstæður sem þá voru og hann stóð gegn skattalækkunum ríkisstjórnarinnar á þenslutímum.

Og þér ásamt mörgum fleiri finnst bara allt í lagi að hræra þessum manni saman við öll hin pólitísku fíflin!

Hvað, nákvæmlega þurfa menn að gera til að ná viðurkenningu þinni fyrir pólitísk viðhorf ef það nægir ekki að vara við helför efnahagslífsins? Er bara sanngjarnt að lenda fyrir ámæli fólks hvort sem menn sýna ábyrgð eða ábyrgðarleysi?

Við erum sammála um að margt það sem Steingrímur hefði að okkar dómi átt að gera betur á sinni stjórnartíð. En fjandinn hafi það nú ef ekki er hægt að kippa því viðhorfi út á sama degi og verið er að gera pólitískt uppgjör við stærstu fjármálaglæpi? 

[Jóhann Elíasson, 14.4.2010 kl. 14:10]

Árni ég er alls ekki sammála þér þarna.  Það eina sem Steingrímur hefur gert í sambandi við þetta "fjármálahrun" er að klifa á því að sjálfstæðisflokkurinn hafi staðið fyrir því og "hann" sé að taka á málunum en það hefur hann einmitt EKKI verið að gera.  Það er algjört lágmark að þú farir rétt með þegar þú mærir Steingrím, ekki kannast ég við að hann hafi staðið gegn NEINUM málum sem þú nefnir, kannski þú getir vísað í þingræður og gegn hækkun húsnæðislána mælti hann aldrei, en ég man það að hann mælti GEGN skattalækkunum enda man ég ekki betur en að hver einasti hagfræðingur landsins og aðrir sem eitthvað vit eiga að hafa á efnahagsmálum hafi mótmælt þessari vitleysu og margir gengu svo langt að kalla þetta mestu vitleysu sem hægt var að gera á þenslutímum og þar á meðal var ég sem bloggaði nokkuð mikið um þetta á sínum tíma.  Hann á hvergi heima nema með hinum pólitísku fíflunum.