Þorlákshöfn VERÐUR AÐALHÖFN Herjólfs eftir veturinn!!!!!!!!!!!

Og að tala um að gosið í Eyjafjallajökli hafi verið "ÓVÆNT" er eins og hver annað bull, menn höfðu búist við gosi þarna í mörg ár og enn er búist við gosi í Kötlu.  Veðurfar hefur verið mjög gott undanfarið en samt sem áður hefur orðið að fella niður ferðir "vegna veðurs" og haustið er rétt handan við hornið?????  En það sem er óbreytt eru  straumarnir og sjávarföllin, sem eru stöðugt að.  Menn virðast ekkert hafa tekið það með í reikninginn hversu gífurlega sterkir straumar eru þarna og þar af leiðandi er sandburðurinn "stjarnfræðilega mikill" og eina ferðina enn ítreka ég það að "það er engin tilviljun að það er engin þokkaleg höfn frá Þorlákshöfn og austur til Hafnar í Hornafirði".  Það að fara út í hafnargerð á þessum stað var fyrst og fremst "pólitísk ákvörðun" og frá upphafi var þess vel gætt að aðeins fólk, sem var "jákvætt"  (svokallaðir "já-menn voru settir til verka) gagnvart þessari framkvæmd, veldist til starfa í undirbúningshópum og nefndum sem fór með þessi mál.  Það sem ég sé fyrir mér núna, er að menn haldi áfram með þessa tilraun (enda er ekkert annað að gera úr því sem komið er) í vetur.  Nokkuð mikið verður um það að ferðir falli niður og til að byrja með þráast menn við að nota Þorlákshöfn en smám saman átta menn sig.  Aðstæður í Landeyjahöfn versna mikið yfir vetratímann og verða sennilega allt að því óviðráðanlegar undir næsta vor, þá verður farið í framkvæmdir til að "lappa" upp á aðstöðuna og líklega verður hægt að nota höfnina þarna eftir eins til tveggja mánaða þrotlausa vinnu og botnlausan fjáraustur þarna, fram að næsta vetri en þá held ég að menn telji þetta fullreynt og flytji aðstöðuna ALFARIÐ til Þorlákshafnar og Landeyjahöfn standi sem minnisvarði um hroka okkar og lítilsvirðingu fyrir náttúruöflunum.  Kannski verður hægt að nota Landeyjahöfn einhvern tíma fyrir skemmtibáta og smábáta, þegar gott er veður en kostnaður við það verður kannski of mikill.

Morgunferð Herjólfs féll niður

Athugasemdir

[Marteinn Unnar Heiðarsson, 7.9.2010 kl. 09:31]

Get ekki verið annað en sammála þér,þetta sögðu verkfræðingar og tæknifræðingar líka en það var ekki hlustað á þá bara hlustað á þá sem hentaði....

[Stefán Júlíusson (IP-tala skráð) 7.9.2010 kl. 09:55]

Á sandi byggði heimskur maður hús.  Þetta söng maður í sunnudagaskólanum í gamla daga.  Er Landeyjahöfn okkar Babýlonsturn? 

Eitt er ljóst og það er að samgöngur við Eyja verða að vera betri en þetta.  Herjólfur passar ekki í Landeyjahöfn.  

Kannski þarf þessa bílbáta sem eru að sigla með túrista í Vík og Jökulsárlóni;)

[GAZZI11, 7.9.2010 kl. 10:55]

Allir sem áttu aðild að þessari framkvæmd keppaast við að finna einhverjar skýringar á því hvers vegna þetta er ekki að virka.

Því miður var ekki hægt að setja eitt stykki gos niður í líkanið en það var fyrirsjáanlegt að gos yrði á næstu árum áður en framkvæmdir hófust. Allavega hefðu þeir átt að gera ráð fyrir einhverju slíku, hlaupum, Kötlugosi og þar með með meiri aur og sandburði. Síðan hefðu þeir átt að ræða við sjómenn og bændur sem þarna búa og þekkja til aðstæðna. 

SA lægar áttir hafa alltaf verið til staðar í Eyjum og það hafa Eyjamenn vitað í yfir 1.200 ár eða frá því að Herjólfsbær var byggður inni í Herjólfsdal. Það sannar að ábúendur þekktu staðhætti árið 900 og sneru Herjólfsbæ þannig með tilliti til ríkjandi vindáttar.

Þetta er óttalegt prump í ráðamönnum og almenningur hlær að þessu.

Verst að þetta leggst illa í Eyjamenn sem þurfa að búa við ótryggar ferðir og þetta eyðileggur alla ferðaþjónustu.

Óskyljanlegt að ekki skuli vera búið að koma Þorlákshöfn aftur inn í myndina. Sýnir fram á getuleysi í ákvarðanatökum og hversu lítils metið fólkið í Vestmannaryjum er í hugum ráðamanna.   

[Jóhann Elíasson, 7.9.2010 kl. 11:09]

Góður punktur "GAZZI", að er einmitt málið að þeir sem fyrst og fremst súpa seiðið af þessari vitleysu eru Vestmannaeyingar þeir eiga alla mína samúð og ég er hræddur um að þetta "framkvæmdaflopp" færi samgöngumál Vestmannaeyinga aftur til þess tíma sem Skaftfellingur var í ferðum milli lands og eyja.  Ég get ekki með nokkru móti séð það að ráðamenn verði tilbúnir til þess að setja fjármagn í nýja og betri ferju þegar búið verður að henda nokkrum milljörðum í þetta rugl.

[Stefán Júlíusson (IP-tala skráð) 7.9.2010 kl. 11:13]

Umfram allt samgöngur sem hægt er að treysta á.  Þetta er að hætta að vera grín.

[Axel Jóhann Hallgrímsson, 7.9.2010 kl. 11:36]

Þorlákshöfn er varahöfnin GAZZI, það er útgerðar Herjólfs að ákveða hvort og hvenær hún verður nýtt, ekki stjórnvalda.

Það vakti sérstaka athygli mína í þessari frétt að sagt er að sjórinn hafi verið svo gruggugur að dýptarmælir Lóðsins hafi ekki "séð" botninn. Þetta segir okkur að sjórinn hafi verið svo mettaður af sandi að hljóðbylgjur dýptarmælisins hafi ekki ná til botnsins fyrir sandrótinu í sjónum og endurkastast af því.

Að ætla að kenna gosefnunum úr  Eyjafjallajökli um þetta er barnalegt. Það er þvílíkt magn af sandi þarna að allt gosefnið úr jöklinum nemur varla meiru hlutfallslega en sem samsvarar einni teskeið af sandi í meðalsandkassa á leikvelli.

[Helgi Þór Gunnarsson, 7.9.2010 kl. 11:50]

Sæll Jóhann, ætli sé ekki bara best að spyrja að leiklokum, allavega ætla ég ekki að setja mig á háan hest, ég sagði það strax að það þarf tvo vetur til að læra á Land-Eyjahöfn.

Kær kveðja frá Eyjum.

[Jóhann Elíasson, 7.9.2010 kl. 11:57]

Helgi, ég get nú ekki með nokkru móti séð að ég sé að setja mig á háan hest en aftur á móti tel ég að ég sé að fara nokkuð raunsætt yfir stöðuna.  Ég er bara ansi hræddur um að við höfum ekki TVO VETUR til að LÆRA á Landeyjahöfnina.

[Helgi Þór Gunnarsson, 7.9.2010 kl. 11:58]

Jóhan! ég var að meina sjálfan mig upp á hest:-)

[GAZZI11, 7.9.2010 kl. 12:18]

Annars er það verst í þessu að minn aldur og ævi endist ekki til að fylgjast með þessum snillingum sem ætla að leysa þessi vandamál sem upp eiga eftir að koma.

Það á eftir að hlaðast sandur upp að görðunum og það mun halda svo áfram. Sanddæling og að halda rennunni opinni á eftir að kosta formúgu.

Gosefnin eiga eftir að streyma niður Markafljótið næstu árin og hlaðast þarna upp í og meðfram  Bakkafjörunni. Landslagið á botninum gæti breyst verulega þarna næstu misserin. Það kæmi manni ekkert á óvart að sandhryggir eða aurhryggir væru farnir að myndas við Bakkafjöruhafnargarðana. 

Kaupa þarf öflugt sandæluskip sem getur athafnað sig í verri veðrum og sjógangi heldur en núverandi skip.

Hanna þarf nýja ferju sem getur þá athafnað sig í miklu vindálagi og og sjó, og er öruggt með siglingar í sandmettuðu siglingarsvæði.

[Haraldur Haraldsson, 7.9.2010 kl. 14:37]

Jóhann ég er innilega sammála því sem þó segir þarna,en það virðist svo að "sannleikanum verður hver sárreiðastur"segir máltækið/Kveðja Halli gamli

[Ásthildur Cesil Þórðardóttir, 7.9.2010 kl. 14:51]

Já þetta er því miður aumkvunarvert klúður.  Og ætti að kenna "sérfræðingunum" sem hanna umferðarmannvirki að FARA AÐ HLUSTA Á FÓLKIÐ SEM VEIT OG ÞEKKIR TIL.  Hingað til hefur ekki mátt hlusta á slíkt og af því hafa því miður hlotist bæði umferðarerfiðleikar og dauðsföll. 

[Valmundur Valmundsson, 7.9.2010 kl. 14:54]

Svartnættið ríður ekki við einteyming hjá sumum. Alltaf skal rifið niður og gagnrýnt og allir eru orðnir besservisserar. Tökum því nú rólega og öndum með nefinu og sjáum hvað reynslan ber í skauti sér.

Og GAZZI ferðaþjónustan er ónýt er það ekki. Þó hafa ekki nema 70 þúsund manns ferðast með Herjólfi frá því Landeyjahöfn var tekin í notkun. En það skal ekki dregið úr því að þetta eru vonbrigði og vonandi verður hægt að ráða bót á vandamálinu.

[GAZZI11, 8.9.2010 kl. 10:32]

Ég vildi að ég gæti tekið Pollyönnu á þetta en svo er ekki. Höfnin er komin til með að vera þarna þangað til eitthvað annað verður teiknað upp á forgangsröðuðu pólitísku teikniborði ráðamanna.

Það kæmi ekki á óvart að rekstur og  viðhald á Landeyjahöfn yrði bara allt of dýr miðað við nýtt skip og styttri siglingartíma í Þorlákshöfn.

Ferðaþjónusta er ótrygg og hefur skaðast þegar ekki eru tryggar ferðir innan dagsins. Ferðamenn sem eiga gistipláss vilja helst ekki vera að borga tvö gistipláss sömu nóttina. Og þeir vilja helst ekki vera veðurtepptir í sínum ferðalögum ( hvar sem er í heiminum ).

Guð blessi Landeyjahöfn og vonandi verður hún til friðar eins og Friðarhöfn. 

[Helgi Þór Gunnarsson, 8.9.2010 kl. 11:17]

Gazzi! Ég er viss um að það löngu búið að ákveða hvernig þetta á allt að vera þarna uppfrá, það eru til gömul gögn um hönnun á stórskipahöfn þarna á sandinum, og ég er viss um á Land-Eyjahöfn er bara tilraunarverkefni fyrir þá tiláætlanir þeirra að byggja aðstöðu fyrir skipafélögin.