HVAÐ ER EIGINLEGA MÁLIÐ????????????????

Fyrir hverja er nauðsynlegt að flugvöllur sé staðsettur í Reykjavík???????  Er það vegna þess að það er svo "þægilegt" að setjast upp í leigubíl þegar komið er á staðinn og keyra í tíu mínútur og vera þá kominn á dvalarstaðinn og svo er enn styttra að fara á Hótel Sögu.  Sumir hafa nefnt það að það VERÐI að vera "gott" sjúkrahús við flugvöllinn.  Ég er með "pottþétta" lausn á þessu skemmtilega vandamáli:  FLYTJUM INNANLANDSFLUGIÐ TIL KEFLAVÍKUR.  Það er lítið mál að koma upp góðum samgöngum milli Keflavíkur og Reykjavíkur (reyndar lengist aðeins vegalengdin á Söguna en skítt með það).  Það er gott sjúkrahús í Keflavík það eina sem þyrfti að gera er að HÆTTA VIÐ FYRIRHUGAÐAN NIÐURSKURÐ ÞAR.  Komi til þess að verði aðgerðir sem eingöngu er hægt að sinna í Reykjavík, þá er jafnvel fyrirhugað að Gæslan flytji suður með sjó, þannig að þyrla verður klár á staðnum og ekkert mál yrði að fljúga í bæinn.  Flestir eru búnir að gera sér grein fyrir því að flugvöllurinn í Reykjavík fer, menn eru bara ekki búnir að koma sér saman um það hvert innanlandsflugið fer.  Að flytja innanlandsflugið til Keflavíkur væri lang-ódýrasti kosturinn og sá hagkvæmasti.

Ræddu um Reykjavíkurflugvöll

Athugasemdir

[Sigmar Þór Sveinbjörnsson, 12.11.2010 kl. 23:12]

Heill og sæll Jóhann.

Bara ein spurnig til Þín. Hvers vegna þarf að flytja flugvöllinn með tilheyrandi miklum kosnaði, af hverju má hann ekki vera þarna sem hann er ?

Kær kveðja

[S. (IP-tala skráð) 12.11.2010 kl. 23:19]

Þetta er akkúrat málið, algert skilningsleysi höfuðborgarbúa á nauðsin þess að hafa völlin í miðbænum, á meðan öll stjórnsýsla landsinns er á þessari torfu.

Þetta með sjúkraflug er enn meiri nauðsyn, það veit ég eftir að hafa stundað sjúkraflug á íslandi í mörg ár, það var ekki svo  sjaldan að læknirinn spurði ítrekað hvað langt væri eftir, lífið stóð tæpt, ef svo bætist við lengri flugtími + 50 min akstur á sjúkrahúsið tapast nokkur mannslíf á ári. En skítt með það, 101 liðið vill kaffihús í vatnsmýrina.

Kv. 

[Jóhann Elíasson, 12.11.2010 kl. 23:21]

Borgaryfirvöld segja að hann "þrengi" að borginni og takmarki stækkun  hennar.  Þetta eru þeirra rök en ekki mín - mér er nokkuð sama hvort flugvöllurinn er þarna eða ekki.

[Jóhann Elíasson, 12.11.2010 kl. 23:36]

Herra "S", hvernig í ósköpunum færðu það út að það sé algjör nauðsyn að hafa flugvöll í Reykjavík??????  Munurinn á flugtíma til Reykjavíkur eða Keflavíkur er sjö mínútur og keyrslan á milli er hámarkið 35 mínútur og bíll í forgangsakstri yrði aldrei meira en 25 mínútur á leiðinni.  Sjálfsagt yrði sett upp eitt kaffihús í Vatnsmýrinni og jafnvel bakarí líka, ertu með einhverjar fleiri tillögur???   Ég afgreiddi sjúkraflugið í blogginu en sennilega hefur þú ekki nennt að lesa það þér hefur legið svo mikið á að bulla þessari vitleysu út úr þér.

[Benedikt V. Warén, 13.11.2010 kl. 00:01]

Gaman á sjá einhvern aka á 35 mínútum frá flugvél að spítaladyrum, hvað þá 25 mín.  Hefur Jóhann aldrei farið úr húsi að vetri til?  Hefur hann ekki farið úr húsi í rigningu og roki?  Hefur hann ekki verið á feðinni í átta og fimm umferðinni á leiðinni Reykjavík Hafnafjörður?  Gott ef menn komast á 35 mín á milli á þeim tíma.

Því miður eru sjúkraflugin á öllum tímum sólahrings, í mismunandi veðrum og velja ekkert endilega að vera á ferðinni frá Keflavík þegar fáir eru á ferli á Reykjanesbrautinni.

Þó að sjúkrahúsið í Keflavík sé gott, er toppurinn ennþá í Reykjavík.  Jóhann vill ef til vill færa allt til Keflavíkur.  Það kæmi sér ekkert illa fyrir landsbyggðarfólkið.  Væri hann til í að fylgja fársjúkum ættingja í hjartastoppi um Reykjanesbrautina til Keflavíkur undir læknishendur?

[Stefán Kristján Símonarson, 13.11.2010 kl. 00:22]

Flugvöllurinn fer aldrei í náini framtíð.Sú hugsun er út úr kú.Er ekkert annað en hugarfóstur.Við höfum ekkert efni á því í komanandi framtíð.Fyrir utan hvað það er vitlaust fyrir allt og alla. Ef fólk sér það ekki er það með kýkirinn fyrir blinda auganu.

[hilmar jónsson, 13.11.2010 kl. 00:36]

Flugvöllurinn verður að fara. Fínar íbúðarlóðir þarna. Ég og mín fjölskylda stefnum a að byggja þaran á brautarendanum með útsýni út á sjó.

Til Keflavíkur með hann . Eru ekki líka allar byggingar tengdar vellinum að hruni komnar ?

[Sigrún Jóna (IP-tala skráð) 13.11.2010 kl. 01:24]

Ég spyr líka, af hverju þarf að flytja flugvöllinn. Viljum við allaf vera að borga hærri skatta er nauðsynlegt er.

Þetta er gott flugvallarsvæði, Bretarnir hefðu annars haft flugvöllinn annar staðar.

þeir voru og eru ekki alvitlausir eins og sumir hérna.

Þeir sem vilja lóð með sjávarútsýni geta örugglega fengið lóð í Reykjanesbæ, sem uppfyllir allar kröfur þeirra.

[Þórarinn Baldursson, 13.11.2010 kl. 01:35]

ég mæli eindreigið með því að þegar flugvöllurinn verður hrakin úr Vatnsmýrini til Keflavíkur, þá verði Keflavík líka gerð að höfuðborg Íslands,og aðal útskipunar höfn í leiðinni. þá geta þessir bjánar sem vilja völlin burt haft tekjur af því að klóra kverjir öðrum.

Þetta blessað fólk skilur ekkert,sko hvar er varaflugvöllur Keflavíkur ef Reykjavík dettur út? Þá er um þrjá staði að ræða, Akureyri,Sauðárkrók, eða Egilstaði. Hefur enginn pælt í þessu? Ég tek framm að ég er ekki flugmenntaður en það væri gaman að fá útskýringar flugmanna á þessu varavalla dæmi.

[Brjánn Guðjónsson, 13.11.2010 kl. 01:45]

hér er mín tillaga:

http://brjann.blog.is/blog/fjas/entry/1115574/

[Brjánn Guðjónsson, 13.11.2010 kl. 01:47]

Sigrún Jóna.

Bretarnir völdu ákjósanlegan stað fyrir flugvöll. Árið 1940. Fyrir 70 árum síðan.

Reykjavík hefur örlítið breyst síðan þá.

[Sumarliði Einar Daðason, 13.11.2010 kl. 03:17]

...og á þessu 70 ára tímabili flutti herinn völlinn til Keflavíkur!

[S. (IP-tala skráð) 13.11.2010 kl. 10:25]

Jóhann, mér fannst þessi tillaga þín að þyrluflugi frá KEF til Reykjavíkur svo arfavitlaus að ég bara slepti að svara því, er þér kunnugt um kostnað við þyrluflug?  Þetta að flytja flugstarfsemi gæslunar til KEF er líka brjálæði, nær væri að flytja hana á stað sem er meira miðsvæðis, en ekki setja þyrlurnar útá ystu-annes.

Það að aðeins sé 7min lengra flug til Keflavíkur en Reykjavíkur, má vel vera rétt, fer annars eftir hvort þarf að gera aðflug úr suðuri eða norðri, semsagt háð vindum.  En 7 min er annsi langur tími í sjúkraflugi, ég vil líka benda þér á að þessar flugvélar eru flestar 2ja hreyfla, og þar ertu kominn með 14min hreyfiltíma í hverri ferð, sem er um 2klst  á dag, í áætlunini frá Akureyri, þú ert líka með, í flestum tilfellum 3ja manna áhöfn á vélunum, þetta safnast saman og verður annsi kostnaðar samt þegar saman kemur.  Þetta eru bara nokkur atriði, ég gæti talið upp fleiri.

Flugtæknilega og flugrekstarlega séð er flutningur innanlandsflugs til KEF bara brjálæði. Það er kannski tími til kominn að Íslendingar fari að taka mark á fólki sem þekkir til þeirra hluta sem um er rætt. 

Svo er kominn tími til að þetta lið þarna fyrir sunnan læri að hugsa aðeins um peninga, en haldi ekki áfram að kollsigla þjóðina. Höfuðborgarsvæðið hefur mergsogið landsbygð þessa lands, og er nú tími að linni.

Kv.

 Kv.

[Friðrik Jónsson, 13.11.2010 kl. 10:52]

Sammála að það á að vera löngu búið að flytja flugið til keflavíkur,það er allt til staðar þar,gamla flugstöðin,flugskýli.

Svo skil ég ekki þessa umræðu um kostnað,öryggi og hagkvæmni,það er stórkostlegur sparnaður að flytja völlinn og það þarf lítið til að vera með fullkomna bráðamóttöku á sjúkrahúsinu innan við 1mín frá flugstöð,sparar flutning fólks í millilandaflug og býr til ódýrari ferðalag fyrir þann hóp,reykjanesbrautin er auð mest allt árið og vel upplíst þannig að það er ekki mikið mál að flytja farþega í bæinn,það er mjög sjaldgæft að vélar þurfi áð lenda í reykjavík vegna veðurs og á móti frekar algengt að reykjavík þurfi að nota kef völl.

Það yrði sparnaður í snjómokstri og viðhaldi + bylting í þjónustu við landsbyggðina,völlurinn opinn allan sólarhringinn og flott aðstaða,myndi einnig skapa möguleika á frakttengingu við utanlandsflug fyrir smápláss á landsbyggðinni og það eru engin rök fyrir því að það þyrfti að fækka störfum í reykjavík.

[Jóhann Elíasson, 13.11.2010 kl. 10:53]

Þá fullyrðingu þína að flugtæknilega og flugrekstrarlega sé brjálæði að flytja innanlandsflugið til KEF, verður þú að skýra nánar og ert ÞÚ sá sem á að fara að taka mark á.  Þú hefur ekki fært NEIN rök fyrir bullinu í þér.  Þér að segja þá hef ég bæði búið úti á landi og á höfuðborgarsvæðinu og mér er vel kunnugt um kostnaðinn við þyrluflug.  Mér er líka vel kunnugt um það að þyrla er send mun lengri vegalengdir en sem nemur milli Keflavíkur og Reykjavíkur eftir sjúklingum.

[S. (IP-tala skráð) 13.11.2010 kl. 11:21]

Hvaða þvættingur er það sem Friðrik J. segir að völlurinn yrði opin allan sólahringin, ok... Keflavíkurflugvöllur er opin allan sólahringin, en ætlarðu að hafa opna flugstöð allan sólahringin, btw, það þarf þá að byggja nýja flugstöð í Keflavík, sú sem nú er notuð passar ekki fyrir innanlandsflug, það er búið að prófa það, það var flogið milli Akureyrar og Keflavíkur fyrir nokkrum árum, féll ekki í góðan jarðveg. En Friðrik, ég á í erfiðleikum með að skilja hvað þú ert að fara með fraktflugstengingum, hún er þegar til staðar og í góðu lagi.

Já, Jóhann, það hefur víst verið flogið lengra með sjúklinga á þyrlu en milli Reykjavíkur og Keflavíkur hehe.... það er rétt.  En ég var nú að reina að færa rök fyrir því að kostnaður við innanlandsflug væri talsvert meiri við að flytja þá starfsemi til Keflavíkur, bara einfalt, það er lengra að fljuga til Keflavíkur frá öllum stöðum á landinu en til Reykjavíkur, u c ;-)  Keflavík er á útnesi, og í sjálfusér eiga fáir erindi þangað.

En annars er það víst ekki aðalmál trúðana í borgarstjórnini, hvað er haghvæmt og hvað ekki, heldur hitt að það er bara ekki "stemming",   á maður að taka þessa trúða og spjátrunga alvarlega?  DR

[Jóhann Elíasson, 13.11.2010 kl. 11:51]

Alveg er það með ólíkindum að lesa, hversu "ferkantaður" þú getur verið "S".  Næturflug í Reykjavík er BANNAÐen ekki í Keflavík, allar byggingar sem innanlandsflug þyrfti á að halda eru til staðar á Keflavíkurvelli.  Þú hefur ekki enn fært nein rök fyrir bullinu í þeir er ekki tími til kominn að þú farir að reyna að segja eitthvað af viti???? 

[S. (IP-tala skráð) 13.11.2010 kl. 14:17]

Bara eitt að lokum, næturflug um Reykjavíkur flugvöll er EKKI bannað, svo oft hef ég lennt á Reykjavíkurflugvelli til að nóttu til að vita það.  Ég ætla hinnsvegar að láta þér það eftir að komast að hvaða takmörkunum það er háð.  ;-)

[Jóhann Elíasson, 13.11.2010 kl. 15:41]

"S" auðvitað þurftir þú að fara aðeins í kringum sannleikann þegar þú sagðir að næturflug um Reykjavíkurflugvöll væri ekki bannað. Það er í sjálfu sér eitthvað til í því en það rétta er að lokað er fyrir ALLT flug á Reykjavíkurflugvöll frá klukkan 23 að kvöldi til klukkan 07 að morgni NEMA sjúkraflug og neyðartilvik.  Og hafir þú lent á Reykjavíkurflugvelli að nóttu til hefur verið um að ræða sjúkraflug eða neyðartilfelli að öðrum kosti hefur þú  brotið lög.  Hvernig væri að þú kæmir með RÉTTAR upplýsingar svona til tilbreytingar????

[Pétur Harðarson, 13.11.2010 kl. 19:38]

Mér finnst einfaldlega eitthvað mjög rangt við að hafa lendingarljós á Hringbrautinni. Þurfa stórslasaðir endilega hafa aðstöðu nálægt miðborginni? Væri ekki einfaldlega hægt að hafa góða sjúkraþjónustu í Keflavík sem gæti tekið við sjúkraflugi og sleppt þannig glæfraakstri til Reykjavíkur?

[Friðrik Jónsson, 13.11.2010 kl. 19:50]

 Nafnlausi S

Þú ert greinilega ekki mikið inní hvernig flugþjónusta virkar og enga þekkingu á skipulagi keflavíkurflugvallar,það er opið allan sólarhringinn í Leifsstöð og það er önnur flugstöð til staðar á hersvæðinu sem mætti laga fyrir innanlandsflug,slökkvilið sem er starfrækt allan sólarhringinn við hliðina+mannskapur sem er á vöktum allan sólarhringinn sem gæti annast þessi aukningu.

Þessi tilraun sem þú ert að vitna í veist þú greinilega ekki nokkurn skapaðann hlut um,þetta var sumarþjónust og það gekk ágætlega á meðan nóg var af farþegum og ég spjallaði við mikið af þessu fólki og þótti flestum þetta mjög þægilegt.

Fraktflug er til staðar ég þekki það mjög vel og veit líka að þetta gæti orðið flott tækifæri fyrir litla framleiðendur sem vilja koma góðri vöru á markað,því það er langur ferill að safna saman í bíla senda landleiðina.En eins og ég sagði þá er þetta möguleiki og aldrei að vita nema einhver tæki því fegins hendi og kannski ekki vitum hvorugir um það.

Svo í lokin þá er flott að allir hafi skoðun og þurfum ekkert að vera vitlausir eða klikkaðir þó við höfum ekki þær sömu,en ég hef mína eftir að hafa unnið við þetta í 12ár hleðslu og stjórnun á keflavíkurflugvelli og einnig að hafa unnið hjá landflutningum og séð ferlið þar.

[Benedikt V. Warén, 13.11.2010 kl. 22:16]

Brjánn.  Íslendingar byrjuðu flug í Vatnsmýrinni, ekki Bretar.  Þeir endurbættu hins vegar völlinn stórlega í stríðinu. 

"1919
- Flugfélag Íslands nr. 1 stofnað
- Fyrsta flug á Íslandi í Vatnsmýrinni 3. september á Avro 504 K flugvél" http://www.caa.is/Flugmalastjorn/SagaFlugmalastjornar/AtburdiriflugsoguIslands/

Hvað hefur breyst.  Jú, - nú erum við háðari því að komast á sjúkrahús hratt og örugglega.  Tækninni hefur fleygt fram og mannslíf eru greinilega vermætari nú en fyrir t.d. 70 árum.

Ekki eru mörg ár síðan. að það var frétt í blöðunum, þar sem fólk var að kvarta undan því að það hefði þurft þurft að fara með fársjúkt barn sitt af barnadeild og yfir á bráðadeild, vegalengengd sem var talin hátt í 400 metrar, - innanhúss.

Ég hef fulla samúð með þessu fólki, en það sýnir fram á að vegalengd og tími getur skipt verulegu máli í bráðatilfelli.

[Benedikt V. Warén, 13.11.2010 kl. 22:22]

Sigrún Jóna.  Brilliant innlegg hjá þér.  Bendi einnig á að ef talið er að hægt sé að byggja flugvöll á landfyllingu á Lönguskerjum, ætti mönnum ekki að verða skotaskuld úr því að byggja þar hús og híbýli, - strandlóðir með sjávarútsýni fyrir menn eins og Hilmar. 

[Benedikt V. Warén, 13.11.2010 kl. 22:30]

Pétur.  Hátæknisjúkrahús á að þjóna öllum landsmönnum og staðsetningin er ekki heilög, einungis að það sé hægt að komast undir læknishendur á sem skemmstum tíma.

Í stað þess að byggja fyrirhugað hátæknisjúkrahús við Hringbraut, velja því stað á Akureyri. Það væri mun meira miðsvæðis fyrir landsbyggðina en að fara til Keflavíkur.  Sjúkravélar eru einnig staðsettar á Akureyri, sem einfaldar heildarpakkann.

Eru Reykvíkingar tilbúnir að skoða þá útfærslu?

[Friðrik Jónsson, 14.11.2010 kl. 00:24]

Sæll Benidikt

Alveg sammála þér að það á auðvitað að vera hátæknisjúkrahús á Akureyri og þjóna nágrannabyggð þar og ég var ekki að tala um að það væri nauðsyn að byggja hátækniþjónustu í keflavík,heldur að vera með góða virka neiðarþjónustu til að undirbúa fólk fyrir næsta skref,það er vel byggt sjúkrahús sem herinn skildi eftir við flugvöllinn sem mætti nota að hluta til í þá þjónustu.

[Davíð (IP-tala skráð) 14.11.2010 kl. 14:11]

Að flytja innanlandsflugið til Keflavíkur er ein sú arfavitlausasta hugmynd sem hefur verið sett fram í þessu öllu saman. Það yrði einfaldlega ekki innanlandsflug því slíkt myndi ganga af því dauðu og allir út á hringveginn á bílunum sem hreinlega höndlar það ekki og ekki eru peningar til að laga frekar en byggja flugvöll annars staðar ef þá hentugur staður fyndist. Það var reynt fyrir nokkrum árum að fljúga frá Akureyri til Keflavíkur og þurfti að sækja farþega í rútum í fragtskemmuna, keyra þá útaf flugvallarsvæðinu að flugstöðinni. Keflavíkurflugvöllur með sín Shcengen-Non Schengen og Ameríku flug með tilheyrandi öryggisgæslu gæti aldrei verið notuð fyrir innanlandsflug líka, svo það þyrfti að byggja aðra flugstöð þá..  með tilheyrandi kostnaði. Margföld vopnaleit vegna mismunar í Evrópskum/Amerískum öryggisreglum, "hreinn flugvöllur, óhreinn flugvöllur ofl" Fyrir utan að öryggisgæslan á Keflavíkurflugvelli er ein sú leiðinlegasta að eiga við í Evrópu.. og myndi setja í sama flokk og Breta. Svo að það sé hægt að gera það með litlum tilkostnaði er einfaldlega ekki rétt.

Voðalega hentugt að vilja eitthvað burt af því að einhverju fólki dettur það allt í einu í hug og koma vandamálinu á aðra án þess að svo mikið sem hugsa fyrir afleiðingunum og áhrifum sem þetta getur haft

Jóhann, ástæðan fyrir Reykjavíkurflugvelli er innanlandsflugið og sjúkraflugið. Og einsog núna er niðurskurður í öllu heilbrigðiskerfinu og það ÞARF að vera sjúkraflug beint til Reykjavíkur á stóru sjúkrahúsin. Hugsaðu með sjálfum þér að þú slasast í bílslysi úti á landi og þarf að flytja með flugi einsog skot..  æ nei þarf að fara fyrst til Keflavíkur og svo í sjúkrabíl þaðan í amk 40 mínútur á góðum sumardegi þegar allt snýst um mínútur?? Jújú í góðærinu nýttu útrásarvíkingarnir sér það í botn að geta lent á Reykjavíkurflugvelli af því að það var styttra en þetta snýst bara ekki um það. Það þarf að horfa aðeins meira á heildarmyndina.

[Jóhann Elíasson, 14.11.2010 kl. 16:09]

Hvað hefur þú eiginlega verið að drekka Davíð????  Þú horfir bar á þetta mál frá "þröngu"sjónarhorni.  Málið er að í Keflavík er ÖLL nauðsynleg aðstaða til staðar til að það sé hægt að gera flóknar skurðaðgerðir og þegar sjúkraflugvél er á leiðinni, er ekkert vandamál að gera allt tilbúið til aðgerðar, það er ekki þannig að menn viti ekki hvaða meðferð sjúklingurinn þarf fyrr en sjúkraflugvélin lendir.  Ef læknir sem framkvæmir aðgerðina er staddur í Reykjavík er ekki mikið mál fyrir hann að koma sér til Keflavíkur á meðan sjúkraflugvélin er á leiðinni.  Nú er búið að skjóta þessi rök þín niður.  Að blanda Flugstöð Leifs Eiríkssonar inn í þetta sýnir bara málefnafátæktina í þínum málflutningi, það eru Allar byggingar til staðar uppi á velli fyrir innanlandsflugið en ef þér finnst svona mikil eftirsjá í braggadraslinu á Reykjavíkurflugvelli þá væri sjálfsagt hægt að flytja það en kostnaðurinn yrði mikill.

[Friðrik Jónsson, 14.11.2010 kl. 17:01]

Ég er alveg sammála þér Davíð að það er vesen að taka við innanlandsflugi í Leifsstöð og það er enginn að tala um það hér heldur,en vil samt segja eitt um það samt,það var ekki farið með farþega í fraktmiðstöð enda er hún ekki útbúin fyrir farþega,það beið lítil rúta og farþegar löbbuðu beint inní hana og voru ferjaðir hringinn að innritun ekkert vesen.

Það er verið að tala um gömlu flugstöðina sem innanlandsstöð og það er ekki mikið mál að hafa hana domestic,svo rúta í leifsstöð og til reykjavíkur,þetta myndi spara skattgreiðendum óhemju pening með samnýtingu slökkviliðs,flugvallar,viðhald véla,flugskýla.

[Davíð (IP-tala skráð) 15.11.2010 kl. 03:38]

Hef greinilega ekki verið að drekka sama vökvann og þú Jóhann hvað sem í honum hefur verið eða hversu sterkur sem hann hefur verið en ég horfi bara á þetta útfrá hvernig staðan í þjóðfélaginu er í dag. Eftir nýlegan niðurskurð í heilbrigðiskerfinu er það nokkuð ljóst að það algjör lágmarksþjónusta úti á landi og spítalarnir í Reykjavík eru og verða aðal spítalarnir hér og það er ekki verið að fara að færa það til Keflavíkur, það er nokkuð augljóst. Alltaf svo magnað þegar fólk heldur að það þurfi að finna upp hjólið að nýju. Ég veit ekki hvað þú telur þig hafa skotið niður, því greinilega er málið ekki hugsað mjög langt en ef það friðar þína samvisku að halda slíku fram þá bara fínt fyrir þig.

[Jóhann Elíasson, 15.11.2010 kl. 08:03]

Það er greinilegt Davíð að þú ert mikill þverhaus og þegar þú ert búinn að taka eitthvað í þig þá verður því ekki breitt sama hvað og hvernig rök eru borin á borð fyrir þig.  Ég hef bara mikla samúð með þeim sem þurfa að umgangast þig á hverjum degi og ég sé það núna að það hefur ENGA þýðingu að tala neitt við þig eða reyna að rökræða á nokkurn hátt.

[Norðfirðingur (IP-tala skráð) 15.11.2010 kl. 16:52]

Það er margur Innan-Hringbrautarmaðurinn þarna að skrifa. Vita Rekavíkurbúar ekki að þetta er höfuðborg okkar allra landsmanna ???? Og að við eigum, sem utan Hringbrautar búum, að hafa jafn mikið um flugvöllinn að segja og þeir sem innan hennar hýrast.  Vallarlandið er jú í okkar eigu allra þ.e.a.s. ríkisins.  Það er nú þegar nægilega kostnaðarsamt að koma til fundar við stjórnsýsluna utan af landi þótt ferðalag frá og til Keflavíkur bætist ekki við.  Og það ylli því líka að margir teldu sér hagkvæmar að aka hreinleg suður og spara sér þar með bílaleigukostnað og hvernig kæmi það við Flugfélagið ?  Að flytja innanlandsflugið til Keflavíkur eða bara út fyrir borgina gæti mjög líklega gengið að því dauðu og hvernig ætla Rekavíkurbúarnir þá að komast í skottúra út á land, þeir sem varla komast hverfa á milli akandi þegar vetur gengur í garð.  En það er margur Gnarrinn.

[Davíð (IP-tala skráð) 15.11.2010 kl. 19:45]

Ég get nú ekki annað en brosað yfir þessari síðustu færslu þinni Jóhann. En finnst þér virkilega ekki vera aðeins þarfari hlutir sem þarf að hugsa um og hlúa að með ástandið í þjóðfélaginu og það er núna eða á bara að stinga höfðinu í sandinn?

En þar fyrir utan að þá einmitt hittir Norðfirðingur naglann á höfuðið.. þetta snýst nefnilega allt um 101 Reykjavík liðið sem vill flugvöllinn í burtu og horfir ekki lengra en sitt eigið nef því miður, og er því ekki hugsað lengra en sem þeim hentar. Það er mjög augljós staðreynd sem skín í gegn og kemur þrjósku nákvæmlega ekkert við.

[Jóhann Elíasson, 15.11.2010 kl. 22:44]

Óskaplega eru "Norðfirðingurinn" og Davíð eitthvað barnalegir.  Reykvíkingar fara bara til Keflavíkur og fara þaðan í skottúra út á land og eruð þið virkilega þeir "fjósamenn" að halda að innanlandsflugið geti hvergi þrifist nema það verði staðsett í Reykjavík????  "Norðfirðingurinn" hefur greinilega ekkert fylgst með síðustu 20 árin eða svo, því ef hann tímir ekki að fara til Reykjavíkur eftir að hafa flogið til Keflavíkur, þá getur hann alveg sleppt ferðalaginu því það er kominn til sögunnar fjarfundabúnaður, email og margt fleira sem hann getur notað svo ég tali nú ekki um símann.

[(IP-tala skráð) 15.11.2010 kl. 23:17]

Ætla að taka undir með Pella og Norðfirðingi. Ég get svo sem ekki talað nema fyrir mig en veit þó að MJÖG margir eru á sömu skoðun, að ef völlurinn fer úr Vatnsmýrinni, mun ég ALLDREI nýta mér höfuðborgina vegna verslunar og þjónustu þar, en það skiptir kannski ekki verslunnareigendur í Reykjavík máli, við verslun þar kannski ekki svo mikið. En ég mun hins vegar fara mun meira til útlanda í slík erindi, enda kemst það oft beint frá Egilsstöðum nú og svo liggur það beint við að fara frekar til Köben frá Keflavík en að keyra til Rvík. Nú og svo munum við berjast grimmt fyrir hátæknisjúkrahúsi til Akureyrar að sjálfsögðu. En Jóhann segist hafa búið út á landi og ekki rengi ég það, en ég leyfi mér að fullyrða að hann hefur ekki verið fluttur þaðan fárveikur sjálfur eða með barn sem þarf að komast á hátæknisjúkrahús þar sem tíminn skiptir öllu máli og hefði engu skipt þó góð bráðaþjónusta væri í Keflavík, hún hefði ekki dugað í mínu tilfelli. Það að flugvöllurinn er og var þar sem hann er bjargaði lífi lítils barns í það tilfellið og þau eru ansi mörg slíkt tilfellin en það skilur engin nema sá er reynir og kannski eðlilegt.

Með kveðju og von um góða heilsu.

[Jóhann Elíasson, 15.11.2010 kl. 23:54]

Ég hef ekki veið fluttur fársjúkur utan af landi en það var gert með bróður minn fyrir 13 árum og ég get alveg sagt það án þess að blikkna að það hefði ENGU máli skipt hvort hann hefði verið fluttur til Keflavíkur eða Reykjavíkur.  En það er alveg greinilegt að þið hafið EKKI lesið athugasemd mína þess efnis, að ÖLL aðstaða til meiriháttar aðgerða er til staðar í Keflavík, það er fylgst með líðan sjúklings í flugvélinni og ef það er þörf á sérfræðingi úr Reykjavík til að framkvæma aðgerð, er  hægt að koma honum til Keflavíkur á meðan sjúkraflugvélin er í loftinu.  Værir þú fljótari að leita til læknis í Köben en í Reykjavík frá Keflavík?????  Hvernig færðu það út????  Sigurlaug það er ekki annað hægt að segja eftir að hafa lesið þvæluna frá þér en "GROW UP"!!!!!!!!!!!!!!!!!

[Benedikt V. Warén, 16.11.2010 kl. 08:47]

Jóhann.  Þú ert svo stórorður í garð þeirra sem ekki eru sammála þér, að ég undrast að nokkur skuli endast til að eiga við þið orðastað.  þeir fá "komment" frá þér að vera barnalegir, vera með þvælu, fjósamenn, þverhaus, ferkantaður og vanti rök fyrir bullinu.

Fyrir mína parta hefur umræðan verið málefnaleg hér á þessum þræði, helst þú sjálfur sem ert á mörkunum að vera málefnalegur, vegna upphrópana í garð gesta þinna. 

TAKTU ÞÉR TAK MAÐUR!!!!!!!!!

[Jóhann Elíasson, 16.11.2010 kl. 11:35]

Þú virðist ekki hafa lesið EIGIN athugasemdir, Benedikt það eru margir sem þurfa að taka sig á........................

[(IP-tala skráð) 16.11.2010 kl. 13:16]

Var ég eitthvað dónaleg við þig Jóhann? Aldrei þessu vant finnst mér einhver annar en ég þurfa að  vaxa upp úr sandkassanum. Það er EKKI hátæknisjúkrahús í Keflavík og mun ekki verða næstu áratugi og kemur því ekkert við hvort læknir er á staðnum eður ei, þau tæki og tól sem þurfti fyrir mitt barn finnast ekki nema á landspítala háskólasjúkrahúsi og það hefði ekki getað beðið í 40 mín í viðbót, svo það er alveg sama hvað maður les oft það sem þú ritar það verður ekkert gáfulegra við það og tæknin flyst ekki þarna suðureftir þó þú talir um það.   Fáfræði þín gagnvart veikindum er svo augljós við að lesa skrif þín að merkilegt er svona miðað við hvað þú sýnist gamall á myndinni, en mikil er gæfa þín þannig séð að vita ekki meira, það þýðir einfaldlega að þú hefur ekki þurft að upplifa neitt í þeim geiranum að ráði.

[Davíð (IP-tala skráð) 16.11.2010 kl. 16:15]

Sá eini sem hefur verið dónalegur, með stór orð og þarf að "taka sig á" er bloggarinn sjálfur.

Staðreyndin er nú samt sú að það hefur bjargað ansi mörgum mannslífum síðustu áratugi að geta flutt sjúklinga með annaðhvort þyrlum eða flugvélum beint til Reykjavíkur á sjúkrahús þegar mínútur geta skipt öllu um líf eða dauða, þar sem allt sem þarf er til staðar og það verður þannig áfram. Fyrir suma virðist það ekki skipta neinu máli sem hlýtur að teljast mjög sorglegt. Og til að vera raunsær að þá eru bara einfaldlega engir peningar til til að breyta því og gera á einhvern annan hátt.