"ANIMAL FARM" og fleira..............

Enn fleiri eru farnir að tjá sig um það hvers konar "skemmdaverkastarfsemi" þessi "ríkisstjórn" stundar á Íslensku efnahagslífi og tvískinnunginn í öllu sem er gert.  Fyrst var talað um allan þann dómsdagshrylling sem myndi dynja á þjóðinni ef Ices(L)ave-nauðungin yrði ekki samþykkt og svo þegar EKKERT af þessu rættist þá er reynt að láta líta út fyrir að með "aðgerðum" sínum hafi "ríkisstjórnarónefnunni" TEKIST að koma í veg fyrir að lánshæfismat landsins yrði lækkað.  Æ fleiri eru að gera sér það ljóst að það er orðið forgangsverkefni þjóðarinnar að losna við Heilaga Jóhönnu, Gunnarsstaða-Móra og allt þeirra lið úr stjórnarráðinu og fá hér UTANÞINGSSTJÓRN til að hreinsa til eftir þau og koma þjóðfélaginu í gang aftur........

Áðan leyfði ég mér þann munað að horfa á "Animal Farm".  Bókin var skyldulesning í enskutímum hjá Snorra Jóhannessyni (sem var einn af betri kennurum sem ég hef haft um ævina) í Reykholti veturinn 1974 - 1975, þegar við höfðum skilað verkefnum í tengslum við bókina fengum við að sjá myndina.  Því miður voru fæst af okkur orðin nægilega þroskuð þá til að skilja boðskap bókarinnar til fulls þá, því var það eiginlega eins og að sjá myndina alveg í nýju ljósi þegar ég svo rifjaði hana upp aftur.  Þarna sá Ísland og efnahagshrunið alveg í hnotskurn og hvernig (búsáhalda)byltingin át  börnin sín.

„Gleypir ekki við skrípaleik“