Eru þessar "truflanir" á ferðum Icelandair EINGÖNGU vegna aðgerða flugmanna?

Í ljósi frétt upp á síðkastið eru ekki allir sannfærðir um að svo sé.  Fær fólk að vita ALLAR hliðar þessarar deilu eða er áróðurinn kannski einhliða???????????

Fjórar flugferðir felldar niður

Athugasemdir

[Magnús Stefánsson (IP-tala skráð) 28.6.2011 kl. 11:58]

Það er ekki um verkfall að ræða. Flugmenn kjósa að eyða frídögum sínum með fjölskyldunni. Margir af þeim gera það vegna þess að þeir eru skikkaðir í "sumarfrí" í maí eða september. Skyldi engan undra.

[Sigurður Björnsson (IP-tala skráð) 28.6.2011 kl. 11:59]

Áróðurinn hefur verið mjög svo einhliða og ég hef grun um að afstaða flugmanna hafi verið að eyða ekki púðri í áróður, heldur samningaviðræður. Icelandair eiga Samtök ferðaþjónustunnar og Erna Hauksdóttir (eða hvað hún nú heitir sú ágæta kona) er ekkert annað en framlenging á málpípu Icelandair. Það er miður þegar samtök sem þessi láta þrönga sérhagsmuni ráðskast með sig á þennan hátt. Það minnkar óneitanlega álit manna á þeim.

Ég heyrði minnst á þá samlíkingu að þessar uppsagnir sem flugmenn verða að búa við væru líkar því ef kennarar fengju alltaf uppsagnarbréf síðla vetrar og yrðu settir á bætur yfir sumarið þegar enginn skóli væri. Eignarhald skóla og Icelandair er jú ekki svo ólíkt þegar öllu er á botninn hvolft, sveitarfélög (sem er fólkið) og lífeyrissjóðir (sem er jú líka fólkið í landinu). Það að henda alltaf stórum hluta flugmanna á atvinnuleysisbætur á hverju ári lýsir ekki mikilli samfélagslegri ábyrgð lífeyrissjóðanna sem eiga fyrirtækið...

[Jóhann Elíasson, 28.6.2011 kl. 12:31]

Ég er á því (vegna þess orðspors sem fer af Icelandair, þarna styðst ég ekki við sögusagnir heldur hef ég staðfestingar á framferði fyrirtækisins) að flugmenn séu hreinlega búnir að fá sig fullsadda af framferði félagsins í gegnum árin og nú sé bara fallinn dropinn sem fyllir mælinn.  Eins og þetta hefur verið lagt upp (formaður ferðaþjónustufyrirtækja er jú framkvæmdastjóri Flugfélags Íslands, sem er aðili að þessari deilu) og þessar aðgerðir eiga allt að því að ganga af ferðaþjónustunni dauðri.  Standi ferðaþjónustan og falli á þessu atriði get ég ekki séð að  hún sé hvort eð er á vetur setjandi og getur bara átt sig..................

[Bjössi (IP-tala skráð) 28.6.2011 kl. 14:41]

Algerlega óviðunandi ástan, mikið rétt, og icelandair er sökudólgurinn í þessu að stærstu leyti, sýnist manni, það er algerlega óásættanlegt að þetta fyrirtæki rústi svona ferðamanna vertýðini þetta árið, sjálfeiðingar hvöt. 

Þeir vissu mæta vel að þeir voru alvarlega undirmannaðir fyrir vertýðina!!  En ætluðust til að flugmenn myndu skera þá úr þeirri stöðu enn eina ferðina, með því að selja frítíma sinn, og skemma þannig fyrir allri fjölskylduni.  Nei, það verður seinnt sagt að Icelandair sé fjölskylduvænnt fyrirtæki.

Nú, Erna þessi Hauksdóttir vann áðurfyrr hjá "Flugleiðum" sálugu, og er sjálfsagt vel tengd hjá Icelandair í dag.  Svo er þessi massífi áróður, og beinlínis rangfærslur Icelandair fólks ljótur, en fjölmiðlarnir spila með, sérí lagi stöð2, fjölmiðla liðið hefur ekki lært mikið frá þeim tíma þegar það dásemaði gagnrýnislaust útrásarvíkingana, og íslenska fjármála undrið.  Helst að mogginn af öllum hafi haldið til haga báðum hliðum málsinns, td með frétt sinni af uppsögnum tuga flugmanna hjá Icelandair, einstaklega veltímasettri aðgerð af hálfu Icelandair.

Ég hef fulla samúð með þessum aðgerðum.  Væri nær að aðrir íslenskir launþegar tækju sér þetta til fyrirmyndar !!

Baráttukveðjur.

[Axel Jóhann Hallgrímsson, 28.6.2011 kl. 15:26]

Það læðist að mér sá grunur að Icelandair hafi af ráðnum hug gert meira úr áhrifum yfirvinnubanns flugmanna en efni standa til. Flugleiðir hafa viðurkennt, með uppsögnum flugmanna, að ekki er um verkfall að ræða. Því ég veit ekki betur en, að samkvæmt lögum, séu uppsagnir bannaðar í verkföllum.

Samtök ferðaiðnaðarins ættu að standa með flugmönnum og þrýsta á Flugleiðir og krefjast viðunandi lausnar, til að fá þetta deilumál út af borðinu í eitt skiptið fyrir öll. Í stað þess að grenja þeir í takt við blaðafulltrúa Flugleiða, aðeins til að lengja í snörunni. Verði deilan ekki leyst núna mun hún hanga yfir ferðaiðnaðinum þegar næsta sumar og svo áfram.

Það segir sig sjálft að svona aðgerðir eru ekki framkvæmdar nema þegar þær vega hvað þyngst.