MAÐUR SEM EKKI LÆTUR BJÓÐA SÉR OG ÞJÓÐINNI HVAÐ SEM ER!!!!!!!!

Fleiri mættu standa eins á sannfæringu sinni og Bensi gerir.  Það er hafinn flótti úr röðum stjórnarflokkanna.......

Segir sig úr Samfylkingunni

Athugasemdir

[Kristján B Kristinsson (IP-tala skráð) 27.11.2011 kl. 10:02]

Vel gefnar manneskjur fylgja ekki heilalausri hjörðinni endalaust það kemur að því að þeim er misboðið. ástæðurnar sem Benedikt gefur upp fyrir ákvörðun sinna vekja upp margar spurningar um það hvað það er sem stjórnar hjörðinni. 

[Sigurður M Grétarsson, 27.11.2011 kl. 10:04]

Það er nú flótti úr fleiri flokkum en stjórnarflokkunum og var meðal annar formaður Félags framsóknarkvenna að segja sig úr Framsóklnarflokknum og er ekki fyrsur þaðan út.

Hvað þennan Benedikt varðar þá sleppir hann því rétt eins og aðrir sem vilja lækka lánin að nefna það hvernig hann telur unnt að fjármagna þá "leiðréttingu". Þetta kostar um 200 milljarða og mun að mestu eða öllu leyti lenda á skattgreiðendum verði þessi leið farinn.

[Ásthildur Cesil Þórðardóttir, 27.11.2011 kl. 10:08]

Sem betur fer eru margir til sem sjá alla vitleysuna í þessu trénaða flokkakerfi og vilja ný og betri stjórnmál.  Því fleiri því betra.  Fyrr getur almennileg hreinsun ekki farið fram.  

[Anna Sigríður Guðmundsdóttir, 27.11.2011 kl. 11:14]

Sigurður. Það á að veiða vanveiddan fiskinn upp í kostnaðinn sem þú talar um. Þar með sparast atvinnuleysis og örorkubætur, sem eru himinháar upphæðir á hverju ári.

Það er eins og stór hluti Íslendinga vilji ekki skilja þessa augljósu leið til að skapa atvinnu og lífsafkomu? Hvernig skyldi standa á því? Er Ísland ekki svo gífurlega "menntuð" þjóð? Sem kann svo ekki einu sinni að bjarga sér á einfaldasta og ódýrasta háttinn, þegar neyðin er stærst?

Það er eitthvað meir en lítið bogið við "menntun" þessarar þjóðar, svo mikið er víst! Siðmenntun er óþekkt grein í skólakerfi Íslands!

M.b.kv.

[Jóhann Elíasson, 27.11.2011 kl. 11:18]

Sigurður M Grétarsson, tileyrir þessari heilalausu hjörð og það virðist því miður ekki vera nokkur möguleiki til þess að hnn "vilji eða geti" hugsað sjálfstætt.  Bensi hefur marg oft bent á leiðir út úr þessum vanda, þó hann geri það ekki í þessu bréfi enda veit hann sem er að það er ekki farið eftir einu eða neinu sem kemur frá öðrum en stjórnvöldum.

[Ásthildur Cesil Þórðardóttir, 27.11.2011 kl. 14:02]

Þeir eru nokkrir tréhestarnir hér sem eru í vörn fyrir Samfylkinguna, og mótmæli þeirra verða aumkvunarverðari með hverjum deginum sem líður, og því ljósari sem gerræði SF verður.

[Sigurður M Grétarsson, 27.11.2011 kl. 18:17]

Jóhann og Ásthlidur. Það bætir engu við málefnanlega umræðu að vera með skítkast og persónuníð eins og "heilalaus hjörð" eða "tréhestar" eins og þið eruð með. Það er einungis rökþrota fólk sem gerir slíkt og það án þess að hreyfa við rökum þess sem verið er með níðskrif gegn eins og þið gerið hér. Þið ráðist á manninn en ekki boltann og slíkt hefur alltaf þótt lítilmótlegt og segir meira um þann sem lætur slíka lágkúru frá sér en þann sem henni er beint að.

Hvernig væri að þið kæmuð með rök á móti því sem ég er að segja í stað þeirrar lágkúru sem þið skrifið hér í formi skítkasts og persónuníðs. Þá gætum við að minnsta kosti rökrætt um málið.

Bara ykkur að segja þá gagnrýni ég oft Samfylkinguna og hennar stjórnarhætti bæði á blogginu og á fundum í Samfylkingunni. Þær skoðanir sem ég skrifa á blogginu eru mínar skoðanir og þær fara ekki í öllum tilfellum saman við skoðanir Samfylkingarinnar þó vissulega sé ég sammála Samfylkingunni í meginmálum eins og í afstöðunni til ESB og varðandi fiskveiðistjórnunarkerfið. Ástæða þess að ég er í Samfylkingnni er að hennar stefna kemur næst mínum skoðunum af öllum stjórnmálaflokkum en ég móta ekki skoðanir mínar eftir stefnu Samfylkingarinnar.

Anna Sigríður. Það er engin vanveiddur fiskur á Íslandsmiðum. Við veiðum alla okkar fiskistofna í topðpi veiðiþols þeirra og höfum löngum jafnvel farið yufir það. Þaðan er því enga peninga að hafa nema til skamms tíma því það mun fljótt bitna á okkur með hruni fiskistofna ef við aukum veiðar.

[Valgarð (IP-tala skráð) 27.11.2011 kl. 19:40]

Kæri Sigurður M

 Þú spyrð að því hvernig eigi að fjármagna fjármagna leiðréttingu á verðtryggðum lánum og segir að skattgreiðendur eigi að fjármagna það . Mér ljúft að svara spurningu þinni og upplýsa þig um þetta .

Lánastofnanir sem hafa verið að veita þessi verðtryggðu lán hafa verið undanfarin ár að leysa til sín mikið af iðnaðar og íbúðarhúsnæði landsmanna vegna þess að lántakendur hafa komist í greiðsluþrot . Þegar lántakandi greiðir ekki af láninu þá kemur ekkert í kassann hjá lánveitandanum , en þá eru tvær leiðir sem koma til greina hjá lánveitanda . Að lánastofnun leysi eignina til sín og selji hana síðan aftur þegar sá möguleiki verður fyrir hendi , og væntanlega gera lánþegan gjaldþrota . Hin leiðin er sú að gera sér grein fyrir hvert er raunverulegt gjaldþol lánþegans og afskrifa lánið til samræmis við það . Getur þú rökstutt það hvers vegna afskriftir ættu að greiðast af þriðja aðila sem eru skattgreiðendur og hvor leiðin er hagkvæmari fyrir þjóðarbúið ?

kv  valgarð

[Jóhann Elíasson, 27.11.2011 kl. 20:48]

Sigurður M Grétarsson, ekki hef ég rekist á að þú gagnrýnir gjörðir Landráðafylkingarinnar, enda hef ég ekkert sérstaklega verið að eltast við skrif þín og þess vegna getur vel verið að þessi skrif þín hafi farið framhjá mér.  En ég hef tekið eftir því sem þú hefur skrifað í athugasemdir hér hjá mér og aldrei hef ég orðið var við annað en að þú hafir varið gjörðir þessarar ríkisstjórnar, sama versu fáránlegar þær hafa verið og ekki hafa allar þínar varnir verið mjög gáfulegar svo ekki sé nú fastar að orði kveðið.  Að saka aðra um persónuníð og skítkast lýsir þér kannski einna best og þeim rökþrotum sem þú ert kominn í með málflutningi þínum........

[Sigurður M Grétarsson, 27.11.2011 kl. 22:40]

Jóhann. Ef þú áttar þig ekki á því að það að tala um einhvern sem hluta af "heilalausri hjörð" er skítkast og persónuníð þá átt þú bágt. Þú átt líka bágt ef þú áttar þig ekki á því hversu rækilega það er út úr korti að tala um menn sem "landráðamenn" eða um stjórnmálflokk sem "landráðaflokk" fyrir það eitt að vara ósammála þér um kosti þess og galla að ganga í ESB. Þetta kann að virka saklaust orðalag til að leggja áherslu á orð sín en menn verða að átta sig á því að það er til ruglað fólk úti í samfélaginu sem tekur svona alvarlega. Gleggsta dæmið um httur af svona skrifum er fjöldamorðinginn úr Útey. Hann var verulega veruleikafyrrtur og tók skrif ýmissa rasista alvarlega og trúir því virkilega að Evrópu stafi þvílík ógn af Múslimum að það hafi verið nauðsynlegt að fremja fjöldamorð til að vekja athygli á því.

Ég geri mér fyllilega grein fyrir því að það þarf alvarlega kexruglaðan einstakling til að virkilega trúað því að í því felist landráð að vilja að Ísland gangi í ESB. Það getur hins vegar verið svo alvarlega ruglað fólk úti í þjóðfélaginu sem virkilega trúir því að þetta séu eðlileg og afnvel verskulduð ummæli og að þetta sé httulegt fólk sem þarf að taka á og stoppa. Slíkt fólk gæti átt það til að grípa til örþrifaráða til að stoppa þettá fólk sem það telur svona hættulegt.

[Sigurður M Grétarsson, 27.11.2011 kl. 22:45]

Valgarð. Ég geri mér fyllilega grein fyrir því að það að gefa eftir tapaðar skuldir hjá bönkunum lendir ekki á skattgreiðendum enda hafa bankarnir fengið afskriftir af lánasöfnum sínum til að mæta því. Þeir hafa hins vegar ekki fengið neinar afskriftir til að mæta lækkun innheimtanlegra skulda. Lækkun þeirra mun því lenda á skattgreiðensum að mestu eða öllu leyti. Um 80% heimila eru með sín lán í skilum.

Hvað Íbúðalánasjóð varðar þá lenda líka afskriftir tapaðra skulda á ríkissjóð en það mun gerat hvort eð er enda um tapaðar skuldir að ræða. Það er verið að taka á vanda þeirra sem ekki geta staðið undir sínum skuldum bæði með 110% leiðinni og með greiðsluaðlögunarleiðinni. Ég var ekki að tala um það enda búið að setja lög um það.

Ég hélt að þetta væri ljóst en fyrir þá sem átta sig ekki á þessu þá segi ég þetta skýrar.

Stjórnvaldsákvörðun um lækkun innheimtanlegra skulda mun leiða til þess að kostnaðurinn við þær lækkanur mun lenda á skattgreiðensum að mestu eða öllu leyti.

[Jóhann Elíasson, 28.11.2011 kl. 00:32]

Upphaflega voru orðin "heilalaus hjörð" ekki mín og kannski ættir þú að lesa athugasemdirnar aðeins betur áður en þú ferð að vera með einhverja sleggjudóma.  Og af því sem þú skrifar verður ekki annað ráðið en að það sért þú sem átt verulega bágt, Sigurður.  Ég stend fullkomlega við að kalla Samfylkinguna LANDRÁÐAFYLKINGUNA, ekki eingöngu hefur hún sýnt þá takta í ESB-málinu heldur einnig í Ices(L)ave.  Það sýnir hversu öfgafullur ÞÚ ert að kalla okkur, sem ekki erum á sömu skoðun og þú, kexruglaða og líkir okkur jafnvel við fjöldamorðingjann í Útey...........

[Valgarð (IP-tala skráð) 28.11.2011 kl. 02:19]

Kæri Sigurður M

Þú segir að nýju bankarnir hafi hins vegar ekki fengið neinar afskriftir til að mæta lækkun "innheimtanlegra skulda" . Þetta er ekki rétt hjá þér , það var veittur töluverður afsláttur þegar lánin voru færð á milli nýju og gömlu bankanna sem átti að mæta innheimtanlegum skuldum þar sem vitað var að þær væru ekki innheimtanlegar á nafnvirði ,og það kemur skattgreiðendum ekkert við .Mér þætti betra ef þú kynntir þér þetta betur áður en þú ferð með svona rangfærslur .

Ekki veit ég hvað þú ert að tala um þegar þú talar um "tapaðar skuldir" en íbúðalánasjóður þyrfti að framkvæma afskriftir hjá sér líka þar sem stór hluti lána þar eru ekki í skilum þar sem gjaldþol skuldara er allt annað en upp var lagt með fyrir fjálmálakreppu og íslenska verðbólgu . Mér dettur í hug að þú gerir þér ekki grein fyrir því að þegar þú sem skuldari greiðir ekki af húsnæðisláni þínu vegna forsendubrests þá myndast ekki skuld hjá skattgreiðendum til viðkomandi lánastofnunar.

Hvað varðar síðasta innlegg þitt í svari þínu sem hljóðar eftirfarandi : "Stjórnvaldsákvörðun um lækkun innheimtanlegra skulda" það hefur engin slík ákvörðun komið fram hvað varðar verðtryggð lán hjá íbúðalánasjóði enn og það er vandamálið , kostnaður við afskriftir þar er lítilvægur þar sem það kæmi til baka í formi hagvaxtar hækkandi tekna ríkisins lækkandi kostnaðar við félagslega kerfið í formi félagslegrar húsnæðisþarfar og atvinnuleisisbóta sem og annara hluta .

Ég vænti þess að þú kynnir þér þetta betur áður en þú svarar mér aftur og gerir það á innihaldsríkari hátt en áður .

[Sigurður Haraldsson, 28.11.2011 kl. 02:20]

Benedikt er flottur og maður að meiri eftir þetta útspil.

[Ásthildur Cesil Þórðardóttir, 28.11.2011 kl. 09:47]

Ég lagði til orðið tréhestur og það getur verið að það kallist skítkast, sennilega, en þegar maður upplifir fólk sem er ennþá að berja hausnum við steininn í því að troðast inn í ESB sem er á fallanda fæti, lítur út fyrir það eins og er, og vill ekki einu sinni bíða einu til að sjá hvað gerist, þá heitir þá á minni íslensku tréhestar.  Þ.e. enginn hugsun eða heilastarfssemi.  Bara innprentun og skorið í stein óumbreytanlegt það sem foringjarnir segja.

[Sigurður M Grétarsson, 28.11.2011 kl. 23:40]

Jóhann. Þú ert allavega sá fyrsti sem notar orðið "heilalaus hjörð" í þessum athugasemdadálki.

Ef þú lest það út úr athugasemd minni að ég sé að kalla einhvern "kexruglaðan" fyrir að vera ósammála mér þá þarft þú að lesa hana betur. Ég sagði einfaldlega að það þurfi virkilega kexruglaðan mann til að trúa því í alvöru að það geti flokkast undir "landráð" að vilja skoða hvað okkur býðst varðandi inngöngu í ESB. Að minnsta kosti ber það vott um verulegar og alvarlegar ranghugmyndir um ESB að halda að slíkt orðalag eigi við í því máli. Það sama á við um að trúa því í alvöru að það hafi falist landráð í því að vilja frekar semja um Icesave málið í stað þess að taka áhttu fyrir dómstólum. Nú fer þáð mál fyrir dómstóla og það á eftir að koma í ljós hvort það að hafan samningi á eftir að kosta okkur meira eða minna en það hefði kostað að semja. Það er engan vegin ljóst hvernig það fer. Það er því út í hött að kalla það "landráð" að hafa ekki viljað taka áhættuna.

Hvað varðar fjöldamorðin í Útey þá eru þau einmitt afleiðing af því að nota ítrekað ljót en óverðskulduð orð um þá sem vilja hafa land sitt opnara og vilja ekki mismuna innflytjendum eftir trúarskoðunum. Morðinginn fór smátt og smátt að trúa því eð þetta væri stórhættulegt fyrir þjóð sína of fór því að líta á þá sem voru með aðra skoðun en hann og þeir sem hann las greinar eftir sem stórhttulegt fólk sem þyrfti að stoppa með öllum ráðum. Það sama getur gerst ef menn halda áfram að nota ljót en óverðskulduð orð eins og "landráðamaður" í umrðunni um kosti og galla ESB aðildar. Fyrir utan það að það er ólöglegt að kalla menn "landaráðamenn" að ósekjur ein og margir eru að gera í rökrðum um ESB.

[Sigurður M Grétarsson, 28.11.2011 kl. 23:48]

Valgarð. Mér sýnist þú ekki alveg vera að skilja málið. Ríkið hefur nú þegar þurft að leggja Íbúðalánasjóði til 33 milljarða vegna lána sem ekki hefur reynst unnt að innheimta. Ef farið verður líka út í að gefa afslátt af innheimtanlegum lánum þarf ríkssjóður að leggja honum til enn meira fé.

Hvað varðar bankana þá hafan þeir því algerlega að gefa eftir innheimtanlegar skuldir. Ef ríkissjóður neyður þá til þess með lagasetningu þá munu þeir fara í mál við ríkissjóð á grunvelli eignarréttarákvæðis stjórnarskrárinnar og munu að öllum líkindum vinna það mál. Þá mun ríkissjóður verða dæmdur til að endurgreiða þeim tapið af afsætti á innheimtanlegum skuldum og jafnvel líka óinnheimtanlegum skuldum sem ekki er hægt að sanna að hafi verið óinnheimtanlegar.

Ef hins vegar Hæstiréttur tekur undir rökin um forsendubrest og dæmir þessar lækkanir þar með löglegar þá þarf ríkissjóður ekki að greiða skaðabætur. Hins vegar mun það leiða til þess að eigið fé bankanna mun lækka verulega og jafnvel hverfa alveg. Þar með hefur ríkissjóður tapað að mestu eða öllu leyti því fé sem hann lagði í eiginfjárframlag til bankanna. Ekki nóg með það þá þarf að leggja þeim til meira eigni fé svo þeir nái að hafa lágmarks eigin fé samkvæmt lögum enda slíkt nauðsynlegt til að þeir njóti trausts. Við slíkar aðstæður er ljóst að það er engum öðrum til að dreifa að leggja fram þetta aukna eigin fé en ríkissjóði.

Það er því sama hvernig þessi mál þróast þá mun afsláttur af innheimtanlegum skuldum alltaf lenda á skattgreiðendum með einum eða öðrum hætti.

[Sigurður M Grétarsson, 28.11.2011 kl. 23:51]

Áshilgur. Vissulega á ESB í vanda núna en það er fátt sem bendir til annars en að þetta sé tímabundið vandamál sem líður hjá. Það er því fátt sem bendir til þess að neitt sé hæft í því að ESB sé á "fallanda fæti".

Hvað sem öðru líður þá mun það verða komið í ljós þegar kemur að því eftir einhver ár að við þurfum að taka afstöðu til aðildar að ESB hvernig samtökin ná að spila úr núverandi ástandi. Þar af leiðand gefa þessir tímabundnu erfiðleikar ESB ekkert tilefni til þess að slíta aðildarviðrðum.

Orðið "tréhestar" getur því vart talist til annars en skítkasts í þessu samhengi.

[Ásthildur Cesil Þórðardóttir, 29.11.2011 kl. 00:11]

Þú ert væntanlega að kvótera í Össur, ég get sagt þér að hér í Austurríki eru menn alvarlega að spá í að taka upp sína gömlu mynt aftur, þeir fylgjast grannt með, ásamt fleiri löndum hér í kring.  Þó Össur reyni að telja upp ESB og evruna, þá er það bara þannig að lífdagar hennar eru sennilega á enda.  Þegar Þýskaland vill ekki prenta meiri peniing og ætlar að loka veskinu, þá er fokið í flest skjól. Ungverjar komnir í ruslflokk,   Bretar eru að leita að heppilegri úkgöngu þó þeir hafi ekki tekið upp evruna, og alltaf bætast fleiri lönd í hítina sem þurfa á aðstoð að halda, nú virðist vera búið að loka á meiri björgunaraðgerðir af hendi þjóðverja, þeir segjast þurfa að greiða sína eigin skuldir og hvað þá?  Reynið að opna augun og a.m.k. lesa það´sem skrifað er um í útlöndum, en ekki bara trúa öllu sem Össur segir.

[Jóhann Elíasson, 29.11.2011 kl. 09:51]

Lestu athugasemdirnar Sigurður M, en eftir skrif þín er mér stórlega til efs að þú getir lesið almennilega með annað sem þú skrifar er svo arfaruglað að ég nenni ekki að svara því.

[thin (IP-tala skráð) 29.11.2011 kl. 16:08]

Þetta er svona týpísk umræða um hver getur verið með svívirðustu orðin. Pistillinn í upphafi er ekki lengur umræðan.

[Jóhann Elíasson, 29.11.2011 kl. 19:58]

Loksins erum við alveg sammála thin..........................