"Í SKÁPNUM"..................

Það er nú meira gímaldið þssi "SKÁPUR" það er fullt af fólki sem er að koma út úr þessum "skáp" og svo er meira að segja verið að rækta kannabis í honum.  Það má nú bara vera nokkuð stór íbúð sem þessi "skápur" kemst fyrir í........................................

Kannabisræktun í fataskáp

Athugasemdir

[Ingibjörg Guðrún Magnúsdóttir, 17.1.2012 kl. 08:59]

Jæja segðu...

[Guðmundur Ásgeirsson, 17.1.2012 kl. 10:50]

Komið hefur í ljós að þetta er ekki bara skaðlaust, heldur beinlínis styrkir lungun.

Og eykur nýmyndum heilafruma, sem hamlar gegn hrörnunarsjúkdómum.

Framleiðslugæði á íslensku kannabis eru jafnframt sögð með þeim bestu í heimi.

Það er bara tímaspursmál hvenær þetta fær að koma út úr skápnum eins og annað sem hefur legið undir fordómum.

[Ásthildur Cesil Þórðardóttir, 17.1.2012 kl. 12:53]

Já Guðmundur, ég er hissa á hve mikil áhersla er lögð á að uppræta íslenska heimaræktun á kannabisi, miðað við áherslur á glæpi í samfélaginu.  Þarna er misræmi sem þarf að laga. 

[Guðmundur Ásgeirsson, 18.1.2012 kl. 03:56]

Ég hef aldrei. ALDREI frétt af því að maður undir áhrifum kannabisefna hafi framið hroðalegt ofbeldisverk í æðiskasti. Hasshausar eru nógu rólegir til að nenna ekki að standa í svoleiðis. Í hverri viku fréttist hinsvegar af fólki sem fer sér og öðrum að stórfelldum voða vegna ölæðis eða neyslu á einhverju sterkara en kaffi.

Í allri sögu læknisfræðinnar er ekkert. EKKI EITT EINASTA tilvik um dauðsfall af völdum kannabisneyslu. Reyndar er ofskammtur af því hreinlega óþekkt fyrirbæri. Í heila allra spendýra eru boðefnamóttakar fyrir kannabínóða. Eftir að það var bannað hefur krabbameinum snarfjölgað, en margir telja einmitt að krabbamein sé í raun skortsjúkdómur, alveg eins og einhver sem fær ekki nóg af vítamínum verður undantekningalaust veikur. Þetta svínvirkar líka við einhverfu, gláku, lystarstoli.

Úr trefjunum sem verða afgangs sem stönglar og lauf þegar búið er að skera af blómstrið sem er eftirsóknarverðast, er hægt að framleiða heilmikið af nytjavöru sem er í mörgum tilvikum ódýrari, léttari, slitsterkari, eða allt þetta, heldur en samkeppnisvörur úr ónáttúrulegum gerviefnum. T.d. föt, reipi, eldsneyti, bíla, báta, o.s.frv. Sem útskýrir kannski hvers vegna bómullarbændur og efnaverksmiðjur voru meðal stærstu fylgismanna bannsins við ekki bara neyslu vímuefnisins, heldur allri nýtingu á hverjum og einum hluta plöntunnar, stönglum, laufum, fræum, blómstri, og jafnvel rótum. Ef þið efist eitt augnablik um þessa kenningu skulið þið velta því smá stund fyrir ykkur hvort stórfyrirtæki fyrir hundrað árum síðan hafi verið eitthvað öðruvísi en fyrirtæki nútímans sem byrla okkur iðnarsalt og sílikon til að öðlast samkeppnisforskot.

Og já, ég gleymdi lyfjaframleiðendunum. Sem geta ekki með nokkru móti fengið einkaleyfi á náttúrulegri plöntu, og þykjast þess vegna aldrei hafa fundið leið til þess að nýta hana (og selja) í lyfjafræðilegum tilgangi. Hið sanna er að efnisins hefur verið neytt frá upphafi mannkynssögunnar, bann fyrir hundrað árum breytti engu um það.

Ég hef kynnt mér staðreyndir um þetta frá öllum hliðum, og skil einfaldlega ekki hvers vegna er ennþá verið að viðhalda þessu heimskulega banni. Ég hef séð fullt af fólki skemma sig á allskonar efnum, borgarstjóri Reykjavíkur sniffaði til dæmis módellím sem er leyft að selja í leikfangaverslunum þegar hann var krakki. Bann við tilteknum vímuefnum hefur aldrei sýnst hafa nein áhrif á vilja svona fólks og útsjónarsemi við að finna leiðir til að eyðileggja sjálft sig á annað borð.

Getur verið að viljann til að hætta þessu skorti vegna þess að gríðarlegur fjöldi fólks hefur beina atvinnu af því að þetta efni skuli vera bannað? Lögreglan, tollgæslan, lögmenn, dómarar, fangaverðir, forvarnarfulltrúar og allskonar lið sem er allt beint eða óbeint á launum hjá ÞÉR í gegnum skattkerfið! Á sama tíma hefur ríkið enga möguleika á að skattleggja þessi viðskipti. Ætti þetta fólk ekki að vera að hjálpa öðru fólki sem líður svo illa að því finnst ekkert að því að eyðileggja sig, í stað þess að hamast við að gera stóran hluta starfhæfra þjóðfélagsþegna að glæpamönnum og hrekja þá þannig út á jaðar samfélagsins? Sameina í stað þess að sundra?

[Ásthildur Cesil Þórðardóttir, 18.1.2012 kl. 11:58]

Þetta er eitt af því sem þarf að skoða vel, held að þarna sé verið að búa til glæpamenn og auka á vandræði fólks.