ÆTTI EKKI AÐ KOMA MIKIÐ Á ÓVART.............

Framsóknarflokkurinn nýtur þess að í ICES(L)AVE deilunni var formaður hans sá eini sem stóð í lappirnar í þeirri deilu.  Menn gátu ekki átt von á því að formaðurinn hefði skipt um skoðun í hvert skipti sem hann færi í sjónvarpsviðtal.  Eftir að flokkurinn fór að fara á flug í skoðanakönnunum hafa hinir flokkarnir, sem eiga fulltrúa á þingi, reynt að gera lítið úr tillögum flokksins og segja að stór hluti loforðanna sé ekki framkvæmanlegur.  Þessari  gagnrýni hafa Framsóknarmenn vísað til föðurhúsanna enda verður ekki betur séð en að þeir hafi rökstutt tillögur sínar nokkuð vel og af sannfæringu.  Það má kannski minna á að ekki varð nú neitt gríðarlega mikið um að núverandi stjórnarflokkar efndu kosningaloforð sín þótt allt ætti nú að vera framkvæmanlegt þar á bæ.  Ekki fer neitt á milli mála hvaðan fylgisaukning Framsóknarflokksins kemur en munurinn liggur fyrst og fremst í staðfestu formanns Framsóknarflokksins og trúverðugleika..................

Framsókn með 32% fylgi

Athugasemdir

[Vilhjálmur Stefánsson, 15.3.2013 kl. 21:09]

Blessaður Bjarni Ben,því miður er hann meinsemdin í Sjálfstæðisflokknum og ekki mun hann viðurkenna það.......

[Kristján B Kristinsson (IP-tala skráð) 15.3.2013 kl. 23:12]

það má ekki heldur gleyma hlut Benedikts Jóhannessonar og fleiri í háværa örminnihlutanum í Sjálfstæðisflokknum sem vill í ESB og getur ekki sætt sig við meirihlutasamþykkt síðasta landsfundar það hefði verið betra fyrir flokkinn að láta sverfa til stáls gegn þeim fyrr eins og Framsókn gerði við sína ESB trójuhesta fyrir um það bil 2 árum þegar Hallur Magnússon og fleiri sögðu sig úr Framsóknarflokknum og létu á því bera en sorry fyrir þá Flokkurinn er miklu sterkari án þeirra.

[Vilhjálmur Stefánsson, 15.3.2013 kl. 23:30]

það er ekki útlit til þess að Sjálfstæðisflokkurinn komist til valda eftir næstu kosningar, allavega ekki með þessari forustusveit.

[Jóhann Elíasson, 16.3.2013 kl. 14:03]

Það að Framsóknarflokkurinn "losnaði" við yfirlýsta INNLIMUNARSINNA eins og Guðmund Steingrímsson, Hall Magnússon, Gísla Tryggvason og fleiri og svo kemur Siv Friðleifsdóttir til með að hverfa af sjónarsviðinu, er að sjálfsögðu mikil gæfa fyrir flokkinn.  En það má ekki gleyma því að formaðurinn hefur staðið sína vakt mjög vel.....