HVER ER ÁSTÆÐAN FYRIR ÞVÍ AÐ MÖNNUM ER UMHUGAÐ AÐ FLYTJA GLÆPAMENN TIL LANDSINS????

Ekki get ég með nokkru móti skilið það að menn séu áfjáðir í að veita þessum Snowden hæli hér á landi og meira að segja hvetja til LÖGBROTA í leiðinni.  Það er alveg á hreinu að maðurinn þarf að VERA STADDUR hér á landi til þess að geta sótt um hæli.  Fólk skal ekki gleyma því að hann gerðist sekur um njósnir (þó einhverjir reyni að fegra þann gjörning og kalli þetta að "leka upplýsingum").

Ástþór vill Snowden til Íslands

Athugasemdir

[Óskar Helgi Helgason (IP-tala skráð) 3.7.2013 kl. 13:39]

Heill og sæll Jóhann Stýrimaður; æfinlega !

Þegar; á daginn er komið, að Ísland á sér ótölulegan fjölda, raunverulegra GLÆPAMANNA, eins og ótal skýrslur vottfesta - sú nýjasta gærdegis, mætti ætla, að sómamaðurinn Eðvarð Snjóugi (Snowden) mætti velkominn kallast, hinagð til lands, ekki síður en til annarra grunda, Jóhann minn.

''Glæpur'' Eðvarðs; virðist felast í því, að hann; af einurð og órofa tryggð við réttlætið, VOGAR sér, að fletta ofan af hryðjuverkum BUSH/Obama - ESB samsteypunnar, með ágætum einum.

Eigum við ekki; að vera sjálfum okkur samkvæmir, í þessu máli, sem öllum öðrum Jóhann síðuhafi ?

Gott væri; að ýta á flot, einhverjum Hundruðum tunnupramma, með ónýtu stjórnmála- og braskara hyski hérlendu, eitthvert út á Atlantshafið Jóhann minn - og bjóða fremur Eðvarði landvistina, í þeirra stað.

Svona; í alvöru talað, fornvinur góður.

Með beztu kveðjum; sem jafnan, úr Árnesþingi /

[Jóhann Elíasson, 3.7.2013 kl. 14:21]

Að hann hafi "flett ofan af" gjörðum, er satt en við það beitti hann ólöglegum aðferðum í því liggur glæpurinn.  Og hann gerði þetta ekki af neinni hugsjón eini hvatinn var PENINGAR því hann seldi þessi gögn sem hann kom ólöglega yfir fyrir háar fjárhæðir.  Allt þetta gerir manninn að óalandi og óferjandi glæpamanni, sem engin sómakær þjóð ætti að skjóta skjólshúsi yfir.

[Óskar Helgi Helgason (IP-tala skráð) 3.7.2013 kl. 14:27]

Heill á ný; Jóhann minn !

Eðvarð Snjóugi; er 1000 falt geðugri; en íslenzku stjórnmála ógeðin, fornvinur góður !!!

Auk þess; vildi ég fremur, Rauðu Khmerana hingað (af öllum) - eða dreggjar þeirra, heldur en að þurfa að burðast með óféti alþingis / og annarra RUSL fyrirbæra fyrir augliti mínu, það; sem ég á eftir að tóra hér, Jóhann minn.

Alls ekki; illa meint, ágæti drengur.

Með; ekki síðri kveðjum, sem fyrr /

[Austmann,félagasamtök, 3.7.2013 kl. 15:35]

"Það er alveg á hreinu að maðurinn þarf að VERA STADDUR hér á landi til þess að geta sótt um hæli. "

Ekki var Bobby Fischer staddur á landinu þegar hann fékk ekki bara hæli á Íslandi, heldur ríkisborgararétt í snarhasti, þótt hann hefði brotið alþjóðalög.

"Og hann gerði þetta ekki af neinni hugsjón eini hvatinn var PENINGAR"

Allt sem Fischer gerði var bara fyrir peninga, bara fyrir sjálfan sig.

Ég veit, að það var hinn heimsfrægi íslenzki hégómleiki og athyglissýki sem greiddi götu Fischers, en ef þú skrifar um að allir verði að sitja við sama borð, þá var Fischer víst jafnari en aðrir, settur yfir lög og reglur.

Mín persónulega skoðun er að það beri að veita bæði Snowden og Assange hæli hér á landi fyrir að hafa ljóstrað upp um ÓLÖGLEGT athæfi Bandaríkjamanna. Það er furðulegt hvernig Bandaríkjamenn geta ráðskazt með allt og alla.

[Hjörtur Herbertsson, 3.7.2013 kl. 16:39]

Er það ekki deginum ljósara að maðurinn sá að Bandaríkin voru að fremja glæp, með því að njósna um önnur ríki, og borgara þeirra, meir að segja hér á landi, því ákvað hann að upplýsa það. Hvor skyldi nú þá vera meiri glæpamaður?

[Einar (IP-tala skráð) 3.7.2013 kl. 16:46]

Hver segir að hann hafi þegið fé?

[Jóhann Elíasson, 3.7.2013 kl. 17:11]

Að bera saman mál Fischers og þessa glæpamanns er eins og að bera saman appelsínu og vínber.  Fyrir það fyrsta, þá var Fischer með gilt vegabréf og hann sótti ekki um ríkisborgararétt fyrr en hann VAR KOMINN TIL LANDSINS svo þessi samanburður er algjörlega út í hött hjá þér.  Mín persónulega skoðun er sú að Snowden kom upplýsingum á framfæri sem hann komst yfir með ólöglegum hætti og þar með sé hann ekkert annað en ótýndur glæpamaður, sem enginn ætti að koma nálægt.

[Austmann,félagasamtök, 3.7.2013 kl. 19:08]

Mér finnst þvert á móti að það séu BANDARÍSK YFIRVÖLD sem séu GLÆPAMENNIRNIR og allar uppljóstranir um LÖGBROT þeirra séu af hinu góða. Ég vil jafnvel ganga enn lengra og leggja til að Manning, Assange og Snowden verði HEIÐRAÐIR fyrir vinnu sína Í ÞÁGU MANNKYNSINS.

En þetta er ekki í fyrsta skipti sem Bandaríkjastjórn BRÝTUR ALÞJÓÐAREGLUR með njósnum. A tíunda áratugnum komst upp um víðfemt AMERÍSKT IÐNNJÓSNANET, kallað Echelon, sem bandaríska viðskiptaráðuneytið hafði sett upp í ýmsum löndum í Evrópu. Þær ríkisstjórnir, sem voru handgengnir USA (t.d. Danir) þóttust ekkert vita, en aðrar evrópskar ríkisstjórnir kærðu þetta ÓLÖGLEGA athæfi.

[Jóhann Elíasson, 3.7.2013 kl. 20:22]

Ertu að leggja það til að þeir sem brjóti lögin verði heiðraðir????  Ég hef aldrei vitað jafn vitlausa tillögu..  Hvernig heiðursmerki villtu að Annþór Karlson og Börkur Birgisson fái?????

[Óskar Helgi Helgason (IP-tala skráð) 3.7.2013 kl. 20:45]

Komið þið sælir; á ný !

Jóhann Stýrimaður !

Ekki; ert þú svo skyni skroppinn fornvinur góður, að geta ekki séð í hendi þér, að svokölluð lög (mannasetningar; misviturra / ekki Guðannna heilagi boðskapur, vel að merkja), má brjóta á bak aftur, hverju sinni, séu þau, að beztu manna yfirsýn, til tjóns eins - og vanza ?

Með; sízt lakari kveðjum - en öðrum, og áður /

[Austmann,félagasamtök, 4.7.2013 kl. 00:07]

Mér finnst að það eigi að heiðra uppljóstrara (whistle blowers) þegar uppljóstrunin er gerð gegn valdi sem virðir engin mannréttindi.

Það sem þú ert að segja, Jóhann, er í rauninni það sama og að segja að á stríðsárunum hafi verið réttlætanlegt að dæma þá Þjóðverja sem vildu afhjúpa útrýmingarbúðirnar í vinnuþrælkun eða til dauða. Því að þeir voru að brjóta lög Þriðja ríkisins. Ríkisleyndarmál. Þeir sem kjöftuðu frá voru glæpamenn.

[Jóhann Elíasson, 4.7.2013 kl. 04:59]

Þú ert duglegur við að snúa hlutunum á haus.  Að bera saman það sem gerist á stríðstímum og þeim tímum sem við lifum á núna ber ekki vott um mikla eða sterka hugsun.  Ekki ætla ég að finna þennan  samanburð fyrir þig enda get ég ekki séð annað en að þú sért með öllu orðinn rökþrota og þegar svo er er það háttur rökþrota manna að fara út í að bulla einhverja þvælu eins og þú gerir núna í þeirri veiku von að geta varið gjörðir þessa glæpamanns............

[Ólafur Björn Ólafsson, 4.7.2013 kl. 09:18]

Sést hér að landar mínir fara mikinn á síðum netheima til að fá yfirvöld til að safna hingað öllum helstu glæpamönnum heimsins.

Sjálfur er ég á þeirri skoðun að betra er að hugsa aðeins áður en fleirum er hleypt inn.

Það er líka spurning um hvernig menn brjóta lög eins og hefur sést hér á landi í mörg ár, samanber bankamenn og aðra hrunverja. Það að þjóðin vill skjóta skjólshúsi yfir afdankaða njósnara sýnir enn betur að við umberum hverskonar glæpi sem framdir eru, hvort sem er að brotið sé á okkar þjóð eða annarra þjóðum.

Kanski það sé kominn tími til að hugsa sér til hreyfings, finna þjóð sem ekki er eins hrifin af glæpamönnum og hin íslenska þjóð er.

Kveðja