ERU TIL EINHVERJAR RANNSÓKNIR Á GÆÐUM HJALLASTEFNUNNAR?

Fyrir nokkru síðan var fjallað mikið um hversu illa Íslenskir nemendur komu út úr PISA-könnuninni og þá sérstaklega að um 25% drengja voru svo til ólæsir að loknu grunnskólanámi.   Jú það urðu um þetta nokkrar umræður í svolítinn tíma en hljóðnuðu svo alveg.  Hefði þessu verið þannig farið að 25% stúlkna hefðu verið ólæsar að loknu grunnskólanámi er nokkuð víst að umræðan hefði orðið á annan veg.  Það er nokkuð víst að það hefði hreinlega allt orðið vitlaust í landinu og verið talað um það að karlar væru að tryggja það að konur gætu ekki náð sér í þá menntun sem þyrfti til að koma sér í toppstöður.  Hvernig stendur á því að ekkert er gert til að leiðrétta þetta, getur ástæðan verið sú að yfirgnæfandi meirihluti kennara í grunnskólum eru konur og þær hreinlega skilji það ekki að drengir og stúlkur nálgast hlutina á misjafnan hátt?  Einmitt þetta er grunnurinn að Hjallastefnunni og hefur Margrét Pála unnið mikið og þarft frumkvöðlastarf, sem kannski hefur ekki fengið þá athygli, sem það á skilið.  Kannski á þessi spurning, sem ég varpa fram í fyrirsögninni ekki rétt á sér, vegna þess að ég held að ennþá hafi Hjallastefnan ekki útskrifað neina nemendur ennþá.  En ég er ekki í vafa um að það verður gaman að fylgjast með hvernig nemendum Hjallastefnunnar reiðir af í framtíðinni. 

Skólakerfið er á niðurleið

Athugasemdir

[Pétur D. (IP-tala skráð) 14.9.2014 kl. 22:44]

Ertu að tala um femínísku lesbíuskólana sem Hjallastefnan rekur? Þar sem drengir eru kúgaðir?

Ekki að ég sé neitt að draga dilk kennura í grunnskólunum, síður en svo, mér finnst þeir vera yfirleitt afburða lélegir og fáfróðir. Og það er rétt, allt of margar konur eru grunn- (og leik-)skólakennarar. En ég hef verulegar áhyggjur af drengjum sem sækja leik- og barna skóla Hjallastefnunnar, auk þess sem mér er meinilla við aðskilnað kynjanna innan menntakerfisins.

[Jóhann Elíasson, 14.9.2014 kl. 23:14]

Ég hef nú ekki þessa upplifun af skólum Hjallastefnunnar og til að minnka áhyggjur þínar Pétur, þá þekki ég marga foreldra sem eru mjög ánægðir með starfið þarna.  En eins og ég sagði þá eru menn ekki sammála um þetta frekar en annað...............