ÞARF AÐ HÆKKA BÍLPRÓFSALDURINN???????

Svona fréttir eru allt of algengar og maður kemst ekki hjá að velta fyrir sér hvort 17 ára krakkar hafi nokkuð náð þeim þroska að stjórna ökutæki?????

17 ára á 196 km hraða

Athugasemdir

[Halldór Björgvin Jóhannsson, 17.11.2014 kl. 09:31]

Ég held að það þyrfti þá að vera ansi hár aldur, 25-30, en er það sanngjarnt gagnvart öllum hinum, þeim sem haga sér vel?

[Birgir Guðjónsson (IP-tala skráð) 17.11.2014 kl. 09:45]

Miklu frekar að skilgreina hversu aflmikla bíla 17-? ára má aka. 

Það er gert í fluginu. þar má sá sem nýbúinn að fá sólopróf ekki fljúga orustuþotu !

[Jos.T. (IP-tala skráð) 17.11.2014 kl. 09:50]

17 ára krakkar hafa náð þeim þroska sem þarf til að stjórna ökutæki. 16 ára krakkar keppa á Formulu bílum þannig að þroskinn sem þarf til að gera þau að góðum ökumönnum er fyrir hendi. Það sem 17 ára krakkar hafa flest ekki er reynsla og þekking. Það lagast ekki við það að halda þeim frá akstri lengur. Það væri frekar að hefja ökunámið strax við fermingu, gera það að námi í stjórnun ökutækja og ábyrgri hegðun en ekki stutt námskeiði í umferðamerkjum og ömmuakstri eins og nú er.

[Jóhann Elíasson, 17.11.2014 kl. 10:43]

Jos T, þetta voru svolítið skrítin rök hjá þér.  Það þarf jú að efla námið og fólk þarf að gera sér grein fyrir því hvað það er með í höndunum, þar sem ökutæki er annars vegar.  Ökukennari sagði mér af margföldum meistara í GoKart, sem var í námi hjá honum; á einu ári (eftir að þessi aðili fékk bílprófið) hafði hann lent í FIMM aftanákeyrslum.  Þarna var nokkuð greinilegt að þessi aðili sá engan mun á að keyra á GoKart braut eða úti í umferðinni.  Væri ekki ráð að gera eins og Birgir Guðjónsson leggur til???

[Kjartan (IP-tala skráð) 17.11.2014 kl. 17:01]

Mér sýnist þetta ganga nokkuð vel. Fólk keyrir langt yfir hámarkshraða og er svipt réttindum. Þurfum ekki að breyta neinu.

[Ásgrímur Hartmannsson, 17.11.2014 kl. 17:20]

Bílprófsaldurinn verður hækkaður í 18 ár.  Næsta dag: 18 ára tekinn á 200 km/h einhversstaðar.

Bílprófsaldurinn verður hækkaður í 19 ár.  Næsta dag: 19 ára tekinn á 200 km/h einhversstaðar.

Bílprófsaldurinn verður hækkaður í 20 ár.  Næsta dag: 20 ára tekinn á 200 km/h einhversstaðar.

Og svo framvegis.

[Atli Þór (IP-tala skráð) 17.11.2014 kl. 18:15]

Það þarf eitthvað mum meira en twö þrú ár af "þroska" til að stoppa svona heimsku. Er hálf vonlaust að reyna að finna lausn sem byggist á því að fólk hagi sér skynsamlega. Það er alltaf einn og einn sem er einfaldlega hálfviti út í gegn.

Ef við ætlum að fara út í róttækar aðgerðir til að stoppa of hraðan akstur, hverning væri bara að setja gizmo í bíla til að takmarka hraðan? Hver er rökstuðningurinn fyrir því að gefa út bíla sem komast upp í 190kmh á landi þar sem 90kmh er hámarkið?

Það væri ekki flókið að hanna tölvukubba í bíla í dag sem stýra hraðanum þanning að maður komist ekki hraðar en X mikið.

[Jón (IP-tala skráð) 17.11.2014 kl. 18:52]

Síðuhöfundur yrði fyrir miklum vonbrigðum ef ósk hans yrði uppfyllt um að hækka bílprófsaldurinn. Ég vísa til máls Ásgríms Hartmarssonar. 

[Sindri Viborg, 17.11.2014 kl. 19:55]

Upphaflega var það hugsað sem svo að 17 ára einstaklingur var talinn nógu gamall til að keyra sökum þess að hann hefði verið sjálfráða í heilt ár (frá 16 ára) og verið í fullorðinn manna tölu frá fermingu.

Í dag er það þannig að þú ert ekki með ábyrgð á sjálfum þér fyrr enn þegar þú ert orðinn 18. Fyrir þann tíma ertu titlaður barn samkvæmt barnasáttmála Sameinuðu þjóðanna.

Því væri í raun rökrétt að hækka aldurinn upp í 19 ára.

[Jens Guð, 17.11.2014 kl. 20:30]

  Ökuskírteini er afkvæmi forræðishyggju.  Á uppvaxtarárum mínum í útjaðri Hóla í Hjaltadal fyrir meira en hálfri öld keyrðu börn bíla og traktora um leið og þau náðu niður á kúplingu og bremsu. Allt gekk eins og í sögu.  Nema einu sinni þegar ég 12 ára keyrði á vörubíl frá Sauðárkróki.  Þá fór ég fullgeist í beygju.  Einn áburðarpoki rann af opnum pallinum.  Það munaði ekkert um 1 poka.  

  Á sama tíma voru bændur með ökuskírteini að klessukeyra bíla sína út í móa,  velta þeim ofan í skurð,  keyra utan í hlið og svo framvegis.