BORGARLÍNA OG LAUGAVEGURINN GÖNGUGATA????????

Flugvöllinn í burtu, þétting byggðar áframhaldandi umferðaröngþveiti í Reykjavík húsnæðisskortur og áframhaldandi vesen í leikskólamálum, svifryksmengun vegna óþrifnaðar.  Er þetta það sem Reykvíkingar voru að kalla eftir í síðustu kosningum??????? 

Borgarlína „lykilmál“

Athugasemdir

[Guðbjörg Snót Jónsdóttir (IP-tala skráð) 12.6.2018 kl. 16:27]

Fjarri fer því. Þetta er hreinasta hörmung. Eins og þú sagðir, vanvirðing við lýðræðið og kjósendur. Það versta er, ef þetta verður til þess, að kjósendur hætti að mæta á kjörstað, af því að það hefur ekkert upp úr sér, þótt þeir vilji breyta til. Ég fer að segja um þetta jólasveinalið, eins og Guðrún Á. Símonar sagði um hundana sína og ketti: "Þau eru alveg eins og Rússarnir, skilja bara það, sem þeir vilja skilja, heyra það, sem þeir vilja heyra, og fara eftir því, sem þeim sýnist sjálfum." Við erum víst ekki búin að fá okkur fullsödd af jólasveinum og álfum út úr hól. Við bara skulum hafa þau áfram, hvað sem hver segir. Hér er það alræðisstjórnin, sem talar. Það er hreinasta skömm af þessu, eða eins og sagt var í Spaugstofunni í gamla daga: "Það er skítalykt af þessu." En við vitum a.m.k. hvar Viðreisn stendur pólitískt séð, hvar sem Bensi frændi stendur. Fólkið heldur nú áfram að flýja borgina, og fyrirtækin á Laugaveginum líka. Hann mun minna helst á draugaveg heldur en verslunargötu, enda sá tími að verða útrunninn, fyrst þetta lið heldur áfram sínu striki. Svei þeim, segi ég bara. Það er hreinasta skömm af þessu. Næstu fjögur árin verður ólíft hérna í borginni, en hins vegar verðum við að finna einhver ráð sem gagnast til þess að losna við þessa jólasveinastjórn, sem við þurfum sífellt að búa við í borginni, og það ráð, sem dugar, nema einasta leiðin til þess sé sú afríska. Þetta verður hrein martröð, sem ég vona, að endist ekki nema hálft kjörtímabil, alla vega ekki nema þetta eina til viðbótar, ef þeir verða þá ekki búnir að rústa borginni alveg áður og gera hana óbyggilega með öllu. Hvernig gátu hæstvirtir kjósendur búist við öðru eins og þessu? Og hvað geta þeir gert? Það er spurningin, sem brennur mest núna, fyrst þetta lið skilur ekki skilaboðin, sem kjósendur voru að senda þeim, eða vildu eki skilja þau að öðrum kosti. Þetta er hræðilegt einu orði sagt. Ég get ekki sagt annað.

[Kolbrún Hilmars, 12.6.2018 kl. 17:39]

Það má nú líta á björtu hliðarnar; ofarlega á stefnuskránni er að veita systkinaafslátt í afþreyingu.  Að vísu fann ég í fljótu bragði aðeins þessa...

[Guðbjörg Snót Jónsdóttir (IP-tala skráð) 12.6.2018 kl. 18:56]

Er það allt og sumt. Hvað með okkur eldri borgara? Ég get ekki séð, að verði nokkur einasta breyting á nokkrum hlut, sama hvar er borið niður. Ég get því miður enga bjarta hlið fundið á þessu óbermi, sem er að taka við völdum um þessar mundir, sama hvað hver segir. Þetta lið verður við sama heygarðshornið, og það einasta sem breytist, er að Viðreisn kemur í staðinn fyrir BF, - allt og sumt. Ég tek lítið mark á þessu plaggi, sem þetta lið leggur fram, og á ekki von á því, að það verði til nokkurs gagns, hvað þá, að þau muni gera nokkuð af því, sem þar stendur. Það verður sama ástandið hérna í borginni, og verið hefur, og borgin drabbast enn meira niður. Ég tala nú ekki um, ef á að gera Laugaveginn að göngugötu, sem gerir ekki nema túrhestunum og einstaka fótliprum manni kleift að vera þar á ferli. Við borgarbúar, sem höfum getað farið í verslanir þar, munu ekki eiga þangað erindi eftir að er búið að loka alveg götunni fyrir bílaumferð, því að fyrirtækin munu fara af Laugaveginum inn í Austurbæ í Kringluna eða Mjóddina, ef þau fara ekki í Kópavoginn eða Hafnarfjörð, jafnvel upp í Mosfellsbæ, þar sem kaupmennirnir munu illa sætta sig við slíka lokun. Ég veit heldur ekki, á hvaða breiddagráðu Dagur og kó halda að við búum á. Það verður þá göngugatan, þegar fer að snjóa, og snjóplógar mega ekki einu sinni koma inn á svæðið til að ryðja honum í burtu. Þetta lið talar eins og við séum hérað á Spáni en ekki nálægt Norðurpólnum. Nei sko, borgin verður fljótlega þannig, að túrhestarnir munu ekki hafa áhuga á að sækja borgina heim og vilja þá frekar fara út á landsbyggðina heldur en hingað. Þrátt fyrir alls konar afslætti og hvað þeir eru nú að lofa upp í ermina á sér, þá mun fólksflutningur halda áfram frá borginni en ekki til, og borgin tæmast bæði af fólki og fyrirtækjum. Svo mikið er víst, og að þeir, sem eiga íbúðir við Laugaveginn munu flytja þaðan líka. Bíðið bara. Þetta verða örlög borgarinnar, fyrst við þurfum andstætt okkar vilja að sitja uppi með þetta jólasveinalið í ráðastólum Ráðhússins. Miðborgin mun verða þannig, að það munu fáir ef nokkrir kæra sig um að vera þar, ekki einu sinni túrhestarnir, því miður, eftir ástandi síðustu átta ára að dæma, sem ég hef enga von um að batni, síður en svo. Það er fullreynt eftir átta ára hörmung, sem versnar bara. Því er nú verr og miður. Sama hvað hver segir eða reynir að sjá einhverjar ljósar hliðar á málunum. Vilji kjósenda var hunsaður með öllu, og þar við situr.

[Jóhann Elíasson, 12.6.2018 kl. 19:53]

Mig minnir að loforðið um systkinaafsláttinn sé endurnýtt loforð síðan 2014 ÞAÐ ER SEMSAGT EKKERT JÁKVÆTT VIÐ ÞETTA.  Það versta er að ennþá er "hangið" á borgarlínunni, en þó er aðeins dregið úr á þann hátt að nú er viðurkennt að ekki sé hægt að byrja fyrr en ríkið ákveður hvort og hvenær verði komið inn með fjármögnun.

[Jóhann Elíasson, 12.6.2018 kl. 20:11]

Ég get hvergi séð í þessum "sáttmála" að Viðreisn hafi selt sig dýrt????  Ég get ekki betur séð en að Viðreisn hafi farið á verði LÉLEGRAR GÖTUMELLU.....

[Tryggvi Helgason, 13.6.2018 kl. 00:02]

Ef við gerum ráð fyrir að útkoman úr síðustu kosningum hafi ekki verið "hreint kosninga svindl", - þá verður að segjast að Reykvíkingar hafi fengið, það sem þeir kusu yfir sig í kosningunum.

Þeir höfðu aðra og betri möguleika til þess að kjósa um, en það er greinilegt, að kjósendurnir vildu ekki nýta sér það, en nýjir flokkar buðu upp á nýja menn með nýar stefnur og áætlanir. En kjósendur vildu ekki treysta þeim, þar sem þeir voru ekki að veifa úreltum og innantómum gylliboðum eins og "gömlu" flokkunum er svo tamt.

Og nú sitja Reykvíkingar uppi með það sama og fyrr, en kannske bara ennþá verra.

[Guðbjörg Snót Jónsdóttir (IP-tala skráð) 13.6.2018 kl. 09:47]

 Hvað kosningarnar sjálfar áhrærir, þá er það gallinn, að svo margir flokkar skyldu hafa fengið að bjóða sig fram, því að með því dreyfast atkvæðin alltof mikið og enginn einn getur fengið hreinan meirihluta og erfitt að koma saman hvort heldur ríkisstjórn eða borgarstjórn. Í Finnlandi gerðist það í einum kosningunum, að alls 18 flokkar buðu sig fram, og þá fékk ríkisstjórnin nóg af svo góðu og setti það í lög landsins, að það mættu ekki fleiri en tíu flokkar bjóða fram og við það stendur í dag. Slíka reglu þarf að setja inn í kosningalögin hérna líka, því að svona margir listar flækja bara málin og gerir ókleift að mynda almennilegar meirihlutastjórnir. Þetta verður því að laga fyrir næstu kosningar. Annars stefnir allt í tóma vitleysu.