ÞAÐ ER EINS GOTT AÐ "STYGGJA EKKI "EIGENDAFÉLAGIÐ"..........

ÞETTA ER Í FYRSTA SKIPTI, SEM MÉR ER KUNNUGT UM, AÐ EINHVER SÉ REKINN ÚR VERKALÝÐSFÉLAGI.  OG RÖKIN FYRIR BROTTREKSTRINUM ERU MEÐ ÖLLU ÓBOÐLEG. Ég get ekki séð að nokkur skapaður hlutur í hennar málflutningi hafi getað skaðað félagið á nokkurn hátt nema það hafi farið fyrir brjóstið á forystunni gagnrýni hennar á forystu félagsins þess efnis að þeir hafi komið illa undirbúnir til síðustu samningaviðræðna og í framhaldi af því SAMIÐ ILLILEGA AF SÉR.  "SANNLEIKANUM VERÐUR HVER SÁRREIÐASTUR"..........

Heiðveig rekin úr Sjómannafélaginu

Athugasemdir

[Guðbjörg Snót Jónsdóttir (IP-tala skráð) 31.10.2018 kl. 15:53]

Þú segir það. Ég get tekið undir sumt af því, sem þú segir, þó að ég skilji nú raunar ekkert í því, hvað Jónas er eiginlega að brölta. Ég hef líka sagt honum mína skoðun á þessu svokallaða sameiningarbrölti hans, þar sem hann er að reyna að fá aðildarfélög Sjómannasambands Íslands til þess að koma yfir til sín, og vill helst leggja sambandið niður, þar sem hann segir það barn síns tíma og til einskis nýtt, sem ég er nú ekki alveg sammála, því að hann er eiginlega með sömu hugsun, og faðir minn hafði þegar hann stofnaði Sjómannasambandið fyrir 61 ári síðan ásamt félögum sínum(Jón Sigurðsson hét hann, og ég geri ráð fyrir því, að þú kannist við hann). Munurinn er bara sá, að Jónas og sumir aðrir hafa eitthvað svo mikið á móti ASÍ og að vera í því, sem ég hef sagt bæði Jónasi og fleirum, að faðir minn hefði ekki skilið, enda framkvæmdastjóri ASÍ, þegar hann fór í að stofna Sjómannasambandið. Þegar var verið að stofna Sjómannasambandið, þá sendi þáverandi forysta ASÍ ekki færri en þrjú mótmælabréf vegna þess, því að forystan vildi ekki missa sjómannafélögin út úr Alþýðusambandinu, þekktu þar með framkvæmdastjóra sinn illa, ef þeir héldu, að hann myndi ekki sækja um aðild að Alþýðusambandinu eftir stofnun Sjómannasambandsins, sem hann og gerði með það sama, enda hvatti hann alltaf þau verkalýðsfélög, sem hann stofnaði sem erindreki og framkvæmdastjóri ASÍ, til að sækja undir eins um aðild að Alþýðusambandinu. Þess vegna hefði faðir minn þurft að fá mjög góð rök fyrir því, hvers vegna Jónas og fleiri vilja ekki vera innan ASÍ, því að vinir mínir í Sjómannasambandinu hafa sagt, að menn væru ekkert á móti því að vera í Sjómannasambandinu í sjálfu sér og að hafa einn talsmann fyrir alla sjómenn á landinu, en þeir hefðu bara svo mikið á móti Alþýðusambandinu og verunni í því. Þess vegna sagði ég við þá í Sjómannsambandinu, að það hefði faðir minn ekki skilið, og ég skil það ekki heldur. Þetta félag Jónasar, sem hét einu sinni Sjomannafélag Reykjavíkur, en hann hefur breytt í Sjómannafélag Íslands, vill Jónas svo gera að einhverju allsherjar félagi fyrir sjómenn á landinu. Mér finnst nú Sjómannasambandið alveg fullgilt ennþá sem slíkt og það má alltaf breyta tilhögun þess með breyttum tímum, enda hef ég verið í sambandi við forystuna þar, þar sem mér finnst mér málið skylt, og hef líka alist upp með Sjómannasambandinu og stend þess vegna ekki allsendis á sama um það skiljanlega, og ég hef verið að deila hugmyndum mínum og breytingar á sambandinu í ljósi breyttra tíma. Ég leyfi Jónasi ekki að tæta það í sundur og eyðileggja, eins og honum sýnist. Ég mun berjast með forystu Sjómannasambandsins fyrir áframhaldandi lífi þess, og segi svo eins og krakkarnir myndu segja í dag: Over my dead body! Þeir þekkja mig allir saman, og vita, að ég leyfi þeim trauðla að eyðileggja og traðka á lífsverki föður míns fyrir íslenska sjómannastétt. Faðir minn kallaði ykkur alltaf karlana sína, og það geri ég líka.

[Jóhann Elíasson, 31.10.2018 kl. 20:05]

Ég er nú fyrrverandi sjómaður og alltaf var kjarabaráttan hjá sjómönnum mjög "sundurleit" og því miður virtist það vera þannig að forystan var í MJÖG litlu sambandi við sjómenn, kannski var það vegna þess að menn gátu verið gírugir í borðsalnum en svo var ekkert gert. Mjög erfitt var að ná sjómönnum á fundi því menn voru í landi á mjög mismunandi tímum.  Menn virtust ekki gera sér grein fyrir því að kjarabaráttu sjómanna var ekki hægt að reka eins og kjarabaráttu landverkafólks.  Þessu vildi Heiðveig María breyta en eitthvað fannst "elítunni" hún vera ógnun við þeirra stöðnuðu vinnubrögð.  Hún vildi taka í notkun nýja samskiptatækni til að "virkja" sjómenn betur í kjarabaráttunni og gera alla vinnu við kjarabaráttuna "effektífari".  En þessi vinnubrögð féllu ekki í kramið og meira að segja gekk Jónas Garðarsson svo langt að halda því fram að Heiðveig væri handbendi útgerðarmanna og hefði verið "plantað" í samtökin til að eyðileggja þau innanfrá.......

[Guðbjörg Snót Jónsdóttir (IP-tala skráð) 31.10.2018 kl. 23:26]

Þegar þú minnist á kjarasamninga og sambandið við sjómennina, þá dettur mér það í hug, sem faðir minn sagði í blaðaviðtali daginn, sem hann hætti sem formaður Sjómannasambands Íslands: "...Það má með rétti segja, að samstaða og starf sjómannafélaganna hefur ekki verið nægilega gott. En það er líka miklu erfiðara að halda uppi öflugu félagsstarfi í sjómannasamtökunum en öðrum verkalýðsfélögum. Oft er því erfitt að heyja baráttuna. Sjómenn verða að þjappa sér betur um félög sín. Hjá okkur vantar aukið fræðslustarf og hugsanlega þyrftum við sérstakt baráttublað samtakanna, sem færi í öll skip. ...Sjómenn verða að gera sér ljóst, að framtíð þeirra er best tryggð með virku starfi í félögum sínum og sterkum heildarsamtökum, sem megna að knýja fram bætt kjör og aukin réttindi. ..." Þetta var akeg rétt hjá honum, og á við enn. Hann var alltaf í góðu sambandi við karlana sína og eins félögin úti á landi, því að sumarleyfunum eyddi hann oftast nær í að ferðast út á land til að heimsækja félögin og heyra hljóðið í mönnum. Ég man líka eftir því, að hann fór oft niðrá höfn, bæði hér og í Hafnarfirði og víðar, til þess að tala við karlana. Hann fór oft á Suðurnesin, t.d. til Keflavíkur, enda átti hann góðan vin þar, þar sem Ragnar Guðleifsson var annars vegar, og þeir fóru oft að hitta bæði sjómenn og verkamenn. En þetta er akveg rétt, sem faðir minn sagði, að það er óhjákvæmilega erfiðara að halda uppi öflugu starfi innan sjómannafélaganna, þar sem sjómenn eru oftast nær úti á sjó í lengri tíma, ég tala nú ekki um, þegar þeir voru hálfu og heilu árin t.d. á Halanum. Mér líst ekkert á þessa Heiðveigu, verð ég að segja, og finnst hún furðuleg, og skil ekkert, hvaða erindi hún telur sig hafa á sjónum. Mér líst heldur ekkert á þær metóður sem hún notar, Jónas raunar líka. Mér líst ekkert á þetta yfirleitt, og er ekkert hrifin af þessu, hvernig sem á það er litið. Ég get ekki sagt annað.