HVAR Í ÓSKÖPUNUM ERU ÞESSR MJAÐMAHÁU HRÍSLUR, SEM ERU AÐ SETJA ALLT Á HLIÐINA?

Þessa "dýrmætu" hríslur, sem eiga að vera með þann "status", hjá einhverjum aðilum, að ef verður hreyft við þeim fari bara öll byggð á Vestfjörðum ef ekki á landinu öllu, í eyði en sjást ekki á þessari mynd.  Þetta mál er alveg er alveg með ólíkindum, hvernig getur það átt sér stað að TVEIR SUMARBÚSTAÐAEIGENDUR GETI HALDIÐ HEILUM LANDSFJÓRÐUNGI Í GÍSLINGU Í ÁRATUGI?  Og ekki nóg með það heldur geta þeir virkjað heilt sveitarfélag til að "vinna" fyrir sig til að tefja málið enn frekar, en sennilega eru þetta "dauðateygjurnar" við að tefja framgang þessa máls.........

Hafi sætt „ofbeldi, ofsa og yfirgangi“

Athugasemdir

[Sigurður Bjarklind (IP-tala skráð) 23.1.2019 kl. 11:10]

Þetta er skógurinn sem sést ekki fyrir trjánum.

[Jóhann Elíasson, 23.1.2019 kl. 11:14]

En spurningin er: "HVAR ERU TRÉN"???????

[Þorsteinn Siglaugsson, 23.1.2019 kl. 12:10]

Snýst þetta bara um skóginn? Snýst þetta ekki mestanpart um að góður þjóðvegur liggi um Reykhólasveit í stað þess að hann liggi gegnum nær óbyggt svæði en lélegur vegur um byggðina? Það hefur mér nú sýnst vera afstaða hreppsins.

[Jóhann Elíasson, 23.1.2019 kl. 12:43]

Undanfarna áratugi hefur þessi deila eingöngu snúist um skóginn, Þorsteinn.  Það er ekki fyrr en núna nýleg, eða eftir að Reykhólahreppur blandaði sér í málin fyrir tæpu ári síðan, sem farið hefur verið að tala um að þjóðvegurinn þurfi að liggja um Reykhóla.

[Þorsteinn Siglaugsson, 23.1.2019 kl. 15:40]

Það getur verið. En er það ekki skynsamlegt að þjóðvegir liggi að öðru jöfnu um byggð svæði og tengi þau?

[Jóhann Elíasson, 23.1.2019 kl. 16:05]

En byggðin verður þá að vera staðsett þannig að hún liggi í þjóðleið og það þurfi ekki að taka á sig stóran krók til að komast þangað, vegakerfið gerir bara ekki ráð fyrir staðnum.  Það er ekki nóg að það sé þörungaverksmiðja og saltverksmiðja á staðnum.  Reykhólar hafa ekki verið í þjóðleið....

[Þorsteinn Siglaugsson, 23.1.2019 kl. 18:39]

Það er svo sem ekki að sjá á kortinu að leiðin sé neitt lengri, liggi hún í gegnum Reykhóla.

[Eyjólfur Jónsson, 23.1.2019 kl. 18:45]

Og þessvegna eru vegir slæmir á öllu vesturlandinu og verða það um ókomna tíð! Ég hætti nú að blogga jákvætt um vestrið og verða þeir að góðu að láta þessa 2 menn moka alla vegstubba þarna í vestrinu,,bless.

[Jóhann Elíasson, 23.1.2019 kl. 18:56]

Þorsteinn, segir vegagerðin ekki að það kosti 4 milljarða að gera veginn um Reykhóla þannig úr garði að hann GETI sinnt hlutverki sínu sem þjóðvegur og þá ER EFTIR AÐ BYGGJA BRÚNA YFIR FJÖRÐINN TIL AÐ TENGJAST VEGINUM UM VESTFIRÐI.  Það sér það hver heilvita maður hversu vitlaust þetta er.

[Jóhann Elíasson, 23.1.2019 kl. 18:58]

Eyjólfur, ég skil svo sem alveg þína afstöðu, en það hljóta allir að sjá að þetta rugl með Teigsskóg verður að fara að taka enda.........

[Ómar Ragnarsson, 24.1.2019 kl. 11:10]

Teigsskógur er um fimm kílómetra langur birki-og reyniskógur yst  við vestanverðan Þorsksfjörð með allt að 5-6 metra háum trjám.

Áður en ég fór á eftirlaun tókst mér að fá sýnt 45 sekúndna myndskeið í fréttalok haustið 2005 með 15 sekúndna texta um skóginn eftir göngu mína gegnum hann í dagsferð vestur. Sjá bloggpisti minn um þetta sl helgi. 

ALLAR myndir sem fjölmiðlar hafa sýnt og sagt vera af skóginum hafa verið teknar utan hans. Mynd af vegarslóða með "mjaðmarháum trjám" er ekki tekin í skóginum, þvi að það liggur enginn bílfær vegur eða vegarslóði um hann. 

[Þorsteinn Siglaugsson, 24.1.2019 kl. 13:04]

5-6 metra há tré eru nú svolítið annað en mjaðmarháar hríslur. Samkvæmt Ómari er þetta alvöru skógur. Þeir eru ekki margir á Íslandi. Það setur nú málið í dálítið annað samhengi finnst mér.

[Jóhann Elíasson, 24.1.2019 kl. 20:03]

Það vill nú svo til að ég hef komið þarna nokkru sinnum en ég hef aldrei nokkurn tímann rekist á þessi "stóru" tré, sem Ómar talar um og séu þau utan alfarleiðar, þá er þeim ekki mikil hætta búin.  En eins og ég sagði fyrr í færslunni hef ég ALDREI séð þau og get því ekki staðfest að þau séu til....

[Jóhann Elíasson, 24.1.2019 kl. 20:06]

Þorsteinn, í þau skipti sem ég hef komið þarna hef ég ekki séð annað en mjaðmahár hríslur aldrei fyrr en hjá Ómari hefur verið talað um annað.......