ER ÞÁ VG EKKI SÁ UMHVERFISVERNDARFLOKKUR, SEM ÞEIR GEFA SIG ÚT FYRIR AÐ VERA????

Það má kallast með eindæmum að VG (WC) ætli að láta hafa sig út í að samþykkja orkupakka þrjú.  Þeir hafa hingað til gefið sig út fyrir að vera sérstaklega "GRÆNN" flokkur og til verndar umhverfinu og hingað til hefur ekki mátt heyra á það minnst að virkja eina einustu sprænu í landinu, þá hefur allt ætlað á hliðina innan þessa flokks.  En skyndilega er allt orðið breytt, það heyrist ekki "múkk" í "náttúruverndarliðinu" í sambandi við orkupakka þrjú, en utanríkisráðherra segist vera kominn með skotheld axlabönd og belti með "fyrirvörum sem hann setti og Orkumálastjóri ESB samþykkti í símtali , sem geri það að verkum að hingað verði ekki lagður sæstrengur nema Kata litla og Umhverfisráðherrann samþykki það, sem sagt aldrei.  En hversu vel hafa "fyrirvarar" Íslenskra stjórnvalda haldið hingað til?  Við þurfum ekki að fara langt aftur í tímann til að sjá það.  Hvernig var með fyrirvarana varðandi innflutning á HRÁU KJÖTI?  Og stjórnvöldum finnst bara best að leggjast flatir undir orkustefnu ESB og láta ESB stjórna orkumálum Íslendinga.  En eitt er nokkuð skýrt, að til þess að sæstrengur til Evrópu geti orðið hagkvæmur, ÞARF EINA VIRKJUN Á STÆRÐ VIÐ KÁRAHNJÚKAVIRKJUN OG TVÆR VIRKJANIR Á STÆRÐ VIÐ BLÖNDUVIRKJUN.  Í fljótu bragði sé ég ekki að við eigum þessa kosti ÞAÐ EINA SEM GÆTI KOMIÐ TIL ERU DETTIFOSS OG GULLFOSS, sem færu langleiðina með að uppfylla þessa þörf en þá yrðu að koma til "smærri" kostir eins og GOÐAFOSS,GLYMUR og kannski eru einhverjir fossar í Norðurá og víðar sem hægt væri að nýta. Kannski Glanni,Laxfoss komi til greina ásamt nokkrum öðrum "smákostum" komi til álita?  Þetta lið hefur greinilega ekki kynnt sér orkupakka þrjú vel, frekar en aðrir stjórnarliðar.  Ef orkupakki þrjú verður keyrður í gegn (eins og allt útlit er fyrir í dag), þá verður sett á stofn embætti "landsreglara", sem heyrir undir ACER.  Komi upp ágreiningur milli landsreglarans og stjórnvalda, um raforkumál, verður þeim ágreiningi vísað til Evrópudómstólsins og við vitum öll hvernig sá úrskurður fellur. Hvaða "hrossakaup" eru eiginlega í gangi hjá "stjórnarliðinu"???????????

Vill að Katrín „aðstoði“ Sjálfstæðisflokkinn

Athugasemdir

[Sigurður I B Guðmundsson, 29.4.2019 kl. 23:01]

Mér finnst ekki viðeigandi að segja: Kata litla ef maður er ekki sammála henni en það virðist vera mjög vinsælt að gera það. (Þú ert ekki sá eini). VG er tækifærisflokkur eins og allur fjórflokkurinn!!

[Jóhann Elíasson, 30.4.2019 kl. 07:56]

Sigurður, kannski er þetta ekki viðeigandi en ég ætla bara að segja það að ég kalla hana ekki Kötu litlu AF ÞVÍ AÐ ÉG ER ÓSAMMÁLA HENNI,  sennilega hefði engum þótt þetta meiðandi ef ég hefði sagt Katrín Mikla en millivegurinn í þessu er vandrataður, en sjálfsagt er bara best að segja bara Katrín Jakobsdóttir og vera ekkert að fara í kringum hlutina.  En eins og þú segir þá finnst mér þetta einum of mikil TÆKIFÆRISMENNSKA af flokknum og ég er nokkuð viss um að næstu þingkosningar verða flokknum MJÖG erfiðar, verst hvað er langt í þær það gæti verið að "gullfiskaminni" kjósenda verði eitthvað farið að virka.............

[Sigurður I B Guðmundsson, 30.4.2019 kl. 10:16]

Ég er kannski dálítið viðkvæmur fyrir orðinu "litli" því ég var oft uppnefndur Siggi litli þegar ég krakki. Þá hét þetta stríðni en í dag einelti!!