éG VERÐ VÍST AÐ ÉTA OFAN Í MIG ÞAÐ SEM ÉG SAGÐI Í BLOGGI 17. ÞESSA MÁNAÐAR

En þar sagði ég SJÁ HÉR að ég hefði heyrt talað um að segja ætti upp um 1.500 manns um næstu mánaðamót og hefði ég heyrt talað um allt að 3.000 manns en mér þætti ótrúlegt að segja ætti upp 75% af öllu starfsfólkinu.  En nú nú ber svo við að æ meira er talað um að það séu 3.000 manns sem verði sagt upp um næstu mánaðamót.  Sé það staðreyndin er málið mun alvarlegra en mig hafði rennt grun í og mér er bara orða vant.  Sé þetta rétt segir það mikið um hversu "öflugur" aðgerðarpakki ríkisstjórnarinnar er......

Lágmarksstarfsemi og umtalsverðar uppsagnir

Athugasemdir

[Tómas Ibsen Halldórsson, 24.4.2020 kl. 21:29]

Sæll Jóhann, gleðilegt sumar og til hamingju með að þessi vetur virðist liðinn.

Sjálf paddan "veiran" er ekki mesti skaðvaldurinn sem við er að etja, heldur er það óttinn sem hefur gripið um sig og aðgerðirnar sem munu skila mun alvarlegri útkomu þegar upp er staðið, frekar en sjúkdómarnir sem leggjast á fólk af hennar völdum.

Það er einu sinni svo að árlega deyja þúsundir hér á landi af völdum sjúkdóma, slysa, elli og sjálfsvíga. Þeir sem eiga eftir að deyja af völdum ótta, áhyggna og sjálfsvíga af völdum þeirra aðgerða sem gripið hefur verið til verða ekki á þeim lista sem kenndur er við téða veiru. Ég tala nú ekki um þau fjárhagsvandræði og erfiðleika í hjónaböndum sem það mun valda og upplausn fjölskyldna.

Þetta á að sjálfsögðu ekki bara við hér á landi heldur er allur heimurinn undir. Ég hef grun um að þessu hafi verið komið viljandi á til að koma á upplausn og/eða í þeim tilgangi að stjórna fólki. Hversu langt er hægt að ganga til að láta fólk "hlíða" yfirvöldum?

Það er því miður til það fólk sem stjórnar bak við tjöldin með fjármunum sínum sem vill fækka fólki á jörðinni og notar ýmis meðöl til að ná vilja sínum fram. Stjórnvöld víða um heim hlusta viljug á þetta fólk þegar skrjáfur í seðlum berst þeim til eyrna. Nú er talað um að ekki verði hægt að opna aftur fyrir samskipti fólks og ekki muni fólk geta ferðast nema það verði bólusett. Gates er einn af þeim sem leggur ofuráherslu á að allir jarðarbúar verði bólusettir. Það liggur eitthvað bak við þessa áætlun hans annað en að fólk fái ekki aftur kórónuveirusýkingu.