VERIÐ AÐ AFVEGALEIÐA UMRÆÐUNA - SKIPTIR EKKI NOKKRU MÁLI HVORT SKJALIÐ HEITIR SKÝRSLA EÐA EITTVAÐ ANNAÐ.

Samherjamálið og Sjávarútvegurinn í heild sinni:  Að sumu leiti er það ágætt að þetta svokallaða „Samherjamál“ skyldi koma upp.  Það hefur lengi verið opinbert leyndarmál að uppgangur Samherja ætti sér ýmsar dökkar hliðar, sem ekki þyldu dagljósið, það verður ekkert fyrirtæki svona öflugt með 100% heiðarleika.   Aldrei hefur verið hægt að sanna að eitthvað ólöglegt hafi átt sér stað og meira að segja var forstjóri Samherja svo óforskammaður að heimta það að Seðlabankastjóri yrði saksóttur vegna rannsóknar og húsleitar, sem bankinn framkvæmdi á Samherja og það sem alvarlegra er að Forsætisráðherra blandaði sér í málið með því að senda til lögreglu meintan „leka“ frá Seðlabankanum til RÚV.

En það að þetta Samherjamál kom upp, segir það okkur ekki að það er full ástæða til að rannsaka viðskipti og viðskiptahætti ALLRA stóru sjávarútvegsfyrirtækjanna á Íslandi? Fyrir daga kvótakerfisins og fyrstu ár þess, voru á markaðnum tveir risar í sölu á fiski á erlenda markaði Þetta voru SÍS (söludeild Sambands Íslenskra Samvinnufélaga) og SH (Sölumiðstöð Hraðfrystihúsanna).  Skiptingin á milli þessara sölusamtaka var nokkuð skýr,  SÍS sá um söluna fyrir kaupfélögin og fyrir þá sem voru „Framsóknarmegin“ í pólitíkinni en SH sá um söluna fyrir þau fyrirtæki sem voru „Sjálfstæðisflokksmegin“ í pólitíkinni.  En þá kom Samherji til sögunnar og riðlaði „öllu sölukerfinu“ með því að stofna sín eigin sölusamtök og eftir það hafa þessi tvö sölusamtök smám saman verið að lognast útaf misjafnlega hratt þó.  En eitt er þó sem ætti að hafa í huga: SAMHERJI HEFUR ALVEG FRÁ UPPHAFI SINNAR ÚTGERÐARSÖGU ALDREI SETT EINN EINASTA SPORÐ Á MARKAÐ.  Og hvers vegna skyldi það vera?  Jú, því er auðsvarað.  Ef þarf að greiða markaðsverð fyrir fiskinn, hagnaður útgerðarinnar eykst og þá verður erfiðara að réttlæta það að áhöfnin taki þátt í að greiða olíuna á fiskiskipin og að dregið sé af launum sjómanna til að taka þátt í nýsmíði fiskiskipaflotans og ekki nokkur leið að réttlæta LÆKKUN veiðigjalda og um leið verður minni hagnaður til að flytja úr landi, í skattaskjól fyrir eigendur fiskvinnslufyrirtækjanna, sem einnig eru með útgerð á sinni könnu.

Eru menn virkilega svo barnalegir að halda að Samherjamenn séu þeir einu sem stunda þetta?  Frá lýðveldisstofnun, sáu þessu tvenn sölusamtök um að selja fiskinn úr landi og að hluta til eftir að kvótakerfið var sett á.  Þetta var til þess að útgerðin fékk skammtað eins skít úr hnefa „afkomu“ sem svo aftur og aftur kallaði á gengisfellingar Íslensku krónunnar, til að rétta hlut útgerðarinnar.  En svo kom Samherji til sögunnar, þeir stofnuðu sitt eigið sölufyrirtæki, þannig gerðu þeir tengslin milli útgerðar og vinnslu mun sterkari en áður hafði verið.  Umskiptin urðu ekki á einni nóttu en smám saman „lognuðust“ þessi tvö sölufyrirtæki útaf og útgerðin varð öflugri.  ÞARNA ER KOMIN SKÝRINGIN Á ÞVÍ HVAÐ VELDUR ÞVÍ AÐ ÚTGERÐIN ER MEÐ SVONA MIKLU BETRI AFKOMU EFTIR AÐ KVÓTAKERFIÐ VAR SETT Á.   Þetta telja stuðningsmenn kvótans, vera sín „sterkustu rök“ fyrir því að viðhalda núverandi fiskveiðistjórnunarkerfi og dæmi nú hver fyrir sig.

Trúnaður Verðlagsstofu „stórfurðulegur“

Athugasemdir

[Magnús Sigurðsson, 13.8.2020 kl. 14:50]

Sæll Jóhann, þetta er þörf samantekt hjá þér varðandi fyrirkomulagið á fisksölu í gegnum tíðina. Nú eru það stóru frystigeymslurnar sem blífa.

Sorglegt hvernig kvótakerfið hefur farið með byggðir landsins þar sem víða er svo komið að fólk hefur nú þann eina kost að mæna út á fjörðinn sem það býr við, það fær engu um ráðið ekki einu sinni hvort útsýninu verði spillt með ljósasjóvi frá laxeldinu.

Mási móast um á gulu Guggunni sinni alveg kominn upp í kartöflugarða, kæmi ekki á óvart að hann ætti eftir að stranda henni þar eins og flaggskipinu Baldvini Þorsteinssyni í Meðallandinu um árið.

Ef þessi umræða væri tekin aftur til þokastríðanna þá væru bresku tappatogararnir rétt eins og strandveiðibátar miðað við flottrolls ryksugurnar stórútgerðanna. Til einhvers var barist, loðnan horfinn svo ekki sé minnst á rækjuna og humarinn.

Það er ekkert að marka hvað kemur frá þessu liði, sem hefur nú þegar keypt hafrannsóknarstofnun og ríkisstjórnir ásamt öllum er koma að nálægt veiðum og vinnslu.

Það er helst að aflóga verkalýðsforingjar séu til búnir til að vitna um skýrslunni, sem aldrei var gerð, hafi ekki verið breytt af Helga Seljan. 

[Jóhann Elíasson, 13.8.2020 kl. 16:30]

Þakka þér fyrir Magnús.  Mér finnst alveg stórmerkilegt hvað lítil umræða er um sjávarútvegsmálin núna.  Það er alveg rétt hjá þér, fyrir kvótakerfið var það með betri ferðum, sem til voru að fara niður á bryggju, í hvaða sjávarþorpi sem var og sjá lífið og finna fyrir "hjartslætti" byggðarinnar en núna er ekkert líf á bryggjunni og sjávarþorpin hálf dauð hringinn í kringum landið.   Ég kom á nokkra staði í sumar og ég verð bara að segja eins og er að það var bara dapurlegt að koma á marga af þessum stöðum og ekki hvatti sú sjón mig til frekari ferðalaga með sjávarsíðunni.

[Björn. (IP-tala skráð) 13.8.2020 kl. 19:23]

Flottur pistill Jóhann,og svo satt sem þar stendur.Flestar hafnir landsins eru ekki svipur hjá sjón miðað við það sem var hér áður,þá var líf og fjör og næga vinnu að hafa.

ps.Magnús ertu að meina breska SÍÐUTOGARA?

[Magnús Sigurðsson, 13.8.2020 kl. 21:58]

Já, ætli það ekki Björn. Þetta voru nú ekki stór erlend skip sem þá vöru sögð uppi í kartöflugörðum miðað við fjölveiðiskipin í dag, sem eru á góðri leið með að útríma hverri fiskitegundinni af annarri í íslenskri landhelgi með stuðningi besta fiskveiðistjórnunarkerfis í heimi. 

[Sigurður Kristján Hjaltested, 14.8.2020 kl. 05:18]

Flottur pistill og sannur. Ég var á árunum í kringum 1980 ad vinna

í fiski á vestfjordum og er thad einn besti tími í vinnu sem ég hef haft.

Patreksfjordur, Tálknafjordur og Bíldudalur voru idandi af mannlífi og fullt

af vinnu fyrir alla. Í dag er bara sorglegt ad sjá thessa stadi sem

voru fullir af lífi ádur en kvótinn kom. En madur geymir minninguna um góda

tíma og innst inni vonar ad their kaemu aftur. Samt erfitt ad sjá thad ske á medan their sem

stjórna hafa ekki meiri gáfur en raun er og engan vilja til ad taka á spillingu vegna

thess hve spillt allt kerfid er og their somu leidis.

M.b.kv.

[Snorri Gestsson, 14.8.2020 kl. 21:59]

Takk !!