SÝNIR ÞETTA EKKI AÐ NEYSLUVÍSITALAN ER EKKI MEÐ "RÉTT" VÆGI Í VERÐBÓLGUMÆLINGUNUM??????

Það hlýtur hver maður að sjá það að verðbólgan getur ekki verið 3,6% þegar gengið lækkar um 18,6% gagnvart öðrum gjaldmiðli.  Vægi neysluverðsvísitölunnar í verðbólgumælingunni getur ekki verið rétt metið.  Í þeim "hremmingum" sem við erum í núna, er það algjörlega nauðsynlegt að taka VERÐTRYGGINGUNA ÚR SAMBANDI frá og með 1 september að neysluverðsvísitalan verði "fryst" í 480,1 stigi næstu þrjá mánuði og áður en sá tími líður verði staðan metin og ákveðið verði hvort þörf verði á framlengingu.  Og það verður að koma í veg fyrir að almenningur lendi í því að borga þetta "hrun" eins og stóra hrunið 2008 með því að STÖÐVA NAUÐUNGARUPPBOÐ ÍBÚÐARHÚSNÆÐIS næstu þrjá til fjóra mánuði.  það ÆTTI EKKI AÐ VERA NEITT STÓRMÁL AÐ HRINDA ÞESSU Í FRAMKVÆMD ÞAÐ Á EKKI BARA AÐ VERNDA FJÁRMAGNSEIGENDUR ÞEGAR EITTHVAÐ BJÁTAR Á Í HAGKERFINU.........

Veikingin slæm fyrir lífeyrisþega á Spáni

Athugasemdir

[Tómas Ibsen Halldórsson, 28.8.2020 kl. 21:18]

Alveg rétt Jóhann. Fjöldi manns er að missa vinnuna og verða tekjulausir ef fram heldur sem horfir. Lánin hjá þessu fólki munu hækka og leigan hjá þeim sem eru á leigumarkaði. Þetta mun koma verst niður á þeim sem síst skildi.

En er það ekki stefnan að gera alla fátæka og háða ríkinu? Mér sýnist aðgerðir íslenska ríkisins og ríkisstjórna allrar heimsbyggðarinnar stefna að því. Allir eiga að hafa það skítt. Segir ekki í heimsáætlun Sameinuðu þjóðanna að allir eigi að hafa það gott? Ég sé ekkert ríki stefna að því. Þeir sem hafa það virkilega gott eru einmitt þeir sem stjórna öllu bak við tjöldin. Það eru þeir sem kaupa stjórnmálamenn eða hóta þeim ef þeir fara ekki að vilja þeirra. BG, AF, GS, HK o.fl.

[Guðmundur Ásgeirsson, 28.8.2020 kl. 21:51]

"STÖÐVA NAUÐUNGARUPPBOÐ ÍBÚÐARHÚSNÆÐIS"

Ekki bara í þrjá til fjóra mánuði heldur a.m.k. fram á mitt næsta ár eins og er lagt til í þessu frumvarpi: 1308/150 frumvarp: nauðungarsala | Þingtíðindi | Alþingi

[Guðmundur Ásgeirsson, 28.8.2020 kl. 21:53]

Tómas: "Lánin hjá þessu fólki munu hækka".

Ekki hjá þeim ört vaxandi fjölda sem er að afnema verðtryggingu úr sínu heimilisbókhaldi með því að breyta lánum yfir í óverðtryggð.

[Tómas Ibsen Halldórsson, 28.8.2020 kl. 22:42]

Þegar verðbólgan fer af stað munu vextir hækka.

[Jóhann Elíasson, 28.8.2020 kl. 22:47]

Guðmundur, það er EINN stór galli við óverðtryggðu lánin en hann er sá að þau eru með BREYTILEGUM VÖXTUM og virka þá mjög svipað og þau verðtryggðu að því leiti að lántakendur geta EKKI með nokkru móti gert neinar áætlanir um hvernig afborganir af láninu koma til með að þróast.  Hvernig hægt var að eyðileggja þau svona er mér hulin ráðgáta.......

[Jóhann Elíasson, 28.8.2020 kl. 22:52]

Tómas, verðbólgan ER komin af stað, það hækka ALLAR neysluvörur nema þær sem eru í neysluvísitölunni.  Kaupmenn vita ósköp vel hvaða vörur eru í NEYSLUVÍSITÖLUNNI og hækka ALLAR aðrar vörur, þannig er vísitalan sem verðbólgan er reiknuð útfrá FÖLSUÐ....

[Guðmundur Ásgeirsson, 28.8.2020 kl. 23:17]

Tómas. Þá munu heimilin þurfa að spara til að eiga fyrir afborgun af láni næsta mánuð og það dregur strax úr verðbólgunni. Þannig virkar óverðtryggt umhverfi og er um leið ástæaðan fyrir því að vaxtahækkanir í síðasta hruni virkuðu ekki heldur gerðu bara illt verra því þá var umhverfið allt verðtryggt. Í Bretlandi eru öll húsnæðislán tengd stýrivöxtum og það kerfi virkar.

Svo er önnur breyta í þessu að frá því að stýrivextir byrjuðu að lækka hafa vextir húsnæðislána aðeins lækkað um helming þeirrar lækkunar. Heimilin eiga því talsvert inni hjá bönkunum í vaxtastiginu. Hver svo sem rökin eru fyrir því að lækka vexti þeirra aðeins um helming stýrivaxtalækkunar hlýtur það sama að eiga við til hækkunar þannig að þá hækki húsnæðislánin ekki meira en um helming stýrivaxtahækkunar. Bankarnir eru búnir að taka sér þá stöðu að þeir verði að virða þennan samfélagssáttmála, annars verða uppþot og þeir fyrstir brenndir til grunna.

Jóhann. Það er ekki galli á óverðtryggðu lánunum að þau séu með breytilega vexti heldur kostur því það gerir stýrivöxtum seðlabankans kleift að virka í stað þess að vera sýndarmennska. Lántakendur ættu alveg að geta gert áætlanir sem gera ráð fyrir sveiflum á vöxtum því skylt er að veita þeim greiðsluáætlun sem tekur mið af hæstu vöxtum síðustu 20 ára. Þeir fóru hæst í rúmlega 20% í árslok 2008 og neytendur eiga að hafa fengið greiðsluáætlun miðað við þá forsendu. Ef ekki var upplýst um það ber neytanda engin skylda til að greiða svo háa vexti.

Það er mikilvægt að átta sig á því að við erum í allt öðru umhverfi núna en í síðasta hruni.

[Guðmundur Ásgeirsson, 29.8.2020 kl. 01:09]

Við þetta má bæta að í óverðtryggðum lánum er líka hægt að semja um frystingu eða greiða aðeins vextina um tíma, sem dempar greiðslubyrði ef áföll verða.

Þessi og önnur hugsanleg úrræði eru nú beinlínis lögbundin í 38. gr. laga um fasteignalán til neytenda nr. 118/2016.

Aðalatriðið er að neytandinn njóti alltaf samningsréttar um greiðslufyrirkomulag þegar um heimili hans er að ræða.

[Jóhann Elíasson, 29.8.2020 kl. 06:50]

Guðmundur, það þarf nú ekki mikla spekinga til að sjá óhagræðið í því að vextir séu breytilegir og eingöngu háðir duttlungum" lánveitanda........

[Guðmundur Ásgeirsson, 29.8.2020 kl. 15:01]

"vextir séu breytilegir og eingöngu háðir duttlungum" lánveitanda"

Slíkt er ólöglegt. Samkvæmt lögum um fasteignalán til neytenda verður að upplýsa neytanda um skilyrði vaxtabreytinga og við hvaða aðstæður vextir breytist, áður en samningur er gerður.

[Jóhann Elíasson, 29.8.2020 kl. 16:28]

Ekki veit ég til að allt sé samkvæmt lögum sem gert er á fjármálamarkaðnum ef svo væri, væri sennilega ekki mikill ágreiningur í gangi............